Maak 5:34 - EBƆRƐ BE KAWƆL

³⁴ Nɛ Yesu kaŋɛ mo: “M pibiche, fo yirda e chɛ fo. Baa yɔ nɛ kagbenewushi. Fo nya alenfia.”

Maak 5:34 ပူးပေါင်းရင်းမြစ်များ

2 Bewura 5:19

Ndoŋ nna nɛ anebi Elaisha kaŋɛ mo le: “Ebɔrɛ e yɛr fo nɛ alenfia.” Nɛ Neeman lar n choŋ. Neeman ka baŋ yɔ anishito gbrɛbɛ,

Kaŋinichiŋgeliŋ 9:7

Baa ji a nuu kagbenefuliso! Kusɔ nɛ Ebɔrɛ yili dra kikɛ fanɛ fo baa wora nna na.

Levitikɔs 14:48

Ama bɔrɛmatapo na ka naŋ ya keni laŋ na jemanɛ nɛ b lɔŋɛ kumo n la na, n wu fanɛ kapuu na maŋ naŋ lar egbal na so, e beeŋ shin nɛ ekama e pin fanɛ k walɛ so daŋkare be ekpa so, ŋkpal manɛ so, kapuu na maŋ naa wɔ laŋ na to.

Matiu 9:2

Ndoŋ nna nɛ basa ko sulɔ eyurwusowura ko mbe kekpata so m ba nɛ b ba sa mo. Yesu ka wu yirda nɛ basa nɛ b bar mo na kɔ nɛ e kaŋɛ eyurwusowura na: “Baa kɔ kagbene, m pibinyɛn. N ta fo alubi m paŋ fo.”

Matiu 9:22

Ndoŋ nna nɛ Yesu kilgi n wu mo nseŋ kaŋɛ mo le: “M pibiche, baa kɔ kagbene, fo yirda e chɛ fo na.” Epul na malɛ to nɛ kache na nya alenfia.

Maak 10:52

Nɛ Yesu kaŋɛ mo: “Baa yɔ, fo yirda e chɛ fo.” Epul na to nɛ e nya mbe anishi a wu nseŋ bɛ Yesu so ekpa na to.

Maak 3:10

Ŋkpal e ka daŋ chɛ basa damta so, belɔpo na kikɛ daa ŋin abar a fin kebeta mo nna.

Maak 5:29

E ka beta mbe asɔbuuso na, epul na to nɛ ŋklaŋ na ku. Nɛ mo gbagba pin mbe eyur to fanɛ e nya alenfia.

Maak 5:33

Kache na ka pin fanɛ e nya alenfia nɛ e lar a chicha kufuso m ba gbir Yesu be anishito ŋ kaŋɛ mo kusɔ nɛ k wora na kikɛ.

Luuk 17:19

Nɛ Yesu kaŋɛ emo nɛ e bɛta m ba na le: “Niŋi to ŋ koso m pɛ fo ekpa a yɔ. Fo yirda e chɛ fo.”

Luuk 18:42

Kumo be kaman nɛ Yesu kaŋɛ mo le: “Naŋ nya fo anishi a wu. Fo yirda e chɛ fo.”

Luuk 7:50

Nɛ Yesu kaŋɛ kache na: “Baa yɔ nɛ kagbenewushi, fo yirda e mɔlga fo.”

Luuk 8:48

Nɛ Yesu kaŋɛ mo: “M pibiche, fo yirda e chɛ fo. Baa yɔ nɛ kagbenewushi.”

Ashuŋ Shunso 14:9

Pɔɔl ka bee bɔ kubɔya na nɛ e wu kananɛ kanyɛn na kaŋ kusoe a nu kamalga na nɛ kananɛ e kɔ yirda a beeŋ tiŋ n nya kechɛ. Nɛ Pɔɔl keni mo diimbi nseŋ malga awɔrso ŋ kaŋɛ: “Niŋi to n teŋ to n yili fo aya so.”

Ashuŋ Shunso 15:33

B ka wora nchɛnnyɔ ndoŋ nɛ bekurgepoana na sa bumo ekpa nɛ b bɛta n yɔ nɛ kagbenewushi bumo nɛ b shuŋi bumo na kutɔ.

Ashuŋ Shunso 16:36

Nɛ kabutikenipo na ta kumo ŋ kaŋɛ Pɔɔl: “Ekrachigboŋana na shuŋi n sa ekpa fanɛ b lara menyi kabuti to. Amoso, men koso kagbenewushiso a yɔ.”

Jeems 2:16

nɛ fo wu mo nseŋ kaŋɛ mo le: “Ebɔrɛ e chɛ fo to nseŋ sa fo asɔbuuso lela nɛ ajibi,” fo alɛ maŋ chɛ mo to n sa mo asɔ nɛ a daga, mannɛ asheŋ fuloŋ nɛ fo wora ere a?

1 Samuɛl 1:17

Nɛ Eli kaŋɛ le: “Israɛl be Ebɔrɛ na e wora kusɔ kama nɛ fo kule mo ere n sa fo. Ebɔrɛ e yɛr fo nɛ alenfia.”

1 Samuɛl 20:42

Ndoŋ nna nɛ Jonatan kaŋɛ Deevid le: “Ebɔrɛ e yɛr fo nɛ alenfia, ama baa nyiŋi kananɛ ma nɛ fo nase kɔnɔ Enyɛnpe Ebɔrɛ be ketre to a yɔ anyi be keteri be kaplɛa so n sa abar na. Ebɔrɛ malɛ beeŋ shin nɛ ma kanaŋ nɛ fo kanaŋ e bɛ kɔnɔ naseso ere so hale mbaanaayɔ.” Ndoŋ nna nɛ Deevid choŋ, nɛ Jonatan malɛ bɛta n yɔ kade to.