Maak 9:25 - EBƆRƐ BE KAWƆL

²⁵ Yesu ka wu fanɛ jimaŋ na bee wora keshi mo so nɛ e fiɛ kiyoyu lubi na so ŋ kaŋɛ: “Kpawu nɛ neemu be kiyoyu lubi, lar kebinyɛnbi na to nsaa maŋ naŋ bɛta n yɔ mo to kikɛ.”

Maak 9:25 ပူးပေါင်းရင်းမြစ်များ

Zakareya 3:2

Ndoŋ nna nɛ Enyɛnpe Ebɔrɛ be malaika na kaŋɛ Setani le: “Enyɛnpe Ebɔrɛ na e fiɛ fo so, Setani! Enyɛnpe Ebɔrɛ nɛ mbe kasha wɔ Jerusalɛm so na e fiɛ fo so. Kanyɛn ere du fanɛ kadɛdibi nɛ b pee edɛ to nna.”

Matiu 12:22

Kachako basa ko bar mbuibilubiwura ko Yesu kutɔ. E daa la tanponyɛn nna, mo alɛ nseŋ daŋ naa la neemu. Nɛ Yesu chɛ mo nɛ e fara a malga nseŋ naa wu.

Matiu 17:18

B ka bar mo mo kutɔ nɛ e fiɛ kiyoyu lubi na so nɛ k lar kebia na to nɛ e nya eleŋ epul na to.

Maak 9:15

Basa na ka baŋ wu Yesu nɛ k chinchiŋ bumo ga nɛ b shile n yɔ mo kutɔ n ya chɔrɔ mo.

Maak 9:24

Epul na to nɛ kebia na mo tuto kaŋɛ awɔrso: “Ŋ kɔ yirda, ama k maŋ shi nna. Chɛ ma to!”

Maak 9:26

Nɛ kiyoyu lubi na nyaŋɛ to kebinyɛnbi na to ga n fiɛ to m ba lar ŋ ka mo n nase fanɛ ebuni nɛ basa na be bedamta kaŋɛ fanɛ: “E wu.”

Luuk 11:14

Kachako Yesu ju neemu be kiyoyu lubi ashi kanyɛn ko to. Kiyoyu lubi na ka baŋ yɔ nɛ kanyɛn na fara a malga nɛ k chinchiŋ jimaŋ na ga.

Luuk 4:35

Nɛ Yesu ponte kiyoyu lubi na so: “Lo to ndoŋ n lar kanyɛn na to!” Ndoŋ nna nɛ kiyoyu lubi na da kanyɛn na n lɛ bumo kikɛ be anishito ndoŋ nseŋ lar mo to n yɔ ŋ ka mo nɛ kayurwushi.

Luuk 4:41

Mbuibi lubiana gba daŋ lar basa damta to m boŋ to ŋ kaŋɛ: “Fo e la Ebɔrɛ Pibinyɛn na.” Ama Yesu daŋ fiɛ bumo so a maŋ shuli nɛ mbuibi lubi na kaŋɛ shɛŋ, ŋkpal manɛ so, b nyi e ka la Kristo na.

Luuk 8:29

E daŋ kaŋɛ le nna ŋkpal Yesu ka daŋ kaŋɛ fanɛ kiyoyu lubi na e lar mo to so. Saŋɛ damta kiyoyu lubi na daa tiŋ a dii mo ga nɛ basa daa ta ŋgbɛlɛbi a kre mbe aya nɛ enɔana a nase nsaa de mo so, ama e daa tuge amo to nna nɛ kiyoyu lubi na daa yeŋ mo to a yɔ kiyi to.

Luuk 9:42

Kebia na ka bee ba nɛ kiyoyu lubi na da mo n lɛ kasawule n shin nɛ e bee sela aya to a kpa enɔana fanɛ kegbuŋgbuŋwura. Ndoŋ nna nɛ Yesu fiɛ kiyoyu lubi na so n chɛ kebia na nseŋ ta mo m bɔɔ mo tuto enɔ.

Ashuŋ Shunso 16:18

E daŋ malga loŋ nchɛ damta nɛ kachako Pɔɔl be kagbene jija mo ga nɛ e gben ŋ kilgi ŋ kaŋɛ kiyoyu lubi na: “Yesu Kristo be ketre to nɛ mee kaŋɛ fo na: Lar kebichebi ere to!” Epul na gbagba to nɛ kiyoyu lubi na lar kebichebi na to.

Juud 1:9

Hale Maikel mo nɛ e la emalaika kikɛ be ejuŋkparpo na daa maŋ shoduu Setani saŋɛ nɛ mo nɛ mo daa ji emɔrɔ ŋkpal anebi Mosis be eyur so na. E daa maŋ maŋ mbe kumu so n tege Setani, kusɔ nɛ e daŋ kaŋɛ e la: “Ebɔrɛ e fiɛ fo so!”