Maak 3:29 - EBƆRƐ BE KAWƆL

²⁹ Ama ekama nɛ e malga ŋ gbiti Kiyoyu Cheeŋ na, mbe alubi na maŋ kɔ keyigempaŋ kikɛ, ŋkpal manɛ so, e wora kulubi mbaanaayɔ.”

Maak 3:29 ပူးပေါင်းရင်းမြစ်များ

Matiu 25:46

Kumo be kaman nɛ b yɔ kasogberge nɛ k maŋ kɔ ekar na to nɛ basa lela na malɛ e yɔ ŋkpa nɛ k maŋ kɔ ekar na to.”

Matiu 9:3

Nɛ mbraŋinipoana na be beko fara a fɛ bumo be ŋgbene to: “Kanyɛn ere bee malga a gbiti Ebɔrɛ nna na.”

Maak 12:40

Bumo e naa puni bekulpocheana a suge bumo be nwu nsaa ta kabɔrɛkule tenteŋ kebirkɔnshiso a kule Ebɔrɛ na. Ŋkpal le be asheŋ ere kikɛ so bumo be kasogberge beeŋ baa shi ga a chɔ ekama peya.”

Maak 3:30

Yesu daŋ kaŋɛ loŋ nna ŋkpal beko ka daŋ kaŋɛ fanɛ e kɔ kiyoyu lubi na so.

Luuk 12:10

Ekama nɛ e malga ŋ gbiti ma, Nyiŋgbasa Pibinyɛn beeŋ nya kumo be keyigempaŋ, ama ekama nɛ e malga ŋ gbiti Kiyoyu Cheeŋ na maaŋ nya kumo be loŋ be keyigempaŋ.

2 Tɛsalɔnikaebi 1:9

Baaŋ nya kemur be kasogberge mbaanaayɔ nɛ Ebɔrɛ e barga bumo ashi mo kutɔ nɛ mbe eleŋ be kemaŋkuragboŋ na to.

Juud 1:13

B du fanɛ teku so be atili lubi nna a shin nɛ bumo be anishinyɔr bee kaa fanɛ atili na be eyurpi. Bumo alɛ naa du fanɛ achɛkpabi mo nɛ a bee tia a tia ashi amo be mboŋana nna. Ebɔrɛ malɛ lɔŋɛ kakpa nna n yili bumo nɛ b ya kaa wɔ ndoŋ mbaanaayɔ ashi tentembiri mina to.

Juud 1:7

Men baa nyiŋi nde mo nɛ baa tre Sodɔm nɛ Gomɔra nɛ nde mo nɛ a daŋ taga amo to na gba be asheŋ. Ndoŋebi gba daa wora kesakalea be asheŋ nɛ alubi kama nɛ a maŋ daga dimɛdi ka wora nna. B wɔ edɛ mo nɛ a maa duŋ kikɛ na to nɛ k bee ŋini anyi kananɛ Ebɔrɛ beeŋ gberge bekama nɛ baa wora asheŋ fanɛ loŋ be basa na kusoe.