Maak 9:20 - EBƆRƐ BE KAWƆL

²⁰ Men bar kebia na ma kutɔ.” Nɛ b bar mo m ba sa Yesu. Kiyoyu lubi na ka baŋ wu Yesu nɛ e da kebia na n lɛ kasawule n shin nɛ e bee sela aya to a kpa enɔana nsaa gbelti nɛ apɔpɔ bee lar mbe kɔnɔ to.

Maak 9:20 ပူးပေါင်းရင်းမြစ်များ

Maak 1:26

Ndoŋ nna nɛ kiyoyu lubi na gbuŋgbuŋ kanyɛn na to ga m boŋ to nseŋ lar mo to.

Maak 9:18

Saŋkama nɛ kiyoyu lubi na baŋ ya koso mo so, e bee lɛ mo kasawule nna, nɛ apɔpɔ e baa lar mbe kɔnɔ to, nɛ e baa we anyi to, nɛ mbe eyur kikɛ e ki keŋkreŋ. Ŋ kule fo bebɛsopo na fanɛ b ju kiyoyu lubi na mo to, ama b maŋ tiŋ.”

Maak 9:19

Nɛ Yesu bishi bebɛsopo na: “O menyi mbreebi, nuso be basa e la menyi nɛ men maŋ kɔ yirda ere bre? Nuso be kechɛr nɛ menyee sha fanɛ n chɛr menyi kutɔ? Nuso be kanyiti nɛ menyee sha fanɛ n naŋ ta ŋ keta menyi?

Maak 9:21

Nɛ Yesu bishi kebia na mo tuto: “Kusɔ ere wɔ mo to n chɛr a?” Nɛ kanyɛn na kaŋɛ: “Hale mbe kebiato kikɛ.

Maak 9:26

Nɛ kiyoyu lubi na nyaŋɛ to kebinyɛnbi na to ga n fiɛ to m ba lar ŋ ka mo n nase fanɛ ebuni nɛ basa na be bedamta kaŋɛ fanɛ: “E wu.”

Luuk 4:35

Nɛ Yesu ponte kiyoyu lubi na so: “Lo to ndoŋ n lar kanyɛn na to!” Ndoŋ nna nɛ kiyoyu lubi na da kanyɛn na n lɛ bumo kikɛ be anishito ndoŋ nseŋ lar mo to n yɔ ŋ ka mo nɛ kayurwushi.

Luuk 8:29

E daŋ kaŋɛ le nna ŋkpal Yesu ka daŋ kaŋɛ fanɛ kiyoyu lubi na e lar mo to so. Saŋɛ damta kiyoyu lubi na daa tiŋ a dii mo ga nɛ basa daa ta ŋgbɛlɛbi a kre mbe aya nɛ enɔana a nase nsaa de mo so, ama e daa tuge amo to nna nɛ kiyoyu lubi na daa yeŋ mo to a yɔ kiyi to.

Luuk 9:39

Kiyoyu lubi ko e naa kaa koso mo to a shin nɛ e bee koso epul to a wora awɔr nsaa sela aya to a kpa enɔana nɛ apɔpɔ bee lar mbe kɔnɔ to. E maa sha keyige mo nseŋ baa wɔtɔ a doro mo.

Luuk 9:42

Kebia na ka bee ba nɛ kiyoyu lubi na da mo n lɛ kasawule n shin nɛ e bee sela aya to a kpa enɔana fanɛ kegbuŋgbuŋwura. Ndoŋ nna nɛ Yesu fiɛ kiyoyu lubi na so n chɛ kebia na nseŋ ta mo m bɔɔ mo tuto enɔ.

Baru lela nɛ Jɔn kute na 8:44

Men tuto e la alubipo na nɛ menyee sha kebaawora mbe aparsheŋ. Emɔpo e la mo sososo kikɛ, mo alɛ be shɛŋ maa ji kashenteŋ to, ŋkpal kashenteŋ ka maŋ wɔ mo to so. E baa ku efɛ, kananɛ mbe kapɔr du nɛ e bee ŋini, ŋkpal manɛ so, e la efɛpo nna nseŋ naa la efɛ kikɛ amo tuto.

1 Pita 5:8

Men baa da so n shin nɛ men be nfɛra e baa niŋi, ŋkpal manɛ so, men doŋ alubipo na wɔtɔ nna a kilgi to fanɛ buluŋ a fin esa nɛ e beeŋ mur.