Maak 8:31 - EBƆRƐ BE KAWƆL

³¹ Nɛ Yesu naŋ fara a ŋini mbe bebɛsopo na a kaŋɛ: “A daga fanɛ ma, Nyiŋgbasa Pibinyɛn e ji awurfoŋ ga nɛ benimu nɛ bɔrɛmatapowuraana nɛ mbraŋinipoana e kini ma nseŋ mɔ ma nɛ n tiŋi luwu na to kumo be kachɛ sasopo.”

Maak 8:31 ပူးပေါင်းရင်းမြစ်များ

Nshɛ 118:22

Kejembu nɛ bepɔrpo kini n lɛ na e ki ebu na be kebonfu to be gbaltɔlase be kejembu lela na.

Aizaaya 53:3

Ekama daŋ keni mo jiga nna nseŋ kini mo n lɛ. Kagbenejija nɛ ebesa damta e daŋ bɔlɔ mo to, nɛ mo alɛ ji kanyiti nseŋ sɔ amo kikɛ n deŋi mbe kumu so. Ekama daa maa sha kewu mo kenishiso gba. B daŋ wu mo nna fanɛ esa jiga.

Hoziya 6:2

Ta a yɔ nchɛnnyɔ ŋko nchɛnsa be kefɛato, e beeŋ ba chɛ anyi nseŋ naŋ sa anyi eleŋ saŋɛ na so anyi nɛ mo beeŋ baa wɔtɔ.

Jona 1:17

Ndoŋ nna nɛ Enyɛnpe Ebɔrɛ shin nɛ kɔrɔtɔgboŋ ko ba ta Jona m min, nɛ e ji nchɛ asa nɛ nnyɛ asa ashi kɔrɔtɔgboŋ na be epunto.

Matiu 12:40

Kananɛ Jona daŋ baŋ ji nchɛ asa nɛ nnyɛ asa kɔrɔtɔgboŋ na be epun to na, loŋ gbagba na nɛ ma, Nyiŋgbasa Pibinyɛn na beeŋ ji nchɛ asa nɛ nnyɛ asa kasawule to.

Matiu 21:42

Nɛ Yesu naŋ bishi bumo: “Men maŋ naŋ kraŋ abɔrɛsibɛ nɛ a bee kaŋɛ le na nna; a yɛ: ‘Kejembu mo nɛ bepɔrpo kini na e ba ki ebu na be kebonfu be gbaltɔlase lela na. Enyɛnpe e daŋ wora le be kesheŋ. Kumo alɛ be kananɛ k kɔ mamachi anyi to’ a?

Matiu 27:63

“Ebunyampo, an nyiŋi saŋɛ nɛ efɛpo na daa wɔ ŋkpa to ka kaŋɛ le: ‘Ŋ kaŋ wu, meeŋ tiŋi luwu na to kumo be kachɛ sasopo to.’

Maak 12:10

Men maŋ naŋ kraŋ abɔrɛsibɛ nɛ a bee kaŋɛ le: ‘Kejembu mo nɛ bepɔrpo kini na e ba ki ebu na be kebonfu be gbaltɔlase lela na.

Luuk 17:25

Ama pɔɛŋ nɛ asheŋ ere kikɛ e wora, ma, Nyiŋgbasa Pibinyɛn beeŋ ji awurfoŋ damta nɛ kanaŋ ere to ebi e kini ma.

Luuk 24:26

Men maŋ nyi fanɛ asheŋ nɛ a wora ere kikɛ daga kewora Kristo na nna pɔɛŋ nɛ e luri mbe kemaŋkura na to a?”

Luuk 24:44

Kumo be kaman nɛ e kaŋɛ bumo le: “Asheŋ ere kikɛ nɛ n daŋ kaŋɛ menyi saŋɛ nɛ ma nɛ menyi daŋ kraa wɔtɔ na fanɛ ma asheŋ nɛ a wɔ Mosis be abɔrɛsibɛ to nɛ anebiana na kikɛ peyaana to nɛ Nshɛ to na kikɛ daga kebɔla ekpa na.”

Baru lela nɛ Jɔn kute na 12:48

Esa kama nɛ e bee kini ma a maa sɔ ma mmalga na kɔ esa nɛ e beeŋ ji mo demu. Mmalga nɛ m malga na gbagba e naaŋ ki amodoŋwura be demujipo lalaloge be kachɛ na.

Baru lela nɛ Jɔn kute na 2:19

Nɛ Yesu kaŋɛ bumo le: “Men jija bɔrɛlambu ere ŋ keni nɛ n naŋ pɔr kumo nchɛ nsa to.”

Ashuŋ Shunso 7:35

Mosis koŋwule ere nɛ Israɛlebi daŋ kini nseŋ bishi mo: ‘Wanɛ e ta fo ŋ ki anyi be enimu nɛ anyi be demujipo?’ Mo nɛ Ebɔrɛ daŋ bɔla malaika nɛ e daŋ wu kupumbi chɔɔso na to na so n shuŋi fanɛ Israɛl be enimu nɛ emɔlgapo na.

1 Kɔrintebi 15:4

b daŋ puli mo, ama e tiŋi ashi luwu na to kumo be kachɛ sasopo to fanɛ kananɛ abɔrɛsibɛ na bee kaŋɛ na.

1 Samuɛl 10:19

Ma e la Ebɔrɛ nɛ e lara menyi ashi menyi be etɔrɔ nɛ awurfoŋ kikɛ to na, ama kabre men kini ma nseŋ kaŋɛ ma fanɛ n fin ewura n sa menyi. Amoso men yɔ n ya gbargbar abar yiriyiri so nɛ mbuna mbuna be ntuŋ so n yili ma anishito.”

1 Samuɛl 8:7

Nɛ Enyɛnpe Ebɔrɛ kaŋɛ mo le: “Kusɔ kama nɛ b kaŋɛ fo, fo nu n sa bumo. Mannɛ fo nɛ b kini; ma nɛ b kini fanɛ bumo be ewura.