Maak 7:21 - EBƆRƐ BE KAWƆL

²¹ ŋkpal manɛ so, esa be kagbene to nɛ nfɛra lubi nɛ a bee shin nɛ e bee luri kusɔ jigaya be kanyɛnsha nɛ kachesha to bee shi a lar.

Maak 7:21 ပူးပေါင်းရင်းမြစ်များ

Jɛnesis 6:5

Kumo be jemanɛ na so nɛ Enyɛnpetale Ebɔrɛ wu fanɛ basa be alubi bee wora keshi durnya to a ti so nɛ bumo be ŋgbene to be nfɛra fɛso kikɛ la asheŋ lubi.

Jɛnesis 8:21

Enyɛnpe na ka nu sarga na be efɛa belbelso na nɛ e kaŋɛ mbe kumu le: “N nyi fanɛ dimɛdi be kebia to kikɛ mbe nfɛra fɛso lubi, ama m maaŋ naŋ kpal dimɛdi so n sho kasawule ere kɔnɔ kikɛ. Ma alɛ maaŋ naŋ mur asɔ futeso fanɛ kananɛ n wora ere kikɛ.

Job be kawɔl 14:4

Dimɛdi kikɛ maŋ wɔtɔ nɛ kulubi maŋ wɔ mo to.

Job be kawɔl 25:4

Esa kikɛ maaŋ tiŋ ŋ kaŋɛ fanɛ mo ere maŋ wora n jija Ebɔrɛ be anishito.

Nshɛ 119:36

Shin nɛ ma kagbene e kilgi a sha kebaawora fo mbraana kasonu a chɔ kebaasha kedamaya.

Nshɛ 14:1

Ewulpo e naa kaŋɛ mbe kagbene to fanɛ Ebɔrɛ maŋ wɔtɔ. Loŋ be basa maa wora asheŋ nɛ a bee bɔla ekpa. Bumo be asheŋ woraso kikɛ la alubi nna. Bumo be ekama maa wora asheŋ lela.

Nshɛ 14:3

Ama basa kikɛ wora n foe ekpa. Bumo kikɛ wora alubi. Ekama maŋ wɔtɔ a wora alela; esa koŋwule gba maŋ wɔtɔ.

Nshɛ 53:1

Ewulpo nawule e naa kaŋɛ mbe kagbene to fanɛ Ebɔrɛ maŋ wɔtɔ. Loŋ be basa la basa fuloŋ, nɛ b maa wu kuwɔr nna. Bumo alɛ maa wora asheŋ niŋiso kikɛ.

Nshɛ 53:3

Ama esa kama maa wora asheŋ niŋiso. Ekama maa wora asheŋ nɛ amo be ekpa so. Esa koŋwule gba maŋ wɔtɔ a wora alela.

Aŋasa 15:25

Enyɛnpe Ebɔrɛ na bee shin nɛ kamoowuwuraana be nwu bee ki alambure nna, ama e bee kuŋ bekulpoche bre be asɔ nna a sa bumo.

Aŋasa 4:23

Baa da fo nfɛra fɛso so, ŋkpal manɛ so amo e naa ŋini fo kebaawɔtɔ.

Aizaaya 59:13

An lar fo kaman nseŋ kini fo a maa shuŋ fo. Anyi alɛ kɔrfɛ beko ga nseŋ shile fo. Anyi be nfɛra fɛso gba la kafulesheŋ nna nɛ anyi be mmalga malɛ maŋ la kashenteŋ.

Aizaaya 59:7

Jemanɛ kikɛ asheŋ lubi nɛ menyee kre nsaa nya manaŋ a wora amo. Basa nɛ b maŋ wora shɛŋ be kemɔ maŋ du menyi so kpakpa. Basa nɛ asɔ be kejija n lɛ nɛ kemur nɛ menyee yige kaman ashi kaplɛkama nɛ men yɔ.

Jɛremaya 16:12

Ama menyi ere wora asheŋ lubi nɛ a chɔ men nananyɛnana peya. Menyi kikɛ be ŋgbene du kpakpa nna nseŋ lubi. Menyi alɛ maa nu a sa ma.

Jɛremaya 17:9

Menyi Juda be basa la basa nɛ baa fule nna pasaa. Men fule men gbagba be amu, menyi alɛ maaŋ tiŋ n chɛrga kumo to.

