Maak 8:34 - EBƆRƐ BE KAWƆL

³⁴ Nɛ Yesu tre jimaŋ na nɛ mbe bebɛsopo m ba shɛr ŋ kaŋɛ bumo: “Ekama nɛ e bee sha kebɛ ma so, a daga e ka teŋ mbe kumu so nseŋ sulɔ mbe kedibi largato m bɛ ma so.

Maak 8:34 ပူးပေါင်းရင်းမြစ်များ

1 Bewura 14:8

N sɔ kuwurji na ashi ewura Deevid be kaman to ebi kutɔ nna n sa fo ama fo alɛ maŋ du fanɛ ma kayɛrbi Deevid nɛ e daa ji kashenteŋ a nu a sa ma, nsaa wora kusɔ kama nɛ ŋ kaŋɛ na.

Nɔmbɛs 14:24

Ama ŋkpal ma kayɛrbi Kalɛb bre ka maŋ du fanɛ bumo nɛ b ka na nseŋ ji kashenteŋ a sa ma so, meeŋ yɛra mo kasawule nɛ e ya dara na so nseŋ ta kumo n sa mbe kaman to ebi nɛ k ki bumo be kapetɛ.

Matiu 10:38

Esa kama nɛ e maŋ sulɔ mbe kedibi largato m bɛ ma so maŋ daga e ka la meya.

Matiu 16:24

Kede be kaman nɛ Yesu kaŋɛ mbe bebɛsopo na: “Ekama nɛ e bee sha kebɛ ma so, a daga e ka teŋ mbe kumu so nseŋ sulɔ mbe kedibi largato m bɛ ma so.

Matiu 27:32

B ka bee yɔ nɛ b ya shɛr Sairini be kanyɛn ko to nɛ baa tre Saimɔn nɛ b tintiŋ mo nɛ e sulɔ Yesu be kedibi largato na.

Maak 10:21

Nɛ Yesu keni mo kashaso ŋ kaŋɛ: “Kusɔ koŋwule e kraŋ ka nɛ fo wora. Kumo alɛ nde: Ya fa fo asɔ kikɛ n ta amo be amansherbi n sa betirpo. Loŋ nɛ feeŋ nya ekpanjawu ashi ebɔrɛso.

Maak 7:14

Nɛ Yesu naŋ tre jimaŋ na m ba mo kutɔ m ba kaŋɛ bumo: “Menyi kikɛ e kaŋ kusoe n nu nfe nseŋ pin to.

Luuk 13:24

Nɛ e kaŋɛ bumo: “Men wora ania ga m bɔla kabunabi na to n luri, ŋkpal manɛ so, basa damta beeŋ wora ania nɛ b luri, ama b maaŋ tiŋ.

Luuk 14:33

To, nɛ men be ekama baa maŋ kplaŋ kusɔ kikɛ nɛ e kɔ so, e maaŋ tiŋ a la ma ebɛsopo.

Luuk 18:22

Yesu ka nu loŋ nɛ e kaŋɛ kanyɛn na le: “Kusɔ koŋwule e kraŋ ka nɛ fo wora. Kumo alɛ nde: Ya fa fo asɔ kikɛ nyam n ta amo be amansherbi n chige betirpo. Loŋ nɛ feeŋ nya ekpanjawu ashi ebɔrɛso. Ade be kaman nɛ fo ba bɛ ma so.”

Luuk 20:45

Ndoŋ nna nɛ e yili basa na kikɛ be anishito ŋ kaŋɛ mbe bebɛsopo le:

Luuk 9:23

Nɛ e naŋ kaŋɛ bumo kikɛ: “Ekama nɛ e bee sha kebɛ ma so, a daga e ka teŋ mbe kumu so nseŋ sulɔ mbe kedibi largato kachɛ kama m bɛ ma so.

Baru lela nɛ Jɔn kute na 10:27

Ma mbolpɔ bee nu ma ebɔl nɛ n nyi bumo nɛ baa bɛ ma so.

