Maak 7:20 - EBƆRƐ BE KAWƆL

²⁰ Nɛ e naŋ kaŋɛ: “Kusɔ nɛ k bee jija esa e la kusɔ nɛ k bee shi mo to a lar,

Maak 7:20 ပူးပေါင်းရင်းမြစ်များ

Nshɛ 41:6

Bekama nɛ baa ba kaa bɔɔ ma so na, bee malga mmalga fuloŋ nawule nna. B baŋ naŋ laŋɛ a yɔ malɛ ŋkuli nɛ efɛ nɛ b kɔ a salga to a yɔ.

Maika 2:1

Asheŋ maaŋ nyalɛ n sa bekama nɛ baa dese bumo be edesekpa a kre asheŋ lubi be kewora be ŋkre na. Kanyɛso nɛ baa kaa kre loŋ be asheŋ na, nɛ kare e chɛ nɛ b wora amo ŋkpal b ka kɔ eleŋ so.

Matiu 15:18

Ama asɔ nɛ a bee shi esa be kɔnɔ to a lar na bee shi mbe kagbene to nna. Loŋ malɛ be asɔ e naa jija mo.

Matiu 4:4

Nɛ Yesu kaŋɛ mo le: “Abɔrɛsibɛ na bee kaŋɛ fanɛ a maŋ daga nyiŋgbasa ka wɔtɔ ŋkpal ajibi nawule so, ama e wɔtɔ nna ŋkpal kamalga kikɛ nɛ k bee shi Ebɔrɛ be kɔnɔ to a lar so.”

Maak 7:15

Mannɛ kusɔ nɛ k bee shi kowu a luri nyiŋgbasa to e naa jija mo, ama kusɔ nɛ k bee jija esa e la kusɔ nɛ k bee shi mo to a lar.

Maak 7:21

ŋkpal manɛ so, esa be kagbene to nɛ nfɛra lubi nɛ a bee shin nɛ e bee luri kusɔ jigaya be kanyɛnsha nɛ kachesha to bee shi a lar.

Maak 7:23

Le be alubi ere kikɛ e naa shi esa to a lar a jija mo.”

Hibruwebi 7:6

Mɛlkizedɛk daa maŋ shi Livai be kanaŋ to, ama mo alɛ daŋ sɔ asɔ be kudukudusopo ashi Eebraham kutɔ nseŋ nɛfa mo Eebraham koŋwule nɛ Ebɔrɛ ta mbe nnɔ naseso n sa na.

Jeems 3:6

To, nyiŋgbasa be kudonduloŋ malɛ gba du fanɛ edɛ nna. K la kusɔbi nna a wɔ esa be kɔnɔ to, ama kumo alɛ kulubi be yiri kikɛ e bɔla kumo to a shin nɛ alubi na bee sɔ mbe eyur kikɛ to a jija mbe kebaawɔtɔ kikɛ nyam. K du fanɛ kudonduloŋ na ka kɔ edɛ nna nɛ edɛ na malɛ shi Setani gbagba kutɔ a chɔɔ basa.

Jeems 4:1

Manɛ e naa bar ana? Manɛ e naa bar nlu nɛ a wɔ menyi to na malɛ? Kusɔ nɛ k bee bar amo nde: Men be nyɛlga lubi e naa kaa kɔ menyi to a leŋ menyi a wɔtɔ nlu na to.