Maak 6:34 - EBƆRƐ BE KAWƆL

³⁴ Yesu ka lar ekuloŋ na to nɛ e wu jimaŋ damta na nɛ bumo be asheŋ pɛ mo kuwɔr, ŋkpal manɛ so, b daa du fanɛ mbolpɔ nɛ b maŋ kɔ ekpapo nna. Nɛ e fara a ŋini bumo asɔ damta.

Maak 6:34 ပူးပေါင်းရင်းမြစ်များ

1 Bewura 22:17

Ndoŋ nna nɛ anebi Mikaya naŋ kaŋɛ le: “N wu Israɛl be benapo na ka pesaŋ to n sɔ abee so fanɛ mbolpɔ nɛ b maŋ kɔ ekpapo na. Nɛ Enyɛnpe Ebɔrɛ kaŋɛ le: ‘Basa ere maŋ kɔ ejuŋkparpo, shin nɛ b ta kagbenewushi a yɔ epe.’ ”

2 Kronikɛls 18:16

Ndoŋ nna nɛ Mikaya naŋ kaŋɛ le: “N wu Israɛl be benapo na ka pesaŋ to n sɔ abee so fanɛ mbolpɔ nɛ b maŋ kɔ ekpapo na.” Nɛ Enyɛnpe Ebɔrɛ kaŋɛ le: “Basa ere maŋ kɔ ejuŋkparpo, shin nɛ b ta kagbenewushi a yɔ epe.”

Aizaaya 13:14

Kumo be kaman nɛ befɔ nɛ b wɔ Babilɔn be kadegboŋ to na e shile n yɔ bumo peana be nsawule so, n ya pesaŋ to n sɔ kaplɛkama fanɛ echibir ka wu ekpampo nsaa shile na ŋko fanɛ mbolpɔ nɛ a maŋ kɔ ekpapo na.

Jɛremaya 50:6

Ma basa du fanɛ mbolpɔ nɛ bumo be bekpapoana shin nɛ b foe abee so nna. B daa nite cham cham kebee ko so nna n ya kaa lar kuko so nseŋ daŋ teŋ kakpa nɛ bumo pe wɔ so.

Ezikɛl 34:5

Ŋkpal mbolpɔ na ka maŋ kɔ ekpapo so, b pesaŋ to nna nɛ kupuŋ to be asɔbɔya lubi bee pɛ bumo a ji.

Zakareya 10:2

Basa bee yɔ agbir to nɛ bekpalpo kutɔ nna, ama asheŋ fuloŋ nɛ efɛsheŋ nɛ baa nya ashi bumo kutɔ. Beko bee kute edare be afito, ama bumo alɛ bee fule basa nna a sa bumo kagbenewushi fuloŋ. Ŋkpal loŋ so basa bee nite a kulti fanɛ mbolpɔ foeso nna. Asheŋ maa nyalɛ a sa bumo ŋkpal b ka maŋ kɔ esa nɛ e bee keni bumo so so.

Nɔmbɛs 27:17

nsaa beeŋ tiŋ ŋ ŋini bumo kena be kekɔ saŋɛ na so fo basa maaŋ baa du fanɛ mbolpɔ nɛ b maŋ kɔ ekpapo na.”

Matiu 14:14

Yesu ka lar ekuloŋ na to nɛ e wu jimaŋ damta na nɛ bumo be asheŋ pɛ mo kuwɔr nɛ e chɛ bumo be belɔpo.

Matiu 15:32

Nɛ Yesu tre mbe bebɛsopo na m ba kaŋɛ bumo le: “Basa ere be asheŋ bee keta ma kuwɔr, ŋkpal manɛ so, bumo be nchɛ asa nde b ka wɔ ŋ kutɔ nfe ŋkaa maa nya shɛŋ a ji. M maa sha keshin nɛ b ta akoŋ n yɔ epe. Nɛ mannɛ aloŋ, baaŋ chɛl ekpa to.”

Matiu 9:36

Yesu ka wu jimaŋ na nɛ bumo be asheŋ pɛ mo kuwɔr, ŋkpal manɛ so, b daa du fanɛ mbolpɔ nɛ b yeŋ to ŋ gben nsaa maŋ kɔ ekpapo nna.

Maak 6:33

Ama basa damta wu b ka bee yɔ m pin epul na to basa nɛ b la bumo, nɛ b lar nde na kikɛ to n shile aya fuful n daŋ Yesu nɛ mbe bebɛsopo keyɔ ndoŋ.

Maak 6:35

Kaboŋ ka bee jija to na nɛ mbe bebɛsopo ba mo kutɔ m ba kaŋɛ mo: “Kaboŋ bee jija to nna na. Kakpa ere malɛ maŋ la basa to.

Maak 8:1

K maŋ chɛr ko nɛ jimaŋ damta ko naŋ shɛr Yesu kutɔ. Saŋɛ na so nɛ shɛŋ maŋ naa wɔtɔ nɛ b ji nɛ Yesu tre mbe bebɛsopo na m ba mo kutɔ m ba kaŋɛ bumo:

Maak 8:2

“Basa ere be asheŋ bee keta ma kuwɔr, ŋkpal manɛ so, bumo be nchɛ asa nde b ka wɔ ŋ kutɔ nfe ŋkaa maa nya shɛŋ a ji.

Luuk 9:11

Jimaŋ na ka pin kumo be loŋ nɛ b bɛ mo so, ama e daa maŋ ju bumo. E daŋ malga Ebɔrɛ be kuwura na to be asheŋ nna n sa bumo nseŋ chɛ bumo nɛ b daa wɔ bumo to n daga kechɛ na.

Hibruwebi 2:17

Ŋkpal le malɛ so, a daga fanɛ mo gbagba e ki fanɛ mo niopibiana ashi ekpa kama so, saŋɛ na so, e beeŋ baa la bumo be kuwɔrwupo be bɔrɛmatapo nɛ basa beeŋ tiŋ n yirda ashi Ebɔrɛ be anishito. Nɛ mo alɛ wora loŋ, basa beeŋ nya bumo be alubi be ketampaŋ bumo.

Hibruwebi 4:15

Ŋkpal manɛ so, mannɛ fanɛ anyi be bɔrɛmatapo nimuso na la esa nɛ e maa wu anyi be asheŋ gbenso kuwɔr nna, ama e la esa nɛ e luri kechɔŋkeni kama to nna n lar fanɛ kananɛ anyi alɛ gba bee luri amo to na. Ama mo ere maŋ wora kulubi kikɛ.