Maak 6:41 - EBƆRƐ BE KAWƆL

⁴¹ Nɛ Yesu ta ebodobodo anu nɛ ekɔrɔtɔ anyɔ na nseŋ keni esoso n nɛfa amo nseŋ fara a buri ebodobodo na to a sa bebɛsopo na fanɛ b baa sa basa na. Kumo be kaman nɛ e chige ekɔrɔtɔ na gba to n sa bumo kikɛ.

Maak 6:41 ပူးပေါင်းရင်းမြစ်များ

Matiu 14:19

Kumo be kaman nɛ e shin nɛ basa na chena afitiri so nɛ e ta ebodobodo anu na nɛ ekɔrɔtɔ anyɔ na nseŋ keni esoso n nɛfa amo nseŋ fara a buri ebodobodo na to a sa bebɛsopo na nɛ bumo alɛ bee ta amo a sa jimaŋ na.

Matiu 15:36

Kumo be kaman nɛ e ta ebodobodo ashunu na nɛ ekɔrɔtɔ na nseŋ chɔrɔ Ebɔrɛ nseŋ fara a buri amo to a sa bebɛsopo na nɛ bumo alɛ bee ta amo a sa basa na.

Matiu 26:26

B ka bee ji na nɛ Yesu ta bodobodo nseŋ nɛfa kumo nseŋ bu kumo to n ta n sa mbe bebɛsopo nseŋ kaŋɛ bumo le: “Men ta n we, ma eyur nna na.”

Maak 14:22

B ka bee ji na nɛ Yesu ta bodobodo na n nɛfa kumo nseŋ bu kumo to n ta n sa mbe bebɛsopo nseŋ kaŋɛ: “Men ta n we, ma eyur nna na.”

Maak 6:40

Nɛ basa na chena m bɛ abar so, beko ntuŋ kalfa kalfa, beko malɛ ntuŋ adununu.

Maak 6:42

Nɛ ekama we m moɛ.

Maak 7:34

Kumo be kaman nɛ Yesu keni esoso n shu to ŋ kaŋɛ kanyɛn na be asoe: “Ɛfata!” Kumo e la fanɛ “Men bugi to!”

Maak 8:19

Men teŋ so saŋɛ nɛ n daŋ buri ebodobodo anu to n sa benyɛn ŋgboŋ anu na a? Ejiŋka nlantaŋɛ afanɛ nɛ men daŋ tise na?” Nɛ b kaŋɛ: “A daa wɔ nlantaŋɛ kuduanyɔ.”

Luuk 24:30

Ndoŋ nna nɛ Yesu shuli n tu bumo n yɔ. Mo nɛ bumo ka ya kaa tase ejikpa nɛ e ta bodobodo na n nɛfa kumo nseŋ bu kumo to n ta n sa bumo.

Luuk 9:16

Ndoŋ nna nɛ Yesu ta ebodobodo anu na nɛ ekɔrɔtɔ anyɔ na nseŋ keni esoso n nɛfa amo nseŋ fara a buri amo to a sa bebɛsopo na fanɛ b baa sa jimaŋ na nɛ ekama we m moɛ

Baru lela nɛ Jɔn kute na 11:41

Ndoŋ nna nɛ b lara kejembu na nɛ Yesu keni esoso nseŋ kaŋɛ: “Etuto, mee chɔrɔ fo ga fanɛ fo nu ma kekule.

Baru lela nɛ Jɔn kute na 17:1

Yesu ka malga asheŋ ere n loge nɛ e maŋ kumu so ŋ keni ebɔrɛso nseŋ kule Ebɔrɛ ŋ kaŋɛ: “Etuto, saŋɛ na fo. Maŋkura ma, fo Pibinyɛn na nɛ ma, fo Pibinyɛn na malɛ e maŋkura fo.

Baru lela nɛ Jɔn kute na 6:11

Ndoŋ nna nɛ Yesu ta ebodobodo na nseŋ di Ebɔrɛ epaŋ nseŋ fara a sa basa nɛ b daŋ chena ndoŋ na. Loŋ koŋwule na nɛ e daŋ ta kɔrɔtɔ na gba n wora. Kanaŋkamaso nɛ ekama daa beeŋ tiŋ n we nɛ e we m moɛ.

Baru lela nɛ Jɔn kute na 6:23

Taibɛrias be ekuloŋ ko malɛ daŋ ba kaa yil kepagboŋ na be ekarso a mata kakpa nɛ Yesu daŋ di Ebɔrɛ epaŋ nseŋ sa basa na ajibi na.

Ashuŋ Shunso 27:35

Pɔɔl ka malga le n loge nɛ e ta bodobodo n di Ebɔrɛ epaŋ bumo kikɛ be anishito nseŋ bu kumo to n fara a we.

Romebi 14:6

Esa kama nɛ e bee ta kachɛ ko fanɛ kachɛgboŋ, bee wora loŋ nna a sha kebunyaŋ Enyɛnpe. Nɛ ekama malɛ nɛ e bee ji kejibi ko, bee ji kumo nna a bunyaŋ Enyɛnpe na, ŋkpal manɛ so, amodoŋwura gba bee kaa di Ebɔrɛ epaŋ nna pɔɛŋ nsaa ji. Nɛ ekama malɛ nɛ e bee kini kejibi ko be keji, bee wora loŋ nna a bunyaŋ Enyɛnpe na nsaa di Ebɔrɛ epaŋ nna na.

1 Kɔrintebi 10:31

Amoso, nɛ fee ji ŋko fee nuu nna ŋko kusɔ kama nɛ fee wora, wora amo kikɛ nɛ Ebɔrɛ e nya kemaŋkura.

Ditɛronɔmi 8:10

Ade be kaman, menyeeŋ nya asɔ kama nɛ menyee sha n ji nseŋ ta kechɔrɔ n sa Enyɛnpe menyi be Ebɔrɛ na ŋkpal e ka sa menyi kasawule lela so.

Kɔlɔsiebi 3:17

Kusɔ kama nɛ k shi men be nnɔ to ŋko nɛ menyee wora, men shin nɛ amo kikɛ e daga esa nɛ e yil Yesu Kristo be katelamu to be kushuŋ nɛ men baa chɔrɔ Ebɔrɛ Etuto na ŋkpal Yesu Kristo so.

1 Samuɛl 9:13

Men baŋ luri kade na to, menyeeŋ wu mo pɔɛŋ nɛ e yɔ kakpa nɛ baa lara sarga na. Basa na maaŋ fara a ji sargajibi na ama e baŋ ya nɛfa amo na pɔɛŋ. Nɛ men baŋ yɔ naniere, menyeeŋ tu mo pɔɛŋ nɛ e yɔ ndoŋ.”