Maak 9:19 - EBƆRƐ BE KAWƆL

¹⁹ Nɛ Yesu bishi bebɛsopo na: “O menyi mbreebi, nuso be basa e la menyi nɛ men maŋ kɔ yirda ere bre? Nuso be kechɛr nɛ menyee sha fanɛ n chɛr menyi kutɔ? Nuso be kanyiti nɛ menyee sha fanɛ n naŋ ta ŋ keta menyi?

Maak 9:19 ပူးပေါင်းရင်းမြစ်များ

Nshɛ 78:22

ŋkpal b ka daa maŋ yirda mo nseŋ daŋ ji mbe kumɔlga be eleŋ emɔrɔ so.

Nɔmbɛs 14:11

Ndoŋ nna nɛ Enyɛnpe Ebɔrɛ kaŋɛ Mosis le: “Emamachisheŋ damta nɛ n wora n sa basa ere kikɛ ere, b kraŋ kini keyirda ma nsaa keni ma jiga a?

Nɔmbɛs 14:22

basa ere b ekama maaŋ yɔ kasawule nɛ n nase kɔnɔ n sa bumo na so. Ŋkpal manɛ so b wu ma kemaŋkura nɛ emamachisheŋ nɛ n wora ashi Ijipt be kasawule so nɛ keshishɛrsawule na so, ama b kini kenu n sa ma nseŋ wora ma ŋ keni alɛ damta.

Nɔmbɛs 14:27

“Saŋɛ mo gba nɛ basa lubi ere beeŋ yige kebaa fubel a bile asheŋ a malga a gbiti ma? Bumo be nfubel na wora kebaŋso!

Matiu 17:17

Nɛ Yesu bishi bebɛsopo na: “O menyi mbreebi, nuso be basa lubi e la menyi nɛ men maŋ kɔ yirda ere bre? Nuso be kechɛr nɛ menyee sha fanɛ n chɛr menyi kutɔ? Nɛ nuso be kanyiti nɛ menyee sha fanɛ n naŋ ta ŋ keta menyi? Men bar kebia na ma kutɔ nfe.”

Maak 16:14

Kumo be lalaloge nɛ Yesu ba lar bebɛsopo kudukako na so nɛ b tase a ji nɛ e malga bumo ŋkpal b ka maŋ kɔ yirda so n naŋ kpal b ka ta kumuleŋ ŋ kini keyirda bumo nɛ b wu mo saŋɛ nɛ e tiŋi luwu to na so.

Maak 9:18

Saŋkama nɛ kiyoyu lubi na baŋ ya koso mo so, e bee lɛ mo kasawule nna, nɛ apɔpɔ e baa lar mbe kɔnɔ to, nɛ e baa we anyi to, nɛ mbe eyur kikɛ e ki keŋkreŋ. Ŋ kule fo bebɛsopo na fanɛ b ju kiyoyu lubi na mo to, ama b maŋ tiŋ.”

Maak 9:20

Men bar kebia na ma kutɔ.” Nɛ b bar mo m ba sa Yesu. Kiyoyu lubi na ka baŋ wu Yesu nɛ e da kebia na n lɛ kasawule n shin nɛ e bee sela aya to a kpa enɔana nsaa gbelti nɛ apɔpɔ bee lar mbe kɔnɔ to.

Luuk 24:25

Ndoŋ nna nɛ e kaŋɛ bumo le: “Men maa wora nfɛra kuraa, ŋkpal manɛ so, asɔ nɛ anebiana na sibɛ n nase na kikɛ be keta n wɔtɔ menyi be ŋgbene to du menyi so kpakpa kashenteŋto geeŋ.

Luuk 9:41

Nɛ Yesu bishi bebɛsopo na: “O menyi mbreebi, nuso be basa lubi e la menyi nɛ men maŋ kɔ yirda ere bre? Nuso be kechɛr nɛ menyee sha fanɛ n chɛr menyi kutɔ? Nɛ nuso be kanyiti nɛ menyee sha fanɛ n naŋ ta ŋ keta menyi?” Ndoŋ nna nɛ e kaŋɛ kanyɛn na: “Bar fo pibi na nfe.”

Baru lela nɛ Jɔn kute na 12:27

Naniere ma kagbene maŋ dese ma, ama nuso nɛ meeŋ wora? Ŋ kaŋɛ n Tuto fanɛ: ‘Etuto, mɔlga ma ashi le be kenishipere ere to,’ ŋko nuso? Ayai, m maaŋ wora loŋ, ŋkpal manɛ so, loŋ so nɛ m ba nɛ m ba ji saŋɛ ere so be awurfoŋ.

Baru lela nɛ Jɔn kute na 20:27

Kumo be kaman nɛ e kaŋɛ Tɔmas le: “Tɔmas, ta fo keshilbi n wɔtɔ ma nfe, keni ma enɔana so. Teŋi fo enɔ to n ta n wɔtɔ ma kekel to ŋ keni. Yirda nsaa maa wora shikashika.”

Ditɛronɔmi 32:20

Kumo be kaman nɛ e kaŋɛ le: ‘M maaŋ naŋ chɛ bumo to kikɛ, nseŋ keni kusɔ nɛ k beeŋ wora ŋgbene kpakpasowuraana nɛ b maa ji kashenteŋ ere.