Maak 9:31 - EBƆRƐ BE KAWƆL

³¹ Ŋkpal manɛ so, e daa ŋini mbe bebɛsopo nna a kaŋɛ: “Baaŋ ta ma, Nyiŋgbasa Pibinyɛn m bɔɔ basa enɔ nɛ b mɔ ma, ama b kaŋ mɔ ma be nchɛ asa to meeŋ tiŋi luwu na to.”

Maak 9:31 ပူးပေါင်းရင်းမြစ်များ

Matiu 16:21

Yili kumo be kamɔnchɛ na a yɔ nɛ Yesu fara a ŋini mbe bebɛsopo na le: “A daga ŋ ka yɔ Jerusalɛm n ya ji awurfoŋ ga benimuana nɛ bɔrɛmatapowuraana nɛ mbraŋinipoana na be enɔ to. Baaŋ mɔ ma nɛ n tiŋi luwu na to kumo be kachɛ sasopo to.”

Matiu 20:28

fanɛ kananɛ ma, Nyiŋgbasa Pibinyɛn gba maŋ ba nɛ b ba shuŋ ma na. M ba nna nɛ m ba shuŋ nseŋ ta ma ŋkpa n sɔ basa damta n yige.”

Matiu 26:2

“Men nyi fanɛ a ka nchɛnnyɔ nɛ Kebansonchoŋ be kejigboŋ na e fo, kumo be saŋɛ na so baaŋ ta ma, Nyiŋgbasa Pibinyɛn m bɔɔ basa enɔ nɛ b gbir ma m mata kedibi largato so m mɔ.”

Matiu 27:63

“Ebunyampo, an nyiŋi saŋɛ nɛ efɛpo na daa wɔ ŋkpa to ka kaŋɛ le: ‘Ŋ kaŋ wu, meeŋ tiŋi luwu na to kumo be kachɛ sasopo to.’

Maak 10:34

nseŋ kilgi n ta ma m bɔɔ nnyamase enɔ. Nɛ bumo alɛ e wora ma eyurto n tuu echɔl n fea ma ŋ kuya ma so nseŋ mɔ ma. Ama kumo be nchɛ asa to meeŋ tiŋi luwu na to.”

Maak 8:31

Nɛ Yesu naŋ fara a ŋini mbe bebɛsopo na a kaŋɛ: “A daga fanɛ ma, Nyiŋgbasa Pibinyɛn e ji awurfoŋ ga nɛ benimu nɛ bɔrɛmatapowuraana nɛ mbraŋinipoana e kini ma nseŋ mɔ ma nɛ n tiŋi luwu na to kumo be kachɛ sasopo.”

Maak 9:12

Nɛ e kaŋɛ bumo le: “Kashenteŋ, Elaija bee juŋkpar a ba nna nɛ e ba lɔŋɛ kusɔ kama n yili. Ŋkeshin nɛ manɛ e ba nɛ abɔrɛsibɛ na bee kaŋɛ fanɛ ma, Nyiŋgbasa Pibinyɛn beeŋ ji etɔrɔ damta nɛ b keni ma jiga?

Luuk 24:26

Men maŋ nyi fanɛ asheŋ nɛ a wora ere kikɛ daga kewora Kristo na nna pɔɛŋ nɛ e luri mbe kemaŋkura na to a?”

Luuk 9:44

Asheŋ nɛ Yesu daŋ wora na kikɛ daŋ kraa chinchiŋ basa na nna nɛ Yesu kaŋɛ mbe bebɛsopo: “Men sa maŋ kaŋ teŋ kusɔ nɛ mee shin nɛ ŋ kaŋɛ menyi ere so. Baaŋ ta ma, Nyiŋgbasa Pibinyɛn m bɔɔ basa enɔ.”

Baru lela nɛ Jɔn kute na 10:18

Esa kikɛ maa sɔ kumo ŋ kutɔ. Ŋ gbagba e naa ta kumo a sa basa. Meeŋ tiŋ n ta kumo n sa basa nseŋ naŋ tiŋ n ta kumo a wɔtɔ. Loŋ nɛ n Tuto na yili fanɛ n wora.”

Baru lela nɛ Jɔn kute na 2:19

Nɛ Yesu kaŋɛ bumo le: “Men jija bɔrɛlambu ere ŋ keni nɛ n naŋ pɔr kumo nchɛ nsa to.”

Baru lela nɛ Jɔn kute na 3:14

Kananɛ anebi Mosis daŋ kre danyaŋ be kabulpi nɛ k du fanɛ kuwɔ ashi kiyi to m mata kedibi nseŋ maŋ kumo so n yili na, loŋ gbagba na nɛ a daga fanɛ b maŋ Nyiŋgbasa Pibinyɛn na gba so.

2 Timoti 2:12

Nɛ anyi maŋ pɔ aba nseŋ kraa ji kanyiti, anyi nɛ mo e naaŋ ji kuwura basa so. Ama nɛ an kini mo, mo alɛ gba beeŋ kini anyi.