Maak 8:33 - EBƆRƐ BE KAWƆL

³³ Ama Yesu kilgi ŋ keni mbe bebɛsopo nseŋ fiɛ Pita so ŋ kaŋɛ: “Shile ashi ma so Setani. Fo nfɛra ere la nyiŋgbasa be nfɛra nna, a maŋ la Ebɔrɛ peya.”

Maak 8:33 ပူးပေါင်းရင်းမြစ်များ

2 Samuɛl 19:22

Ama Deevid daŋ kaŋɛ Abishai nɛ mo da Jɔab nna le: “Menyi e naa ŋini ma kusɔ nɛ meeŋ wora a? Ŋko asheŋ nɛ menyee sha nɛ men fin n sa ma a? Naniere bre, ma e la Israɛl kikɛ be ewura, ma alɛ maa sha fanɛ b mɔ Israɛl be esa kikɛ kabre.”

Job be kawɔl 2:10

Ndoŋ nna nɛ Job kaŋɛ mbe eche le: “Sa maa malga fanɛ ewulpo! Nɛ anyeeŋ sɔ Ebɔrɛ be nɛfa nɛ enɔgboŋ anyɔ, manɛ nna nɛ anyi maaŋ sɔ etɔrɔ bre mo kutɔ?” Asheŋ ere kikɛ to, Job maŋ malga ŋ gbiti Ebɔrɛ fanɛ e maŋ wora n nyalɛ.

Nshɛ 141:5

Shin nɛ fo basa niŋiso e baa ŋini ma ekpa; ŋ kaŋ wora n foe nɛ b gberge ma kusoe. M maaŋ shin nɛ basa lubi e maŋkura ma kikɛ, ŋkpal manɛ so, mee kule Ebɔrɛ nna a gbiti bumo.

Levitikɔs 19:17

Sa maŋ kaŋ ta kusɔ nɛ fo barkasa wora fo n wɔtɔ kagbene to ŋkpal loŋ so ŋ kishi mo, ama shin nɛ e pin kulubi nɛ e wora, saŋɛ na so, fo nɛ mo kikɛ maaŋ tɔr kulubi to.

Matiu 15:23

Ama Yesu daa maŋ kaŋɛ mo shɛŋ. Ndoŋ nna nɛ mbe bebɛsopo ba kule mo ŋ kaŋɛ: “Sa maŋ shin nɛ kache ere e bɛ anyi so a wora awɔr loŋ, shin nɛ e baa yɔ.”

Matiu 16:23

Nɛ Yesu kilgi ŋ kaŋɛ Pita le: “Shile ashi ma so Setani. Fee kagle ma to nna na, ŋkpal manɛ so, fo nfɛra ere la nyiŋgbasa be nfɛra nna a maŋ la Ebɔrɛ peya.”

Matiu 4:10

Ndoŋ nna nɛ Yesu kaŋɛ mo: “Shile ma anishito Setani! Abɔrɛsibɛ na bee kaŋɛ fanɛ: ‘Bunyaŋ Enyɛnpe fo Ebɔrɛ na nseŋ shuŋ mo nawule.’ ”

Maak 3:34

Nɛ e kilgi ŋ keni basa nɛ b chena ŋ kulti mo na nseŋ kaŋɛ: “N nio nɛ n sipoana nde.

Maak 3:5

Kumo be kaman nɛ Yesu keni bumo agbo nɛ kagbenejijaso ŋkpal b ka kɔ amu kpakpaso so nseŋ kaŋɛ kanyɛn na: “Teŋi fo enɔ to.” E ka teŋi kumo to nɛ mbe enɔ na nya eleŋ.

Luuk 22:61

Ndoŋ nna nɛ Enyɛnpe kilgi ŋ keni Pita nɛ e nyiŋi Enyɛnpe be kamalga mo nɛ e daŋ kaŋɛ mo fanɛ: “Pɔɛŋ nɛ koshinyɛn e boŋ kabre, feeŋ chɛ ale asa ŋ kaŋɛ fanɛ fo maŋ nyi ma na.”

Luuk 4:8

Nɛ Yesu kaŋɛ mo: “Abɔrɛsibɛ na bee kaŋɛ fanɛ: ‘Bunyaŋ Enyɛnpe fo Ebɔrɛ na nseŋ shuŋ mo nawule.’ ”

Luuk 9:55

Nɛ Yesu kilgi n fiɛ bumo so

1 Kɔrintebi 5:5

men ta loŋ be esa na m bɔɔ Setani enɔ, saŋɛ na so, mbe eyur beeŋ jija nɛ mbe kiyoyu bre e nya kumɔlga kachɛ nɛ Enyɛnpe beeŋ ba na.

Filipaiebi 3:19

Bumo be ekar la kemur nna, ŋkpal manɛ so, bumo be epunana e la bumo be Ebɔrɛ nɛ bumo be kemaŋkura malɛ la anishinyɔr be asɔ. Kashenteŋto, bumo be ŋgbene kikɛ wɔ durnya ere to be asɔ to nna.

1 Timoti 5:20

Benimu nɛ b wɔ alubi to na, fiɛ bumo so asɔri to ebi na kikɛ be anishito nɛ kufu e pɛ bumo nɛ b ka na.

Taites 1:13

Kashenteŋ be kamalga nna, amoso, baa fiɛ bumo so kenishipereso nɛ b baa wɔ kashenteŋ be yirda na to.

1 Pita 4:1

To, ŋkpal Kristo ka ji tɔrɔ mbe eyur to so, menyi alɛ gba e leŋ menyi be amu to a kɔ loŋ be kagbene, ŋkpal manɛ so, ekama nɛ e ji tɔrɔ mbe eyur to lar alubi to nna na.

1 Jɔn 2:15

Men sa maa sha durnya ere ŋko kusɔ kama nɛ k la durnya ere peya. Esa kama nɛ e bee sha durnya ere maŋ kɔ kasha a sa Etuto Ebɔrɛ na.

Kelaraŋŋini 3:19

Ma ere, basa nɛ mee sha nɛ mee fiɛ so nsaa ŋini bumo ekpa, amoso, men yeŋi so n lar men be alubi to.