Jɛremaya 4:14

Jerusalɛm to ebi, men lara asheŋ lubi men be ŋgbene to nseŋ yige nfɛra lubi be kebaafɛ, saŋɛ na so menyi beeŋ nya kumɔlga.

Ezikɛl 38:10

Kusɔ nɛ Enyɛnpetale Ebɔrɛ na bee kaŋɛ Gɔg nde: “Jemanɛ na kaŋ fo, feeŋ fara a fɛ ŋkre lubi.

Matiu 15:19

Ŋkpal manɛ so, esa be kagbene to nɛ nfɛra lubi nɛ a bee shin nɛ e bee mɔ, a ji kubojua nsaa wora kusɔ jigayaso be kanyɛnsha nɛ kachesha bee shi a lar. Ndoŋ nɛ kayu nɛ kafule nɛ basa be atre be kejija bee shi.

Matiu 9:4

Ndoŋ nna nɛ Yesu pin bumo be nfɛra na nseŋ bishi bumo:

Maak 7:20

Nɛ e naŋ kaŋɛ: “Kusɔ nɛ k bee jija esa e la kusɔ nɛ k bee shi mo to a lar,

Maak 7:22

Ndoŋ nɛ kayu nɛ kamɔ nɛ kubojuaji nɛ kayɛlga nɛ dalubisheŋ nɛ kafule nɛ kusɔjigaya nɛ kayurbesa, nɛ basa be atre be kejija nɛ kamoowu nɛ kawuli kikɛ bee shi.

Luuk 16:15

Nɛ e kaŋɛ bumo le: “Menyi e naa sha fanɛ basa e baa tre menyi basa lela, ama Ebɔrɛ nyi menyi be ŋgbene to be nfɛra. Asɔ nɛ durnya ere to ebi malɛ bee bunyaŋ a fɛ fanɛ a la asɔ lela na maŋ la shɛŋ Ebɔrɛ be anishito.”

Ashuŋ Shunso 5:4

Kusɔ nɛ fo fa na daa maa la feya nna nɛ fo fa kumo n nya amansherbi na a? Nɛ a ji nuso nɛ kusɔ nɛ fo wora ere be nfɛra ba fo kagbene to? Mannɛ enyiŋgbasa nɛ fo fule, Ebɔrɛ nɛ fo fule!”

Ashuŋ Shunso 8:22

Amoso, lar le be nfɛra lubi ere to nseŋ kule Enyɛnpe na nɛ e ta fo nfɛra fɛso lubi ere m paŋ fo.

Romebi 7:5

Ŋkpal manɛ so, saŋɛ nɛ anyi be kebaawɔtɔ dra nɛ k daa wɔ anyi nɛ mbra na daa shin nɛ eyur to be ayɛlgasɔ daa kɔ anyi to a shuŋ na, luwu nɛ an daa kɔ tɔnɔ a sa.

Romebi 7:8

Ntaŋ malɛ so nɛ alubi nya ekpa n shin nɛ ayɛlgasɔ be yiri kikɛ nyam kaa, ŋkpal manɛ so, kakpa nɛ mbra maŋ wɔtɔ alubi malɛ gba wu nna a dese.

Kɔlɔsiebi 3:5

Amoso, men yige men be kebaawɔtɔ dra nɛ kumo be asheŋ lubi na, men yige kacheji kpalakpala nɛ kubojuaji nɛ asheŋ jiga nɛ kayɛlga fuloŋ, men sa maa yɛlga alubi, men yige kejimuni. Kejimuni du fanɛ kagbirshuŋ nna.

Taites 3:3

Ŋkpal manɛ so, saŋko anyi alɛ gba daŋ wuli nna a kɔ kumuleŋ nɛ ashuŋ lubi. An daa la anyi be eyurana be ayɛlgasɔ nɛ ebel be yiri kikɛ be anya nna. An daa wɔ kayurbesa be nfɛra lubi to nna a kishi beko nɛ beko malɛ daŋ kishi anyi.

Jeems 2:4

Le be mmalga ere maŋ walɛ, ŋkpal manɛ so, nfɛra lubi so nɛ men yil a kpɛa to na.