Baru lela nɛ Jɔn kute na 19:17

Ndoŋ nna nɛ esoji na keta Yesu n lar n choŋ. B daŋ shin nɛ e lar ndoŋ nna n sulɔ mbe kedibi largato m ba fo kakpa nɛ baa tre Kumuwibi be Kakpa na. Juwebi bee tre ndoŋ Gɔlgata.

Ashuŋ Shunso 14:22

Kumo be kaman nɛ b bɛta n yɔ Listra nɛ Ikoniam nɛ Pisidia be Antiɔk a wushi beyirdapoana na be ŋgbene nseŋ naa leŋ bumo to fanɛ b baa kɔ yirda nɛ kashenteŋto kpakpa. Le nɛ b daŋ naa kaŋɛ bumo: “An kikɛ beeŋ luri etɔrɔ damta to pɔɛŋ nseŋ luri Ebɔrɛ be kuwura na to.”

Romebi 6:6

Anyi alɛ nyi fanɛ anyi be kebaawɔtɔ dra na nɛ Yesu nɛ b daŋ mɔ kedibi largato na so na, saŋɛ na so alubi be eleŋ nɛ k bee ji da dra na so eleŋ na beeŋ mur nɛ an sa maŋ naa la alubi be anya.

Romebi 8:17

To, nɛ anyi alɛ baa la mbia bre, kumo ere anyeeŋ nya enɛfa nɛ e kɔ a jo mbe basa na. Kumo be kaman nɛ anyi nɛ Kristo e naaŋ nya kusɔ nɛ Ebɔrɛ kɔ a sa mo na, ŋkpal manɛ so, nɛ an baa tu Yesu a ji mbe awurfoŋ na fanɛ kananɛ e daŋ ji na, anyi alɛ beeŋ naŋ tu mo n nya mbe kemaŋkura na.

1 Kɔrintebi 15:31

Ŋ kurgepoana, mee kaŋɛ menyi nna fanɛ kachɛ kama mee wu nna. Kede malɛ baa kɔ kashenteŋ nna fanɛ kananɛ mee wu ma kumu ŋkpal men ka la Kristo Yesu, an Nyɛnpe peya na so.

1 Kɔrintebi 8:13

Amoso, nɛ ajibi baa la asɔ nɛ a bee shin nɛ n niopibi bee tɔr, kumo ere m maaŋ naŋ we eblaŋ kikɛ, saŋɛ na so m maaŋ shin nɛ n niopibi na e tɔr.

1 Kɔrintebi 9:19

N wɔ ma kumu nna a maŋ la esa kikɛ be kenya, ama n ta ma kumu nna ŋ ki kenya a sa ekama, saŋɛ na so meeŋ nya basa damta n ti so nɛ b ba pin Ebɔrɛ.

Galeeshaebi 2:20

Ma nɛ Kristo nɛ b daŋ gbir m mata kedibi largato so, amoso, mannɛ ŋ gbagba e naa wɔtɔ, Kristo e wɔ ma to. Kebaawɔtɔ nɛ ŋ kɔ a wɔtɔ ere, keyirda Ebɔrɛ Pibinyɛn nɛ e sha ma n ta mbe kumu n sa ma na to nɛ n wɔ.

Galeeshaebi 5:24

Basa nɛ b la Kristo peya na maŋ naa shin nɛ bumo be kapɔr lubiana ere bee wɔ bumo, naniere a du fanɛ b ka ta kapɔr lubiana ere nɛ amo be asɔ sha so nɛ ayɛlgasɔ nna ŋ gbir m mata kedibi so m mɔ.

Galeeshaebi 6:14

Ama ma ere, kaarɛ gba fanɛ ŋ ka beeŋ ji njɔŋ ko she an Nyɛnpe Yesu Kristo be luwu nɛ e wu kedibi largato na so nawule so, nɛ durnya maŋ naa la shɛŋ ma anishito.

