Maak 9:48 - EBƆRƐ BE KAWƆL

⁴⁸ Ndoŋ basa be ashushombi maa wu kikɛ nɛ edɛ na malɛ maa duŋ kikɛ.”

Maak 9:48 ပူးပေါင်းရင်းမြစ်များ

Aizaaya 66:24

Kumo be kaman nɛ ma basa e lar kowu n ya wu basa nɛ b lar ma kaman ŋ kilgi a kɔ ma na be kebuniana. Ashushombi nɛ a beeŋ ji bumo na maaŋ wu kikɛ. Edɛ nɛ a beeŋ chɔɔ bumo m mur na malɛ gba maaŋ duŋ kikɛ. Bumo be asheŋ beeŋ keta ekama nɛ e beeŋ wu bumo kenishiso kejija.”

Jɛremaya 4:4

Men ta menyi be ŋgbene kikɛ m bɛ ma, Enyɛnpe Ebɔrɛ na nɛ menyi be kɔnɔkoŋwule be ŋkre na so. Nɛ menyi Juda nɛ Jerusalɛm be basa maŋ wora loŋ, ma kanya agbo beeŋ suse so fanɛ edɛ ŋkpal asheŋ lubi nɛ men wora so, nɛ esa kama maaŋ tiŋ n duŋ kumo.”

Matiu 25:41

Ade be kaman nɛ ŋ kaŋɛ bumo nɛ b wɔ ma bena so na le: ‘Basa lubi ere, men shile ma so n yɔ edɛ nɛ b puga n yili Setani nɛ mbe emalaika na to. Edɛ na maa duŋ kikɛ.

Matiu 3:12

E du fanɛ esa nɛ e kɔ kawie chela asɔ to nna a chela asɔ to. E beeŋ chela mbe ayu to n ta amo be alela n wɔtɔ mbe kapuro to nseŋ ta amimi na n wɔtɔ edɛ nɛ a maa duŋ to.”

Maak 9:49

Baaŋ ta edɛ be kayurnyaŋ n wora ekama ŋ keni nɛ e ki esa cheembi fanɛ kananɛ baa kɔr nfɔl a wɔtɔ ajibi to nɛ a maa jija manaŋ manaŋ na.

Luuk 3:17

E du fanɛ esa nɛ e kɔ kawie chela asɔ to nna a chela asɔ to. E beeŋ chela mbe ayu to n ta amo be alela n wɔtɔ mbe kapuro to nseŋ ta amimi na n wɔtɔ edɛ nɛ a maa duŋ to.”