Maak 7:7 - EBƆRƐ BE KAWƆL

⁷ Bumo be kebunyaŋ ma la bunyaŋ fuloŋ nna, ŋkpal manɛ so, nyiŋgbasa be mbra nɛ b ta ŋ ki Ebɔrɛ peya a ŋini.’ ”

Maak 7:7 ပူးပေါင်းရင်းမြစ်များ

Aizaaya 29:13

Ade be kaman nɛ Enyɛnpe Ebɔrɛ na kaŋɛ le: “Nnɔ fuloŋ nɛ basa ere kɔ a shuŋ ma nɛ bumo be ŋgbene malɛ maŋ wɔ ma so. Edimɛdi be mbra nɛ edaŋkare nɛ b bii n wɔtɔ amu to nawule nɛ baa bɛ so a shuŋ Ebɔrɛ.

Malakai 3:14

Men yɛ, ‘K la kawulisheŋ nna fanɛ esa ka beeŋ baa shuŋ Ebɔrɛ, ŋko a wora kusɔ nɛ Ebɔrɛ bee sha ŋko a kaŋɛ Enyɛnpe Ebɔrɛ fanɛ e bee kule mo alubi be ketampaŋ. Manɛ be tɔnɔ nɛ e bee nya kumo to?

Matiu 15:9

Bumo be kebunyaŋ ma la bunyaŋ fuloŋ nna, ŋkpal manɛ so, nyiŋgbasa be mbra nɛ b ta ŋ ki Ebɔrɛ peya a ŋini.’ ”

Matiu 6:7

Nɛ menyi alɛ naa kule Ebɔrɛ, men sa maa bela mmalga fuloŋ a deŋi abar so fanɛ kananɛ nnyamase bee wora na. Ŋkpal manɛ so, baa tama fanɛ mmalga damta na so Ebɔrɛ beeŋ nu bumo be kabɔrɛkule.

1 Kɔrintebi 15:14

Nɛ fanɛ Kristo malɛ baa maŋ tiŋi luwu to, kumo ere, anyi be kubɔya nɛ anyee bɔ na, maŋ kɔ kifito, nɛ men be yirda gba maŋ kɔ kifito.

1 Kɔrintebi 15:58

Amoso ŋ kurgepo shasoana, men baa yil to kpakpa. Men sa maŋ shin nɛ shɛŋ shɛŋ e tia menyi ashi to. Saŋkikɛ men baa ta men be ŋgbene kikɛ a wɔtɔ Enyɛnpe be kushuŋ na to, ŋkpal manɛ so, menyi alɛ gba baa nyi fanɛ men be kegben nɛ menyee gben a sa Enyɛnpe na maaŋ to jiga kikɛ.

Ditɛronɔmi 12:32

Men baa wora mbraana nɛ mee ta a sa menyi ere kikɛ kasonu nsaa maŋ ta shɛŋ n ti amo so ŋko n lara shɛŋ ashi amo to.”

Kɔlɔsiebi 2:22

Kusɔ jiso kikɛ nɛ esa ji kumo, kumo be asheŋ baŋ loge nna na. Loŋ nɛ nyiŋgbasa be mbraana nɛ amo be keŋini gba du.

Taites 3:9

Ama baa gelge kawuliso be emɔrɔ nɛ kekurgeso be mmalga nɛ nlu. Fo alɛ e sa maŋ naŋ kpal mbra na so a wɔ kɔnɔgberge to, ŋkpal manɛ so, amo kikɛ la asheŋ fuloŋ nna a maŋ kɔ tɔnɔ.

Jeems 1:26

Esa kama nɛ e yɛ e bee bɛ Ebɔrɛ so nsaa maa de mmalga nɛ a bee lar mbe kɔnɔ to so bee fule mbe kumu nna, nɛ mbe kebɛso na malɛ la kebɛso fuloŋ.

Jeems 2:20

Ewulpo e la fo nɛ fo maŋ nyi fanɛ esa baŋ kaŋɛ fanɛ e yirda Ebɔrɛ nsaa maa wora yirda be ashuŋ shunso, mbe yirda na la yirda fuloŋ nna a!

Kelaraŋŋini 22:18

Mee fiɛ ekama nɛ e nu kewuŋkaŋɛ ere be mmalga mo nɛ a wɔ kawɔl ere to ere so nna fanɛ ekama nɛ e ta kusɔ kama n ti amo so, Ebɔrɛ beeŋ ta etɔrɔ mo nɛ b malga amo be asheŋ kawɔl ere to ere n ti amodoŋwura so.

1 Samuɛl 12:21

Men sa maa shuŋ agbir, ŋkpal manɛ so, a maaŋ tiŋ n chɛ menyi to ŋko m mɔlga menyi. Agbir la asɔ fuloŋ nna.