Filipaiebi 3:10

Kusɔ nɛ m baa sha asheŋ ere kikɛ to e la fanɛ m baa nyi Kristo na nsaa tiŋ a wu mbe ketiŋi luwu to be eleŋ na ma kebaawɔtɔ to nseŋ naa tiŋ a tu mo a ji mbe awurfoŋ na n tiŋ ŋ ki fanɛ mo gbagba ashi mbe luwu na to.

Filipaiebi 3:7

Ama naniere bre, asɔ nɛ a daa kɔ tɔnɔ ma kutɔ na kikɛ, m maŋ naa tre amo shɛŋ ŋkpal Kristo Yesu so.

Kɔlɔsiebi 1:24

Naniere ma kagbene fuli ma ŋkpal awurfoŋ nɛ mee ji ŋkpal menyi so na so. Awurfoŋ nɛ Yesu Kristo kaŋɛ fanɛ meeŋ ji na be tɔrɔ nɛ mee ji a bɔlɔ mbe tɔrɔ na so na ŋkpal mbe asɔriebi, bumo nɛ baa tre Yesu Kristo be eyur na so.

Kɔlɔsiebi 3:5

Amoso, men yige men be kebaawɔtɔ dra nɛ kumo be asheŋ lubi na, men yige kacheji kpalakpala nɛ kubojuaji nɛ asheŋ jiga nɛ kayɛlga fuloŋ, men sa maa yɛlga alubi, men yige kejimuni. Kejimuni du fanɛ kagbirshuŋ nna.

2 Tɛsalɔnikaebi 3:11

Ŋkpal manɛ so, an nu fanɛ men be beko wɔ ntɔl be kebaawɔtɔ to nna a maa shuŋ shɛŋ nsaa wɔtɔ a kilgi to fanɛ menyi ka bee shuŋ na.

Taites 2:12

Le be kuwɔr be kakɛ ere e naa ŋini anyi fanɛ an yige kabɔrɛfɛl nɛ durnya to be ayɛlgasɔ nsaa wɔ kamootiŋ nɛ kashenteŋ nɛ kabɔrɛŋana be kebaawɔtɔ to anyi be jemanɛ ere to.

Hibruwebi 13:13

Amoso, men shin nɛ an lar keeyi na to n yɔ mo kutɔ n ya tu mo n ji mbe ŋaba nɛ b ŋaba mo na.

1 Pita 4:1

To, ŋkpal Kristo ka ji tɔrɔ mbe eyur to so, menyi alɛ gba e leŋ menyi be amu to a kɔ loŋ be kagbene, ŋkpal manɛ so, ekama nɛ e ji tɔrɔ mbe eyur to lar alubi to nna na.

1 Pita 4:13

Ama men shin nɛ men be ŋgbene e baa fuli menyi parr fanɛ men ka bee ji Yesu be tɔrɔ na be ako, saŋɛ na so men be ŋgbene beeŋ fuli menyi saŋɛ nɛ mbe kemaŋkura beeŋ lar efuli na.

2 Pita 1:14

N nyi fanɛ k maaŋ naŋ chɛr nɛ ŋ gbaŋ ma eyur ere n lɛ, kumo alɛ be loŋ nɛ an Nyɛnpe Yesu Kristo bugi to ŋ ŋini ma na.

1 Jɔn 3:16

Le nɛ an bɔla m pin kusɔ nɛ k la kasha. Yesu Kristo e shin nɛ b lara mbe ŋkpa ashi mo to n sa anyi. Amoso, a daga fanɛ anyi alɛ gba ka ta anyi be ŋkpaana n sa an niopibiana.

Kelaraŋŋini 2:10

Men sa maŋ kaa ŋana asheŋ nɛ a bee shin nɛ a ba menyi so ere. Mee kaŋɛ menyi nna na fanɛ alubipo na beeŋ shin nɛ b ta menyi be beko n ti ebu nɛ e wora menyi ŋ keni nɛ men ji tɔrɔ nchɛ kudu. Ama men baa yil to kpakpa loŋ n ya kaa fo luwu to be keluri to gba nɛ n sa menyi ŋkpa be kuwurwuro na.