Maak 8:6 - EBƆRƐ BE KAWƆL

⁶ Nɛ e shin nɛ jimaŋ na chena kasawule. Nɛ e ta ebodobodo ashunu na nseŋ chɔrɔ Ebɔrɛ nseŋ fara a buri amo to a sa mbe bebɛsopo na fanɛ b baa sa jimaŋ na nɛ bebɛsopo na wora loŋ.

Maak 8:6 ပူးပေါင်းရင်းမြစ်များ

Matiu 26:26

B ka bee ji na nɛ Yesu ta bodobodo nseŋ nɛfa kumo nseŋ bu kumo to n ta n sa mbe bebɛsopo nseŋ kaŋɛ bumo le: “Men ta n we, ma eyur nna na.”

Maak 8:20

Nɛ Yesu naŋ bishi bumo: “Nɛ ŋ ka daŋ buri ebodobodo ashunu to n sa benyɛn ŋgboŋ ana na, ejiŋka nlantaŋɛ afanɛ nɛ men daŋ tise na?” Nɛ b kaŋɛ: “A daa wɔ nlantaŋɛ ashunu.”

Maak 8:5

Nɛ Yesu bishi bumo: “Ebodobodo afanɛ nɛ men kɔ?” Nɛ b kaŋɛ mo: “Ebodobodo ashunu.”

Maak 8:7

B daa kɔ ekɔrɔtɔbi ko gba. Nɛ Yesu ta amo nseŋ nɛfa amo ŋ kaŋɛ bebɛsopo na fanɛ b ta amo alɛ gba n sa basa na.

Luuk 12:37

Bumo nɛ bumo nyɛnpe na beeŋ ba tu nɛ b bela ase a jo mo nsaa keni na beeŋ nu ebel ga. Enyɛnpe na gbagba beeŋ shin nɛ b chena nɛ e kre so n wora ajibi n sa bumo.

Luuk 24:30

Ndoŋ nna nɛ Yesu shuli n tu bumo n yɔ. Mo nɛ bumo ka ya kaa tase ejikpa nɛ e ta bodobodo na n nɛfa kumo nseŋ bu kumo to n ta n sa bumo.

Baru lela nɛ Jɔn kute na 2:5

Ndoŋ nna nɛ Yesu mo nio kilgi ŋ kaŋɛ laŋ na to be nyɛrbi le: “Kusɔ kama nɛ e yɛ men wora, men wora.”

Baru lela nɛ Jɔn kute na 6:23

Taibɛrias be ekuloŋ ko malɛ daŋ ba kaa yil kepagboŋ na be ekarso a mata kakpa nɛ Yesu daŋ di Ebɔrɛ epaŋ nseŋ sa basa na ajibi na.

Romebi 14:6

Esa kama nɛ e bee ta kachɛ ko fanɛ kachɛgboŋ, bee wora loŋ nna a sha kebunyaŋ Enyɛnpe. Nɛ ekama malɛ nɛ e bee ji kejibi ko, bee ji kumo nna a bunyaŋ Enyɛnpe na, ŋkpal manɛ so, amodoŋwura gba bee kaa di Ebɔrɛ epaŋ nna pɔɛŋ nsaa ji. Nɛ ekama malɛ nɛ e bee kini kejibi ko be keji, bee wora loŋ nna a bunyaŋ Enyɛnpe na nsaa di Ebɔrɛ epaŋ nna na.

Kɔlɔsiebi 3:17

Kusɔ kama nɛ k shi men be nnɔ to ŋko nɛ menyee wora, men shin nɛ amo kikɛ e daga esa nɛ e yil Yesu Kristo be katelamu to be kushuŋ nɛ men baa chɔrɔ Ebɔrɛ Etuto na ŋkpal Yesu Kristo so.

1 Samuɛl 9:13

Men baŋ luri kade na to, menyeeŋ wu mo pɔɛŋ nɛ e yɔ kakpa nɛ baa lara sarga na. Basa na maaŋ fara a ji sargajibi na ama e baŋ ya nɛfa amo na pɔɛŋ. Nɛ men baŋ yɔ naniere, menyeeŋ tu mo pɔɛŋ nɛ e yɔ ndoŋ.”