Maak 7:3 - EBƆRƐ BE KAWƆL

³ Ŋkpal manɛ so, Efarisiana nɛ Juwebi na daa bɛ bumo nanaana be kesheŋ ŋiniso so nna fanɛ b maa ji ama b baŋ fɔr bumo be enɔana nna fanɛ kananɛ bumo be edaŋkaresheŋ bee ŋini na.

Maak 7:3 ပူးပေါင်းရင်းမြစ်များ

Maak 7:13

Loŋ nɛ menyee wora a keni Ebɔrɛ be kamalga na jiga nsaa ŋini basa menyi gbagba be edaŋkaresheŋ na. Asheŋ damta ko gba kraa wɔtɔ a du fanɛ ade nɛ menyee wora amo.”

Maak 7:5

Amoso, le nɛ Efarisiana na nɛ mbraŋinipoana na daŋ bishi Yesu: “Manɛ e ba nɛ fo bebɛsopo maa bɛ an nanaana be keŋini nɛ b yige n sa anyi na so nsaa wɔtɔ a ji nɛ enɔyurpi?”

Luuk 11:38

Farisinyɛn na ka wu fanɛ Yesu maŋ fɔr mbe enɔana kananɛ k daga na pɔɛŋ nsaa ji nɛ k chinchiŋ mo ga.

Baru lela nɛ Jɔn kute na 2:6

Juwebi daa kɔ eyur be kefɔrso be daŋkare be kabɔrɛbɛso ko nna, amoso, mpuya ashe e daa yil ndoŋ. Mpuya na be kekama daa beeŋ tiŋ n sɔ nchu fanɛ egalɔn adunyɔ ŋko adesa.

Galeeshaebi 1:14

Ma sara Juwebiana be bedamta to ma e daŋ fara nɛ n sɔ kejuŋkpar ashi Juwebi be kabɔrɛbɛso na to nseŋ daŋ naŋ pere kenishi n wɔtɔ an nanaana be asheŋ ŋiniso nɛ b yige n sa anyi na to ga.

Kɔlɔsiebi 2:8

Men baa da so nɛ ekama e sa maŋ kaŋ ta efɛ nɛ kanyiasheŋ fuloŋ n fule menyi m bɛ mbe kumu so, kumo e la fanɛ nyiŋgbasa be edaŋkaresheŋ nɛ a maŋ kɔ shɛŋ nsaa la sososo be asɔ ŋiniso na nɛ a maŋ shi Yesu Kristo na kutɔ na,

1 Pita 1:18

Ŋkpal manɛ so, men nyi fanɛ mannɛ asɔ nɛ a beeŋ tiŋ n jija fanɛ egbiti nɛ eshuwa nɛ b daŋ ta n sɔ menyi ashi men be kebaawɔtɔ fuloŋ mo nɛ men nya ashi men nanaana kutɔ na n yige.