Maak 3:17 - EBƆRƐ BE KAWƆL

¹⁷ nɛ Jeems nɛ mo sipo Jɔn, Zɛbedi be mbia, ketre nɛ Yesu daŋ tre bumo e la Bowanɛɛjes, kumo be kifito e la Basa Brembreŋ,

Maak 3:17 ပူးပေါင်းရင်းမြစ်များ

Aizaaya 58:1

Enyɛnpe Ebɔrɛ yɛ: “Boŋ to awɔrso ga ŋ kaŋɛ ma basa Israɛlebi na bumo be alubi be asheŋ!

Jɛremaya 23:29

Ma mmalga du fanɛ edɛgboŋ gboŋi nna nseŋ naa du fanɛ kebɛlso gbɛgbɛso nɛ k bee bure ajembu to.

Matiu 4:21

E ka naŋ yɔ anishito nɛ e naŋ ya wu benyɛn anyɔ ko, Jeems nɛ mo sipo Jɔn, Zɛbedi be mbia. Bumo nɛ bumo tuto Zɛbedi e daa wɔ bumo be ekuloŋ to a lɔŋɛ bumo be ashewu to nɛ e tre bumo.

Maak 10:35

Kachako Jeems nɛ Jɔn, Zɛbedi be mbia ba Yesu kutɔ m ba kaŋɛ mo: “Eŋinipo, kusɔ ko nɛ anyee sha fo ka wora n sa anyi.”

Maak 14:33

Ndoŋ nna nɛ e keta Pita nɛ Jeems nɛ Jɔn n ti mbe kumu so n yɔ nɛ kagbenejija nɛ kafɔŋ tɔr mo so ga.

Maak 3:16

Saimɔn, emo nɛ Yesu nase Pita na

Maak 3:18

nɛ Andru nɛ Filip nɛ Baatɔlomiu nɛ Matiu nɛ Tɔmas nɛ Jeems, Alfias pibi nɛ Tadias nɛ Saimɔn, emo nɛ b daa tre Zɛlɔt na

Maak 5:37

E maŋ shin nɛ ekama bɛ mo so she Pita nɛ Jeems nɛ mo sipo Jɔn.

Maak 9:2

Asheŋ nɛ Yesu malga na be nchɛnshe be kaman nɛ e keta Pita nɛ Jeems nɛ Jɔn nɛ mo nɛ bumo nawule ya dii kebee jeŋgreŋ ko so n ya chena ndoŋ gbrɛbi. Ndoŋ nna nɛ e kilgi kanaŋ ko bumo be anishito.

Luuk 9:54

Mbe bebɛsopo Jeems nɛ Jɔn ka wu loŋ nɛ b bishi mo: “Enyɛnpe, fee sha fanɛ an kaŋɛ fanɛ edɛ e shi ebɔrɛso m ba mur bumo a?”

Baru lela nɛ Jɔn kute na 21:2

Kachako Saimɔn Pita nɛ Tɔmas, emo nɛ baa tre Kaborobi na, nɛ Nataniɛl nɛ e shi Keena nɛ k wɔ Galili na nɛ Zɛbedi be mbia anyɔ na nɛ bebɛsopo anyɔ ko daa la.

Ashuŋ Shunso 12:1

Jemanɛ ere so nɛ Ewura Hɛrɔd daŋ fara a tɔrɔ asɔriebi na be beko.

Hibruwebi 4:12

Ŋkpal manɛ so, Ebɔrɛ be kamalga na kɔ ŋkpa nɛ eleŋ nna a ji a chɔ tokobi jinnɔnyɔ. K bee tiŋ a ku a barga nfɛra nɛ kiyoyu to nseŋ naa tiŋ a barga awibichɛkpa nɛ nfɔ to, ŋ gbrɛ a tiŋ a ji basa be nfɛra to be asɔ shaso nɛ bumo be ŋgbene to be nfɛra fɛsoana demu.

Kelaraŋŋini 10:11

Ndoŋ nna nɛ b naŋ kaŋɛ ma le: “A daga fanɛ fo naŋ lɔŋɛ n wu abɔrɛsheŋ ŋ kaŋɛ basa damta nɛ efuliana so ebi damta nɛ ŋgbarana to ebi damta nɛ bewura damta be asheŋ.”