Maak 7:9 - EBƆRƐ BE KAWƆL

⁹ Nɛ e naŋ kaŋɛ: “Men kini Ebɔrɛ be mbra ŋgbalanto nsaa bɛ menyi be edaŋkaresheŋ so.

Maak 7:9 ပူးပေါင်းရင်းမြစ်များ

Nshɛ 119:126

O, Enyɛnpe Ebɔrɛ, jemanɛ fo nɛ fo wora kusɔ ko! Ŋkpal manɛ so, basa bee wora a da fo mbraana so nna.

Aizaaya 24:5

Edimɛdi jija durnya nna ŋkpal b ka kini kewora Ebɔrɛ be mbraana kasonu so. Bumo alɛ maŋ naa sa bumo nɛ Ebɔrɛ be kɔnɔkoŋwule be ŋkre nɛ k daga fanɛ k baa wɔtɔ mbaanaayɔ na bunyaŋ.

Aizaaya 29:13

Ade be kaman nɛ Enyɛnpe Ebɔrɛ na kaŋɛ le: “Nnɔ fuloŋ nɛ basa ere kɔ a shuŋ ma nɛ bumo be ŋgbene malɛ maŋ wɔ ma so. Edimɛdi be mbra nɛ edaŋkare nɛ b bii n wɔtɔ amu to nawule nɛ baa bɛ so a shuŋ Ebɔrɛ.

Danɛl 11:36

Ewura na beeŋ wora kusɔ kama nɛ k par mo. E beeŋ maaŋ mbe kumu so a chɔ kegbir kikɛ, hale m ba ka wora fanɛ e chɔ Enyɛnpetale Ebɔrɛ gba. E beeŋ nya ekpa n wora loŋ n ya fo saŋɛ nɛ Ebɔrɛ beeŋ gberge mo kusoe. Ebɔrɛ malɛ beeŋ wora kusɔ kama nɛ e yili.

Danɛl 7:25

E beeŋ malga ŋ gbiti Enyɛnpetale Ebɔrɛ na nseŋ mɛaŋ Ebɔrɛ be basa. E beeŋ wora ania fanɛ e beeŋ chɛrga bumo be kabɔrɛshuŋ be mbraana nɛ nchɛgboŋana, nseŋ ji Ebɔrɛ b basa so kuwura nfɛnsa nɛ bargato.

Maak 7:13

Loŋ nɛ menyee wora a keni Ebɔrɛ be kamalga na jiga nsaa ŋini basa menyi gbagba be edaŋkaresheŋ na. Asheŋ damta ko gba kraa wɔtɔ a du fanɛ ade nɛ menyee wora amo.”

Maak 7:3

Ŋkpal manɛ so, Efarisiana nɛ Juwebi na daa bɛ bumo nanaana be kesheŋ ŋiniso so nna fanɛ b maa ji ama b baŋ fɔr bumo be enɔana nna fanɛ kananɛ bumo be edaŋkaresheŋ bee ŋini na.

Maak 7:5

Amoso, le nɛ Efarisiana na nɛ mbraŋinipoana na daŋ bishi Yesu: “Manɛ e ba nɛ fo bebɛsopo maa bɛ an nanaana be keŋini nɛ b yige n sa anyi na so nsaa wɔtɔ a ji nɛ enɔyurpi?”

Romebi 3:31

Ama an ta le be yirda ere n ti mbra na ekpa ŋko? Ayai, an baa kraa kɔ kumo to a ti kumo so eleŋ.

2 Kɔrintebi 11:4

Ŋkpal manɛ so, esa baŋ ba men kutɔ m ba malga Yesu pɔtɛ ko nɛ e maŋ la Yesu mo nɛ an malga mbe asheŋ na malɛ be asheŋ ŋko nɛ men baŋ nya kiyoyu pɔtɛ ko nɛ e maŋ la emo nɛ men daŋ nya na nna ŋko baru lela pɔtɛ ko nna nɛ k maŋ la kumo nɛ men daŋ sɔ na, menyee sɔ kumo nna manaŋ manaŋ.

Galeeshaebi 1:14

Ma sara Juwebiana be bedamta to ma e daŋ fara nɛ n sɔ kejuŋkpar ashi Juwebi be kabɔrɛbɛso na to nseŋ daŋ naŋ pere kenishi n wɔtɔ an nanaana be asheŋ ŋiniso nɛ b yige n sa anyi na to ga.

Galeeshaebi 2:21

M maa keni Ebɔrɛ be kuwɔr be kakɛ na nna jiga, ŋkpal manɛ so, nɛ b daa bɛ mbra na so nna a ji a lar Ebɔrɛ be anishito, dafanɛ Kristo be luwu na daa maŋ kɔ kifito.

2 Tɛsalɔnikaebi 2:4

Kusɔ kama nɛ enyiŋgbasa bee bɛ so a kaŋɛ fanɛ k shi Ebɔrɛ kutɔ nna ŋko a tre kumo kabɔrɛshuŋ, alubipo na beeŋ ji kumo emɔrɔ ŋ ki kumo doŋ. E beeŋ wu mbe kumu hale n ya luri n chena bɔrɛlambu na to a tre mbe kumu Ebɔrɛ.