Maak 6:14 - EBƆRƐ BE KAWƆL

¹⁴ Ewura Hɛrɔd daŋ nu asheŋ ere kikɛ ŋkpal Yesu be ketre ka sɔ kaplɛkama so. Nɛ beko kaŋɛ: “Jɔn kabɔrɛbɛrpo e naŋ tiŋi luwu to m ba na. Amoso nɛ e kɔ le be eleŋ mo to a wora asheŋ loŋ na.”

Maak 6:14 ပူးပေါင်းရင်းမြစ်များ

2 Kronikɛls 26:15

Mbe beshumpo nɛ b nyi kushuŋ nɛnɛ na be beko daŋ lɔŋɛ akɔsɔ ko nɛ baa ta a to atanyembi nɛ ajembu gboŋgboŋi nna. Ewura Uziya daŋ ta loŋ be akɔsɔ na nna n yili atempreŋ jeŋgreŋ nɛ a wɔ Jerusalɛm be egbal na be abonfu na so nna. Ebɔrɛ daŋ chɛ ewura Uziya to nna nɛ e ji eleŋ ga nɛ mbe ketre malɛ dii ashi durnya ere be efuli kikɛ so.

2 Kronikɛls 26:8

Ammɔnebi na daa ka lampo nna a sa ewura Uziya ŋkpal loŋ so e daŋ ji eleŋ ga nna nɛ mbe ketre daŋ dii hale nɛ Ijipt be kasawule so ebi nu mbe asheŋ.

Matiu 9:31

Ama b lar ndoŋ n ya shin nɛ Yesu be asheŋ be baru sɔ efuli na so be kaba so kikɛ nyam.

Maak 1:28

Amoso Yesu be asheŋ woraso ere be baru daŋ sɔ Galili be efuli so kikɛ.

Maak 1:45

Ama kanyɛn na ya bugi demu na to ŋ kaŋɛ ekama. E malga demu na ga hale nɛ Yesu maŋ naŋ tiŋ m bugi to n luri kade kama to. Kupuŋ to chil nɛ e daa chena nɛ basa bee shi kaplɛkama a ba mo kutɔ.

Maak 8:28

Nɛ b kaŋɛ: “Beko bee tre fo Jɔn kabɔrɛbɛrpo nna. Beko malɛ bee kaŋɛ fanɛ Elaija e la fo. Nɛ beko malɛ bee kaŋɛ fanɛ anebi ko e la fo.”

Luuk 13:31

Jemanɛ na so gbagba nɛ Efarisiana ko ba kaŋɛ Yesu le: “Keni, lar nfe n yɔ kakpa ko, ŋkpal manɛ so, Ewura Hɛrɔd bee fin fo kemɔ nna.”

Luuk 3:1

Ewurgboŋ Tiberius ka ji mbe kafɛ kuduanusopo to, Pɔnshes Pailat e daa la Judiya be gomena nɛ Hɛrɔd malɛ daa keni Galili be efuli so nɛ mo sipo Filip malɛ daa keni Ituriya nɛ Trakɔnaites be nsawule ko so. Lisanias e daa keni Abileene so nɛ Anas nɛ Kayafas malɛ daa la bɔrɛmatapo nimusoana.

Luuk 7:17

Yesu be asheŋ na be baru ere daŋ sɔ Judiya nɛ kasawule na so be nde kikɛ to nyam.

Luuk 9:19

Nɛ b kaŋɛ mo: “Beko bee tre fo Jɔn kabɔrɛbɛrpo nna, beko malɛ bee kaŋɛ fanɛ anebi Elaija e la fo nɛ beko bee kaŋɛ fanɛ dra na be anebiana na be eko e naŋ tiŋi luwu to m ba.”

1 Tɛsalɔnikaebi 1:8

Mannɛ Masɛdonia nɛ Akaya nawule nɛ Enyɛnpe be kubɔya na shi men kutɔ n yɔ, ama kananɛ men yirda Ebɔrɛ na be baru sɔ kaplɛkama, amoso, anyi ere maŋ naa kɔ shɛŋ a kaŋɛ.

Hibruwebi 2:4

Kumo alɛ be buushi, Ebɔrɛ gba bee bɔla etɔɔnɛsheŋ nɛ emamachisheŋ nɛ Ebɔrɛ be eleŋ be nnaŋ to be aworbi to nɛ Kiyoyu Cheeŋ na be ŋkɛana nɛ e bee chige to a sa basa ashi mo gbagba be keparso na to a ji shɛda fanɛ kumɔlga na la kashenteŋ nna.