Maak 3:22 - EBƆRƐ BE KAWƆL

²² Mbraŋinipoana be beko nɛ b daŋ shi Jerusalɛm na daŋ ba kaŋɛ fanɛ: “E kɔ mbuibi lubi be ewura Biyɛlzibel mo to nna. Mo e naa sa mo eleŋ nɛ e kɔ a ju mbuibi lubi na.”

Maak 3:22 ပူးပေါင်းရင်းမြစ်များ

2 Bewura 1:2

Kachako nɛ Israɛl be efuli so be Ewura Ahaziya shi mbe laŋ be kuchoŋi be esoso ashi Samɛria be kade to n tɔrto nseŋ doro ga. Ŋkpal loŋ so e daŋ shuŋi mbɔ Ekrɔn be kade to nna fanɛ b ya bishi Filistiebi be kegbir nɛ baa tre Baalzebɔb na ŋ keni e beeŋ nya alenfia ŋko e maaŋ nya?

Nshɛ 22:6

Ama m maŋ naa du fanɛ dimɛdi. Ŋ ki fanɛ kushushombi nna nɛ basa bee keni ma jiga nsaa wora ma eyurto.

Matiu 10:25

Amoso, ekoyapo kama nɛ e fo mbe eŋinipo so, e shin nɛ loŋ e kukwe mo. Kenya kama malɛ nɛ e ba fo mo nyɛnpe so, e shin nɛ loŋ e kukwe mo. Nɛ basa baa tre kanaŋ ko to be enimu Alubipo Biyɛlzibel, kumo ere kanaŋ na to ebi bre beeŋ nya atre lubi nɛ a chɔ loŋ ai.”

Matiu 11:18

Men du fanɛ mbia ere nna, ŋkpal manɛ so, Jɔn ka ba kaa kishi, mo alɛ ŋkaa maa nuu nsa be yiri kikɛ nɛ ekama kaŋɛ le: ‘Kiyoyu lubi e wɔ mo to.’

Matiu 12:24

Efarisiana na ka nu loŋ nɛ b kaŋɛ: “Mbuibi lubiana be ewura Biyɛlzibel e naa sa mo eleŋ nɛ e kɔ a ju mbuibi lubiana na.”

Matiu 15:1

Kachako Efarisiana ko nɛ mbraŋinipoana ko shi Jerusalɛm m ba bishi Yesu le:

Matiu 9:34

Ama le nɛ Efarisiana na bre daŋ kaŋɛ: “Mbuibi lubiana be ewura e naa sa mo eleŋ nɛ e kɔ a ju mbuibi lubiana na.”

Maak 7:1

Kachako Efarisiana na nɛ mbraŋinipoana na be beko nɛ b daŋ shi Jerusalɛm m ba na daŋ ba shɛr ŋ kulti Yesu.

Luuk 11:15

Nɛ bumo be beko malɛ kaŋɛ: “Mbuibi lubiana be ewura Biyɛlzibel e naa sa mo eleŋ nɛ e kɔ a ju mbuibi lubiana na.”

Luuk 5:17

Kachako Yesu ka bee ŋini basa abɔrɛsheŋ nɛ Efarisiana nɛ mbraŋinipoana ko tase ndoŋ. Bumo kikɛ daŋ shi Galili nɛ Judiya be ndeana kikɛ nɛ Jerusalɛm be kade to nna m ba. Jemanɛ na gbagba nɛ Kiyoyu na wɔ Yesu to a sha nɛ e chɛ belɔpo.

Baru lela nɛ Jɔn kute na 10:22

B wɔtɔ loŋ nɛ bɔrɛlambu na be daŋkare be nshɛr ashi Jerusalɛm ya fo. Kumo be jemanɛ daa la awo to nna.

Baru lela nɛ Jɔn kute na 7:20

Ndoŋ nna nɛ jimaŋ na kaŋɛ mo le: “Fo kɔ kiyoyu lubi fo to. Wanɛ e naa sha kemɔ fo?”

Baru lela nɛ Jɔn kute na 8:48

Nɛ Juwebi na kaŋɛ mo: “Kashenteŋ nɛ an ji ŋ kaŋɛ fanɛ fo la Samɛrianyɛn nsaa kɔ kiyoyu lubi fo to na.”

Baru lela nɛ Jɔn kute na 8:52

Ndoŋ nna nɛ Juwebi na kaŋɛ: “To, naniere nɛ an pin fanɛ kiyoyu lubi e wɔ fo to kashenteŋto, ŋkpal manɛ so, Eebraham nɛ anebiana na kikɛ wu n wu, ama kumo nɛ fee kaŋɛ fanɛ nɛ esa baŋ ta fo kamalga na n wɔtɔ mbe kagbene to, e maaŋ wu na.