Maak 6:24 - EBƆRƐ BE KAWƆL

²⁴ Nɛ kebichebi na lar n ya bishi mo nio: “Manɛ nɛ meeŋ kule?” Nɛ mo nio kaŋɛ: “Jɔn kabɔrɛbɛrpo be kumu.”

Maak 6:24 ပူးပေါင်းရင်းမြစ်များ

2 Samuɛl 13:5

Nɛ Jonadab kaŋɛ mo le: “Wora fanɛ fo ka bee lɔ na nseŋ ya dese fo gedo so. Fo tuto kaŋ ba nɛ fo kaŋɛ mo le: ‘Jande shin nɛ ma sipoche Tamaa a daŋɛ ajibi m bar ma. E ba ma kutɔ nɛ m baa keni mo nɛ e ba daŋɛ, saŋɛ na so e kaŋ daŋɛ n loge, e beeŋ baa ku amo a wɔtɔ ma kɔnɔ to.’ ”

Job be kawɔl 31:31

Esa kikɛ maŋ naŋ di akoŋ ma laŋ to kikɛ. Ma beshumpo gba nyi ŋ ka bee sɔ befɔ nɛnɛ.

Nshɛ 27:2

Basa lubi baa fin ma nɛ b mɔ, ŋko nɛ bedoŋ bee kɔ ma gba, baaŋ fiti n tɔr.

Nshɛ 37:12

Belubiworapo bee kre basa lela asheŋ lubi nna, nsaa keni bumo yurkishiso.

Nshɛ 37:14

Belubiworapo bee pe nsaŋɛ nna nsaa gberge bumo be ata to a fin betirpo nɛ betentaŋasepo nɛ basa nɛ baa wora asheŋ niŋiso nɛ b mɔ.

Matiu 14:8

Ndoŋ nna nɛ kebichebi na mo nio Hɛrodias ŋini mo kusɔ nɛ e beeŋ kule nɛ e ba kaŋɛ Ewura Hɛrɔd le: “Mee sha fo ka bar ma epul ere to Jɔn kabɔrɛbɛrpo be kumu kelɛfa so.”

Matiu 3:1

Kumo be jemanɛ na so nɛ Jɔn kabɔrɛbɛrpo ba Judiya be kiyi to m ba fara a bɔ Ebɔrɛ be kubɔya a sa basa.

Maak 6:23

Kumo be kaman nɛ e bɔ ntaŋ ŋ kaŋɛ mo: “Meeŋ sa fo kusɔ kama nɛ fo kule ma hale nɛ k la efuli ere be bargato gba.”

Maak 6:25

Nɛ kebichebi na jɔ to m bɛta epul na to n yɔ Ewura na kutɔ n ya kaŋɛ: “Mee sha fo ka bar ma epul ere to Jɔn kabɔrɛbɛrpo be kumu kelɛfa so.”