Maak 4:28 - EBƆRƐ BE KAWƆL

²⁸ Kasawule na e naa shin nɛ asɔ na bee kɔr a wora. Sososo kedibi popɔrbi na e naa lar nɛ k ba daŋ n wora bibi.

Maak 4:28 ပူးပေါင်းရင်းမြစ်များ

Jɛnesis 2:9

Enyɛnpe Ebɔrɛ daŋ shin nna nɛ ndibi lela be yiri yiri kɔr n daŋ ashi ndoŋ. Ndibi na nɛ amo be asɔrso malɛ daa walɛ keji nna. Ama ndibi anyɔ ko malɛ daa yil kudɔbi na be nferinto. Loŋ be ndibi na be kuko be asɔrso daa sa ŋkpa nna nɛ kuko malɛ peya daa sa kanyiasheŋ nɛ k bee shin nɛ esa bee pin kelela nɛ kulubi.

Nshɛ 1:3

Loŋ be basa du fanɛ boŋkarase be ndibi nɛ a bee sɔr asɔrso saŋɛ nɛ k daga na nna. Amo be afantaŋ maa gbaŋgbaŋ kikɛ. Kusɔ kama nɛ baa wora bee nite nɛnɛ nna a sa bumo.

Aŋasa 4:18

Ama ekpa nɛ belelaworapo bɔ so na bre du nna fanɛ karechɛ so be epeŋi na. K bee fulto nna a ti so hale nɛ kare e ya chɛ nɛ kaboŋ e fulto parr.

Kaŋinichiŋgeliŋ 3:1

Kusɔ kama nɛ k bee wora durnya to kikɛ kɔ kumo be saŋɛ nɛ Ebɔrɛ yili nna.

Kaŋinichiŋgeliŋ 3:11

Mo e yili jemanɛ nɛ k daga n sa kusɔ kikɛ. Mo e sa anyi nfɛra nɛ anyee pin kusɔ nɛ k beeŋ wora echefoso. Amo nɛ amo kikɛ an kra maa pin mbe nfɛra chiŋgeliŋ na to a loge.

Aizaaya 61:11

Kananɛ esa bee duu kusɔ nɛ k kɔr n daŋ nɛnɛ na, nɛ Enyɛnpetale Ebɔrɛ na gba beeŋ mɔlga mbe basa nseŋ shin nɛ b baa wɔ kebaawɔtɔ niŋiso to; saŋɛ na so efuliana na be basa kikɛ beeŋ baa kpaŋ mo.

Hoziya 6:3

Men shin nɛ an wora ania m pin Enyɛnpe Ebɔrɛ na. K baa la kashenteŋ nna geeŋ fanɛ e beeŋ ba. Mbe keba na beeŋ baa du fanɛ kananɛ epeŋi bee pete nna, ŋko kananɛ dɔchubɔrɛ so be bɔrɛ bee ba a wushi kasawule na nna.”

Matiu 13:26

Asɔ duuso lela na ka ba kɔr n fara a daŋ a sɔr nɛ asɔ duuso nɛ b maa ji na malɛ fara a lar.

Maak 4:27

nseŋ ya kaa dese a di a koso kapa nɛ kanyɛ nɛ asɔ duuso na malɛ bee kɔr a daŋ. Ama mo ere maŋ nyi amo be kekɔr nɛ amo be kedaŋ na to.

Maak 4:29

Bibi na baŋ bel, kanyɛn na bee la kasaŋɛ nna epul na to n luri amo to a teŋi, ŋkpal manɛ so, kasɔteŋi be jemanɛ fo.”

Filipaiebi 1:6

Amoso, m baa nyi fanɛ Ebɔrɛ nɛ e baŋ fara le be kushuŋ lela menyi to ere beeŋ shin nɛ k baa wɔ menyi to loŋ n ya loge nɛnɛ kachɛ nɛ Kristo Yesu beeŋ naŋ ba na.

Kɔlɔsiebi 1:10

Loŋ nɛ menyeeŋ baa kɔ kebaawɔtɔ nɛ k daga Enyɛnpe na be basa ka kɔ nɛ men be asheŋ e baa par mo nɛnɛ nɛ men baa wora kelela be yiri kikɛ m baa pin Ebɔrɛ nɛnɛ a ti so.