Maak 8:35 - EBƆRƐ BE KAWƆL

³⁵ Ŋkpal manɛ so, esa kama nɛ e bee sha mbe ŋkpa ga, beeŋ paŋ kumo, ama ekama nɛ e paŋ mbe ŋkpa ŋkpal ma so nɛ baru lela na so, beeŋ nya kumo.

Maak 8:35 ပူးပေါင်းရင်းမြစ်များ

Kaŋinichiŋgeliŋ 3:6

Mo e naa yili saŋɛ nɛ k daga dimɛdi ka fin nɛ saŋɛ nɛ k daga dimɛdi ka yige kafin, Mo e naa yili saŋɛ nɛ k daga keta asɔ n yili nɛ saŋɛ nɛ k daga keta asɔ n lɛ,

Matiu 10:22

Ekama beeŋ kishi menyi ŋkpal ma so, ama esa kama nɛ e ji kanyiti n ya fo lalaloge na beeŋ nya kumɔlga.

Matiu 10:39

Esa kama nɛ e bee sha mbe ŋkpa ga beeŋ paŋ kumo, ama ekama nɛ e bee paŋ mbe ŋkpa ŋkpal ma so, beeŋ nya kumo.

Matiu 16:25

Ŋkpal manɛ so, esa kama nɛ e bee sha mbe ŋkpa ga beeŋ paŋ kumo, ama ekama nɛ e paŋ mbe ŋkpa ŋkpal ma so beeŋ nya kumo.

Matiu 19:29

Ekama malɛ nɛ e yige mo pe ŋko beda nɛ besipo ŋko besipoche ŋko betuto ŋko benio ŋko bibi ŋko nsawule ŋkpal ma so, amodoŋwura beeŋ nya amo be ntuŋ kalfaso nseŋ nya ŋkpa nɛ k maŋ kɔ ekar na n ti so.

Maak 8:36

Nɛ fanɛ durnya kikɛ ki esa peya nɛ e paŋ mbe ŋkpa na, manɛ be tɔnɔ nɛ e nya?

Luuk 17:33

Ekama nɛ e bee sha mbe ŋkpa ga, beeŋ paŋ kumo, ama ekama nɛ e paŋ mbe ŋkpa, beeŋ nya kumo.

Luuk 9:24

Ŋkpal manɛ so, esa kama nɛ e bee sha mbe ŋkpa ga beeŋ paŋ kumo, ama ekama nɛ e paŋ mbe ŋkpa ŋkpal ma so, beeŋ nya kumo.

Ashuŋ Shunso 20:24

Kusɔ nɛ k tir ma e la kananɛ meeŋ tiŋ n loge Enyɛnpe Yesu be kushuŋ nɛ e sa ma na. Kumo alɛ e la kebɔ Ebɔrɛ be kuwɔr be kakɛ na be baru lela na.

Ashuŋ Shunso 21:13

Nɛ e bishi bumo: “Manɛ so nɛ menyee wora le ere nsaa shu le a jija ma kagbene? Ŋkpal Enyɛnpe Yesu so meeŋ shuli fanɛ b mɔ ma ashi Jerusalɛm to gba, a bishi kekre ma ndoŋ.”

Ashuŋ Shunso 9:16

Ma alɛ gbagba beeŋ ŋini mo tɔrɔ nɛ a daga e ka ji n sa ma.”

1 Kɔrintebi 9:23

Mee wora asheŋ ere kikɛ nna ŋkpal baru lela na so so, saŋɛ na so, ma alɛ gba beeŋ nya kumo be enɛfa na be ako.

2 Kɔrintebi 12:10

Amoso, ŋkpal Kristo so ma kagbene bee fuli ma kapɔshi to nna nɛ kategeana to nɛ kebaawɔtɔ kpakpasoana to nɛ etɔrɔana to nɛ ŋgbenejijaana to. Ŋkpal manɛ so, kapɔshi baa wɔ ma to, kumo ere ŋ kɔ eleŋ nna na.

2 Timoti 1:8

Amoso, sa maŋ shin nɛ keji an Nyɛnpe na be shɛda be asheŋ ŋko ma nɛ n wɔ kabuti to ŋkpal mo so ere be asheŋ e baa wora fo anishinyɔr kikɛ. Ama fo alɛ gba e baa bɔla eleŋ nɛ Ebɔrɛ sa fo na so a shuli a ji awurfoŋ ŋkpal baru lela na so.

Hibruwebi 11:35

Ŋkpal yirda so, beche ko be bubuni daŋ tiŋi ashi luwu to nna n sa bumo. Le be basa ere be beko daŋ kini kesɔ kamooji be kebaawɔtɔ nna nseŋ shuli n shin nɛ b tɔrɔ bumo, saŋɛ na so baaŋ ba tiŋi luwu to n luri ŋkpa nɛ k bɔ na to.

Kelaraŋŋini 12:11

Kpakpafɔlbi na be ŋklaŋ na nɛ bumo be shɛda be kamalga na nɛ b ta m pɔɔ mo so, ŋkpal manɛ so, b daa maŋ sha bumo be amu ga hale saŋɛ nɛ b daa shin nɛ b luri luwu to gba na.

Kelaraŋŋini 2:10

Men sa maŋ kaa ŋana asheŋ nɛ a bee shin nɛ a ba menyi so ere. Mee kaŋɛ menyi nna na fanɛ alubipo na beeŋ shin nɛ b ta menyi be beko n ti ebu nɛ e wora menyi ŋ keni nɛ men ji tɔrɔ nchɛ kudu. Ama men baa yil to kpakpa loŋ n ya kaa fo luwu to be keluri to gba nɛ n sa menyi ŋkpa be kuwurwuro na.

Kelaraŋŋini 7:14

Ndoŋ nna nɛ ŋ kaŋɛ mo le: “Ebunyampo, fo e nyi.” Nɛ e kaŋɛ ma: “Bumo e la basa nɛ b ji n lar tɔrɔgboŋ to na nseŋ fɔr bumo be epiŋi n ta amo n wɔtɔ Kpakpafɔlbi na be ŋklaŋ to nɛ a fuli parr na.