Maak 4:24 - EBƆRƐ BE KAWƆL

²⁴ Nɛ e kaŋɛ bumo: “Men baa de kusɔ nɛ menyee nu so. Kanaŋkamaso nɛ menyee ber asɔ a sa basa, loŋ gbagba chap nɛ Ebɔrɛ beeŋ ber amo n sa menyi hale nɛ men naŋ nya n ti so.

Maak 4:24 ပူးပေါင်းရင်းမြစ်များ

Aŋasa 19:27

Fo baŋ yige kebaa koya, feeŋ teŋ kusɔ nɛ fo nyi gba so.

Aizaaya 55:3

Ma basa, men nu n sa ma nseŋ ba ma kutɔ. Men ba ma kutɔ nseŋ nya ŋkpa! Ma nɛ menyi beeŋ kre kɔnɔkoŋwule be ŋkre nɛ k wɔtɔ mbaanaayɔ, saŋɛ na so meeŋ sa menyi enɛfa nɛ n nase amo be kɔnɔ n sa Ewura Deevid na.

Jɛremaya 17:21

Kaŋɛ bumo fanɛ nɛ baa sha bumo be ŋkpa, b sa maŋ kaa sulɔ asɔ kewushiachɛ. B sa maŋ kaa sulɔ shɛŋ a bɔla mbunagboŋ na to a luri ŋko a lar Jerusalɛm to.

Matiu 7:2

Ŋkpal manɛ so, ekpa kama so nɛ menyee bɔla a wu abar be alubi na gbagba so nɛ Ebɔrɛ gba beeŋ bɔla n wu menyi be alubi nseŋ ber asɔ kanaŋkamaso nɛ menyee ber amo a sa men braana na gbagba chap n sa menyi.

Maak 9:7

Nɛ kuwɔlpa ko lar nɛ kumo be kiyoyul ba buu bumo so nɛ ebɔl shi kuwɔlpa na to ŋ kaŋɛ: “M Pibinyɛn shaso nde, men baa nu mbe kɔnɔ.”

Luuk 8:18

Amoso, men baa da so kananɛ menyeeŋ nu asheŋ so, ŋkpal manɛ so, ekama nɛ e kɔ beeŋ nya n ti so, ama ekama nɛ e maŋ kɔ shɛŋ na gba, baaŋ sɔ gbrɛ nɛ e bee tama fanɛ e kɔ na gba mo kutɔ.”

Baru lela nɛ Jɔn kute na 10:16

Ŋ kraa kɔ mbolpɔ ko nɛ a maŋ wɔ mbolpɔ ere to. A daga fanɛ m bar loŋ be mbolpɔ na gba nɛ amo alɛ gba e ba kaa nu ma ebɔl nɛ amo kikɛ e baa la kukoŋwule nsaa kɔ ekpapo koŋwule.

Baru lela nɛ Jɔn kute na 10:27

Ma mbolpɔ bee nu ma ebɔl nɛ n nyi bumo nɛ baa bɛ ma so.

Baru lela nɛ Jɔn kute na 5:25

Ma e kaŋɛ menyi kashenteŋto na fanɛ saŋko beeŋ ba fo, saŋɛ na teŋ fo gba fanɛ bubuni beeŋ nu ma, Ebɔrɛ Pibinyɛn na be ebɔl, ekama malɛ nɛ e nu kumo beeŋ nya ŋkpa a wɔtɔ.

Ashuŋ Shunso 17:11

Ndoŋebi bre daŋ bugi bumo be asoe a sha kenu kubɔya na ga nsaa koya abɔrɛsibɛ na kachɛ kama a keni ŋko Pɔɔl be mmalga na bɔla ekpa a.

2 Kɔrintebi 9:6

Men baa nyiŋi fanɛ esa kama nɛ e bee duu asɔ miiriso, beeŋ teŋi miiriso be asɔ nna nɛ esa kama malɛ nɛ e bee duu asɔ damaso beeŋ teŋi asɔ damaso nna.

Hibruwebi 2:1

Amoso, a daga fanɛ an ka bugi asoe to nɛnɛ n nu asɔ, nɛ an nu na, saŋɛ na so, an maaŋ firgi n foe ekpa n choŋ.

1 Pita 2:2

Men baa sha kashenteŋ be abɔrɛsheŋ na ga fanɛ kananɛ mbi popɔrbi bee sha kenyipo na, saŋɛ na so menyeeŋ bɔla amo so n yɔ anishito ashi men be kumɔlga ere to.

1 Jɔn 4:1

N teri shasoana, men sa maa yirda basa kama nɛ baa kaŋɛ fanɛ Ebɔrɛ be Kiyoyu wɔ bumo to. Men baa wora bumo a keni ŋko ayoyu mo nɛ b kɔ na shi Ebɔrɛ kutɔ nna ŋko a maŋ shi mo kutɔ, ŋkpal manɛ so, anebi fɛpo damtaana lar n luri durnya to.