Maak 9:1 - EBƆRƐ BE KAWƆL

¹ Nɛ Yesu naŋ kaŋɛ: “Ma e kaŋɛ menyi kashenteŋto na fanɛ basa ko wɔ nfe a maaŋ wu she b wu Ebɔrɛ be kuwura na ka ba nɛ eleŋ nna pɔɛŋ.”

Maak 9:1 ပူးပေါင်းရင်းမြစ်များ

Matiu 16:28

Ma e kaŋɛ menyi kashenteŋto na fanɛ basa ko wɔ nfe a maaŋ wu she b wu ma, Nyiŋgbasa Pibinyɛn ka ba fanɛ Ewura nna pɔɛŋ.”

Matiu 24:30

Saŋɛ na so ma, Nyiŋgbasa Pibinyɛn be tɔɔnɛ beeŋ lar awɔlpa so, nɛ durnya ere to be efuliana kikɛ to ebi e shu. Baaŋ wu ma, Nyiŋgbasa Pibinyɛn nɛ eleŋ nɛ kemaŋkura gboŋ ka wɔ awɔlpa so a ba.

Matiu 25:31

Nɛ Yesu naŋ kaŋɛ: “Saŋɛ nɛ ma, Nyiŋgbasa Pibinyɛn beeŋ shi ma kemaŋkura to nɛ emalaika kikɛ e ba na, meeŋ ba chena ma kemaŋkura be kuwurputi na so.

Maak 13:26

Saŋɛ na so baaŋ wu ma, Nyiŋgbasa Pibinyɛn ka shi awɔlpa so nɛ eleŋgboŋ nɛ kemaŋkura a ba.

Maak 13:30

Kashenteŋto nɛ mee kaŋɛ menyi na fanɛ asheŋ ere kikɛ beeŋ wora pɔɛŋ nɛ mbreebi nɛ b wɔ ŋkpa to ere kikɛ e wu.

Luuk 2:26

Kiyoyu Cheeŋ na malɛ e daŋ ŋini mo fanɛ e maŋ wu Kristo nɛ Enyɛnpe nase kɔnɔ fanɛ e beeŋ sa na, e maaŋ wu.

Luuk 22:18

“Men sɔ n chige abar n nuu, ŋkpal manɛ so, ma e kaŋɛ menyi na fanɛ yili kabre a yɔ m maaŋ naŋ nuu le be waindibi be yabra kikɛ hale nɛ Ebɔrɛ be kuwura na be jemanɛ e ya ba.”

Luuk 22:30

n ji nseŋ nuu ashi ma kuwura to nseŋ naaŋ chena nwurputiana so n ji Israɛlebi be nnaŋ kuduanyɔ na demu.”

Luuk 9:27

Ma e kaŋɛ menyi kashenteŋto na fanɛ basa ko wɔ nfe a maaŋ wu she b wu Ebɔrɛ be kuwura na ka ba nna pɔɛŋ.”

Baru lela nɛ Jɔn kute na 21:23

Ŋkpal le so, k daŋ sɔ Yesu be bebɛsopo na kikɛ to nna fanɛ ebɛsopo mo na bre maaŋ wu. Ama mannɛ aloŋ malɛ nɛ Yesu daŋ kaŋɛ. E daŋ kaŋɛ nna fanɛ: “Nɛ mee sha fanɛ e baa wɔ ŋkpa to hale nɛ n ya ba bre, k nya fo nnɛ nna?”

Hibruwebi 2:9

Ama Yesu bre, an wu b ka ta kemaŋkura nɛ bunyaŋ m buu mo fanɛ kuwura. Ama saŋɛ gbrɛbi ko Ebɔrɛ daŋ shin nɛ emalaika daa chɔ mo nna ŋkpal luwu be awurfoŋ nɛ e ji na so, saŋɛ na so, e beeŋ wu n sa basa kikɛ ŋkpal Ebɔrɛ be kakɛ so.