Maak 9:37 - EBƆRƐ BE KAWƆL

³⁷ “Esa kama nɛ e sɔ le be kebia ere ŋkpal ma so, sɔ ma nna na nɛ ekama nɛ e sɔ ma, e maŋ sɔ ma nawule, ama emo nɛ e shuŋi ma na gba nɛ e sɔ.”

Maak 9:37 ပူးပေါင်းရင်းမြစ်များ

Matiu 18:10

Nɛ Yesu kaŋɛ bumo: “Men baa da so n sa maa fɛl mbibi ere be ekama, ŋkpal manɛ so, ma e kaŋɛ menyi na fanɛ bumo be emalaika wɔ ebɔrɛso nna a wu n Tuto Ebɔrɛ nɛ e wɔ ebɔrɛso na.

Matiu 25:40

Nɛ ma, Ewura na e kaŋɛ le: ‘Ma e kaŋɛ menyi kashenteŋto na fanɛ, kusɔ kama nɛ men daŋ wora n sa ŋ kurgepobi ere be ekama, ma nɛ men daŋ wora n sa na.’

Maak 9:36

Ndoŋ nna nɛ e shin nɛ kebia ko ba yili bumo be anishito nɛ e gberge kebia na m mata mbe kumu nseŋ kaŋɛ bumo:

Luuk 10:16

Kumo be kaman nɛ e kaŋɛ mbe bebɛsopo: “Esa kama nɛ e bee nu a sa menyi, bee nu a sa ma nna na. Ekama malɛ nɛ e bee kini menyi, bee kini ma nna na. Nɛ ekama malɛ nɛ e kini ma, kini emo nɛ e shuŋi ma na nna na.”

Luuk 9:48

“Esa kama nɛ e sɔ le be kebia ere ŋkpal ma so, sɔ ma nna na, ekama malɛ nɛ e sɔ ma, sɔ emo nɛ e shuŋi ma na gba nna na. Amoso, ekama nɛ e la men kikɛ to be emantopo e la esa nɛ e chɔ ekama.”

Baru lela nɛ Jɔn kute na 10:30

Ma nɛ n Tuto na la kukoŋwule nna.”

Baru lela nɛ Jɔn kute na 13:20

Ma e kaŋɛ menyi kashenteŋto na fanɛ ekama nɛ e sɔ esa kama nɛ n shuŋi, sɔ ma nna na. Ekama malɛ nɛ e sɔ ma sɔ esa nɛ e shuŋi ma na nna na.”

Baru lela nɛ Jɔn kute na 5:23

saŋɛ na so, ekama beeŋ bunyaŋ ma, Ebinyɛn na fanɛ kananɛ baa bunyaŋ Etuto na. Ekama malɛ nɛ e maa bunyaŋ ma, Ebinyɛn na maa bunyaŋ Etuto nɛ e shuŋi ma na gba nna na.

1 Tɛsalɔnikaebi 4:8

Amoso, ekama nɛ e kini keŋini ere, mannɛ nyiŋgbasa nɛ e kini, ama Ebɔrɛ nɛ e bee sa menyi mbe Kiyoyu na nɛ e kini.