Maak 6:20 - EBƆRƐ BE KAWƆL

²⁰ Hɛrɔd daa nyi Jɔn ka daa la esa lela nɛ esa cheembi, amoso, e daa de mo so nna nɛnɛ. E daa sha kebaanu mbe mmalga, ama saŋkama nɛ e nu amo, a bee jija mbe kagbene to nna.

Maak 6:20 ပူးပေါင်းရင်းမြစ်များ

1 Bewura 21:20

Ewura Ahab ka wu Elaija nɛ e kaŋɛ le: “Ma doŋ, fo wu ma a?” Nɛ anebi Elaija malɛ kaŋɛ le: “Mm, n wu fo. Fo kebaawɔtɔ to kikɛ fee wora alubi nna a gbiti Enyɛnpe Ebɔrɛ na.

2 Bewura 13:14

Jemanɛ ko ka ba fo nɛ kulɔ lubi ko pɛ Elaisha nɛ e bee sha kewu, ndoŋ nna nɛ Israɛl be ewura Jehɔash yɔ nɛ e ya bɔ mo so. Jehɔash ka yili mo kutɔ, nɛ e shu ŋ kaŋɛ le: “N tuto! Fo e la Israɛl be ekumpo lempo! Manɛ nɛ anyeeŋ tiŋ n wora nɛ fo maŋ wɔtɔ?”

2 Bewura 6:21

Israɛl be ewura na ka wu Siriya be benapo na, nɛ e bishi Elaisha le: “N nyɛnpe m mɔ bumo a?”

2 Kronikɛls 24:2

E daa wora kusɔ nɛ k walɛ Enyɛnpe Ebɔrɛ be anishito saŋɛ so nɛ bɔrɛmatapo Jehowada daa wɔ ŋkpa to na nna.

2 Kronikɛls 26:5

Ewura Uziya be asoetojipo e daa la Zakareya. Saŋɛ so nɛ Zakareya daa wɔ ŋkpa to na ewura Uziya daa ji kashenteŋ nna a sa Ebɔrɛ, nɛ Ebɔrɛ malɛ daa nɛfa mo.

Ɛksodɔs 11:3

Ndoŋ nna nɛ Enyɛnpe Ebɔrɛ shin nɛ Ijiptebi na be ŋgbene pɛ Israɛlebi na ga nɛ ewura Fɛɛro be beyaasepo gba nɛ Ijipt be basa kikɛ fara a keni Mosis a bɔlɔ kenishi.

Ezikɛl 33:32

Kashenteŋto, bumo ere kutɔ fo la esa nɛ e kɔ ebɔl belbel so nna a laŋ jaŋjilaŋ nsaa boŋ kasha be nshɛ a deŋi bumo anishito. Baa nu asheŋ nɛ fee malga na kikɛ ama bumo alɛ maaŋ wora amo to be kukoŋwule gba.

Danɛl 4:18

Edare nɛ ma ewura Nebukadneeza ku na nna na. Bɛlteshaaza, kaŋɛ ma kumo be kifito, ŋkpal manɛ so ma benyiashempo kikɛ maŋ tiŋ ŋ kaŋɛ ma kumo be kifito, ama n nyi fo ere ka beeŋ tiŋ. Ŋkpal manɛ so, agbir cheembi na be kiyoyu wɔ fo to.’ ”

Danɛl 4:27

Amoso Yiramu, nu n sa ma kasotoji ere. Yige alubi be kebaawora nsaa wora alela nɛ asheŋ niŋiso. Baa wu betirpo kuwɔr. Loŋ nɛ fo kanyɛ beeŋ baa ti so saŋkama.”

Danɛl 5:17

Ndoŋ nna nɛ Danɛl kaŋɛ le: “Yiramu, meeŋ kraŋ kasibɛ na nseŋ kaŋɛ fo kumo be kifito, ama baa kɔ fo ŋkɛ. Feeŋ tiŋ n ta amo ŋ kɛ esa ko.

Matiu 14:5

Hɛrɔd daa sha kemɔ Jɔn nna, ama mo alɛ daa ŋana Juwebi na nna, ŋkpal manɛ so, Jɔn daa la anebi nna bumo be anishito.

Matiu 21:26

Nɛ anyi alɛ naŋ kaŋɛ fanɛ a shi enyiŋgbasa kutɔ nna, an maaŋ tiŋ m pin kusɔ nɛ basa ere beeŋ wora anyi, ŋkpal manɛ so, bumo kikɛ yirda fanɛ Jɔn daa la anebi nna.”

Maak 11:18

Bɔrɛmatapowuraana nɛ mbraŋinipoana ka nu le be demu na nɛ b fara a fin ekpa nɛ baaŋ bɔla so m mɔ Yesu. B daa ŋana mo nna, ŋkpal manɛ so, mbe keŋini daa chinchiŋ jimaŋ na kikɛ nna.

Maak 4:16

Basa ko malɛ du fanɛ asɔ duuso nɛ a tɔr kejasawule so na nna. B baŋ ya kaa nu kamalga na nɛ b sɔ kumo nɛ kagbenefuli epul na to.

Baru lela nɛ Jɔn kute na 5:35

Jɔn daa du fanɛ fitila nɛ k chɔɔ so nna a sa basa kefulto nɛ men daŋ shuli n wu kefulto na be ebel gbrɛbi.

Ashuŋ Shunso 2:12

K daŋ wul bumo kikɛ to ga nɛ b wɔtɔ a bishi abar: “Kede be kifito e la nuso?”

Ashuŋ Shunso 5:24

Bɔrɛlambu na to be bekumpo be enimu na nɛ bɔrɛmatapowuraana na ka nu kesheŋ nɛ k wora na nɛ k chinchiŋ bumo ga nɛ b fara a fɛ kusɔ nɛ kesheŋ na beeŋ ba ki.