Maak 8:17 - EBƆRƐ BE KAWƆL

¹⁷ Yesu ka pin kusɔ nɛ b daa malga na nɛ e bishi bumo: “Manɛ e ba nɛ menyee malga a kaŋɛ men ka maŋ kɔ ebodobodo be asheŋ. Hale mbre men maŋ naŋ nu ŋko m pin to a? Le be amu kpakpaso nɛ men kraa kɔ a?

Maak 8:17 ပူးပေါင်းရင်းမြစ်များ

Aizaaya 63:17

Enyɛnpe Ebɔrɛ, manɛ nna nɛ fo shin nɛ an foe n lar fo ekpa so n ta ŋkpensheŋ n shile fo? Jande bɛta m ba anyi kutɔ! An la fo nyɛrbi nɛ fo gbagba be basa nna.

Matiu 12:15

Yesu ka pin bumo be jina na be asheŋ nɛ e lar ndoŋ nɛ basa damta ko bɛ mo so nɛ e chɛ bumo to be belɔpo kikɛ,

Matiu 15:17

Men maŋ nyi fanɛ kusɔ kama nɛ k bee luri esa be kɔnɔ to beeŋ yɔ mbe epun gba to n ya lar mbe eyur to a?

Matiu 16:7

Ndoŋ nna nɛ b fara a malga kumo be asheŋ a sa abar: “An ka maŋ bar bodobodo so nɛ e bee malga loŋ na.”

Maak 16:14

Kumo be lalaloge nɛ Yesu ba lar bebɛsopo kudukako na so nɛ b tase a ji nɛ e malga bumo ŋkpal b ka maŋ kɔ yirda so n naŋ kpal b ka ta kumuleŋ ŋ kini keyirda bumo nɛ b wu mo saŋɛ nɛ e tiŋi luwu to na so.

Maak 2:8

Epul to nɛ Yesu pin bumo be ŋgbene to be nfɛra na nseŋ bishi bumo: “Manɛ nna nɛ menyee fɛ le be nfɛra?

Maak 3:5

Kumo be kaman nɛ Yesu keni bumo agbo nɛ kagbenejijaso ŋkpal b ka kɔ amu kpakpaso so nseŋ kaŋɛ kanyɛn na: “Teŋi fo enɔ to.” E ka teŋi kumo to nɛ mbe enɔ na nya eleŋ.

Maak 6:52

ŋkpal manɛ so, b daa maŋ pin ebodobodo be mamachi be kesheŋ nɛ e wora na to, ŋkpal b ka daa kɔ amu kpakpaso na so.

Maak 8:16

Ndoŋ nna nɛ b fara a malga kumo be asheŋ a sa abar: “An ka maŋ kɔ ebodobodo so nɛ e bee malga loŋ na.”

Luuk 24:25

Ndoŋ nna nɛ e kaŋɛ bumo le: “Men maa wora nfɛra kuraa, ŋkpal manɛ so, asɔ nɛ anebiana na sibɛ n nase na kikɛ be keta n wɔtɔ menyi be ŋgbene to du menyi so kpakpa kashenteŋto geeŋ.

Baru lela nɛ Jɔn kute na 16:30

Naniere nɛ an pin fanɛ fo nyi kusɔ kikɛ. Amoso, nɛ esa maŋ bishi fo asheŋ nɛ a wɔ mbe kagbene to gba, fo nyi amo. Loŋ malɛ e shin nɛ an yirda fanɛ Ebɔrɛ na kutɔ nɛ fo shi.”

Baru lela nɛ Jɔn kute na 21:17

Kela sasopo nɛ Yesu naŋ bishi Pita: “Saimɔn, Jɔn pibinyɛn fee sha ma a?” Ndoŋ nna nɛ Pita be kagbene jija mo, ŋkpal Yesu ka bishi kela sasopo fanɛ: “Fee sha ma?” Amoso, le nɛ e daŋ kaŋɛ Yesu: “Enyɛnpe, fo nyi kusɔ kama, fo nyi ŋ ka bee sha fo.” Nɛ Yesu kaŋɛ mo: “Baa keni ma mbolpɔ so.”

Kelaraŋŋini 2:23

Ma alɛ beeŋ naŋ shin nɛ mbe mbia e wu n wu nɛ asɔriana na kikɛ to ebi e pin fanɛ ma e la esa nɛ e bee mige ŋgbene nɛ nfɛraana to a wu amo to na. Ma alɛ beeŋ ka ekama be kusɔ nɛ e wora kikɛ be kukɔ.