Maak 7:14 - EBƆRƐ BE KAWƆL

¹⁴ Nɛ Yesu naŋ tre jimaŋ na m ba mo kutɔ m ba kaŋɛ bumo: “Menyi kikɛ e kaŋ kusoe n nu nfe nseŋ pin to.

Maak 7:14 ပူးပေါင်းရင်းမြစ်များ

1 Bewura 18:21

Nɛ anebi Elaija yɔ basa na kutɔ n ya kaŋɛ bumo le: “Nchɛ afanɛ nɛ men yɛ men ta n yili men be kagbene kukoŋwule? Nɛ Enyɛnpe na e la Ebɔrɛ, men baa shuŋ mo! Nɛ Baal malɛ e la Ebɔrɛ kumo ere men baa shuŋ mo alɛ gba!” Ama basa na daa maŋ tuge shɛŋ.

1 Bewura 22:28

Nɛ anebi Mikaya kaŋɛ le: “Fo baŋ bɛta m ba nɛ alenfia bre, kumo ere mannɛ Enyɛnpe Ebɔrɛ na e malga n sa ma!” Nseŋ kilgi ŋ kaŋɛ jimaŋ na le: “Men sa maŋ kaŋ teŋ kusɔ nɛ ŋ kaŋɛ ere so.”

Nshɛ 94:8

Ma basa, manɛ nna nɛ men paŋ nfɛra loŋ? Saŋɛ mo nɛ menyi beeŋ naŋ nya kanyiasheŋ?

Aŋasa 8:5

Menyee wora abibisheŋ nna a? Men nya kenimufɛra. Men wuli nna ŋko? Men wora nfɛra.

Aizaaya 6:9

Ndoŋ nna nɛ e kaŋɛ ma fanɛ n ta kubɔya ere n ya sa mbe basa. E yɛ “Kanaŋkama nɛ men nu asheŋ gba, menyi maaŋ pin amo to. Kanaŋkama malɛ nɛ men keni asheŋ, menyi maaŋ pin kusɔ nɛ k bee wora na to.”

Jɛremaya 25:2

Ndoŋ nna nɛ ŋ kaŋɛ Juda nɛ Jerusalɛm to be basa na kikɛ le:

Matiu 15:10

Nɛ Yesu tre jimaŋ na m ba mo kutɔ m ba kaŋɛ bumo: “Men kaŋ kusoe n nu nfe nseŋ pin to.

Maak 7:13

Loŋ nɛ menyee wora a keni Ebɔrɛ be kamalga na jiga nsaa ŋini basa menyi gbagba be edaŋkaresheŋ na. Asheŋ damta ko gba kraa wɔtɔ a du fanɛ ade nɛ menyee wora amo.”

Maak 7:15

Mannɛ kusɔ nɛ k bee shi kowu a luri nyiŋgbasa to e naa jija mo, ama kusɔ nɛ k bee jija esa e la kusɔ nɛ k bee shi mo to a lar.

Luuk 12:1

Basa ŋgboŋ damta ko ka shɛr ndoŋ hale n ya kaa chichi abar so nɛ Yesu fara a kaŋɛ mbe bebɛsopo le: “Men baa de Efarisiana na be yiisi so, kumo e la fanɛ bumo be kebirkɔnshi be asheŋ.

Ashuŋ Shunso 8:30

Ndoŋ nna nɛ Filip shile n yɔ n ya nu e ka bee kraŋ anebi Aizaaya be kawɔl nɛ e bishi mo: “Fee pin kusɔ nɛ fee kraŋ ere to a?”