Maak 8:22 - EBƆRƐ BE KAWƆL

²² B ka ba Bɛtsaida nɛ basa ko bar mo tanponyɛn ko m ba kule mo fanɛ e beta mo m bugi mbe anishi. Nɛ Yesu pɛ tanponyɛn na be enɔ to

Maak 8:22 ပူးပေါင်းရင်းမြစ်များ

Matiu 11:21

E yɛ: “Kɔrazinebi, asheŋ maaŋ nyalɛ n sa menyi kikɛ, Bɛtsaidaebi, menyi alɛ gba, asheŋ maaŋ nyalɛ n sa menyi, ŋkpal manɛ so, emamachisheŋ nɛ n wora menyi to ere, nɛ n daŋ wora amo Tayɛ nɛ Saidɔn to nna, ndoŋebi daŋ ta nsunɔ n chaŋ bumo be eyurana so nseŋ buu asɔ a tase fanɛ keeli to ebi a ŋini fanɛ b lar bumo be alubiana to n chɛr.

Matiu 14:36

m ba kule Yesu fanɛ e baŋ wora ania n shin nɛ belɔpo na e nya mbe kusɔbuuso be kɔnɔ so gba m beta. Bekama malɛ kikɛ nɛ b beta kumo nya alenfia.

Matiu 8:15

Ndoŋ nna nɛ e beta kache na be enɔ nɛ kayurbeldɛ na lar mo to nɛ e koso n fara a keta mo kufɔ.

Matiu 8:3

Ndoŋ nna nɛ Yesu teŋi mbe enɔ to m beta mo nseŋ kaŋɛ mo: “Mm, k par ma. Keboti lar mo to!” Epul na to nɛ keboti na lar mo to nɛ e nyalɛ so.

Matiu 9:29

Nɛ Yesu beta bumo be anishiana nseŋ kaŋɛ: “To, kanaŋkamaso nɛ men yirda, menyeeŋ nya kumo be loŋ be kechɛto.”

Maak 2:3

Yesu ka bee bɔ kubɔya na, basa ana ko sulɔ eyurwusowura ko m ba nɛ b ba sa mo.

Maak 3:10

Ŋkpal e ka daŋ chɛ basa damta so, belɔpo na kikɛ daa ŋin abar a fin kebeta mo nna.

Maak 6:45

Epul na to nɛ Yesu shin nɛ mbe bebɛsopo luri ekuloŋ to n juŋkpar mo n yɔ Bɛtsaida, kepagboŋ na be kaba ndoŋ nɛ mo alɛ shin nɛ jimaŋ na yɔ epe.

Luuk 10:13

Kumo be kaman nɛ Yesu naŋ kaŋɛ: “Kɔrazinebi, asheŋ maaŋ nyalɛ n sa menyi kikɛ. Bɛtsaidaebi, menyi alɛ gba, asheŋ maaŋ nyalɛ n sa menyi, ŋkpal manɛ so, emamachisheŋ nɛ n wora menyi to, nɛ n daŋ wora amo Tayɛ nɛ Saidɔn to nna, ndoŋebiana daŋ ta nsunɔ n chaŋ bumo be eyurana so nseŋ buu asɔ a tase fanɛ keeli to ebi a ŋini fanɛ b lar bumo be alubiana to n chɛr.

Luuk 9:10

Bebɛsopo na ka bɛta m ba nɛ b ba kaŋɛ Yesu asheŋ nɛ b wora kikɛ nyam. Nɛ e shin nɛ mo nɛ bumo nawule yɔ kade ko nɛ baa tre Bɛtsaida.

Baru lela nɛ Jɔn kute na 1:44

Filip daŋ shi Bɛtsaida be kade to nna, kakpa koŋwule nɛ Andru nɛ Pita gba shi na.

Baru lela nɛ Jɔn kute na 12:21

Ndoŋ nna nɛ b ba Filip nɛ e daŋ shi Bɛtsaida nɛ k wɔ Galili na kutɔ m ba kaŋɛ mo le: “Kowurnyɛn, jande, anyee sha kewu Yesu nna.”