Maak 2:8 - EBƆRƐ BE KAWƆL

⁸ Epul to nɛ Yesu pin bumo be ŋgbene to be nfɛra na nseŋ bishi bumo: “Manɛ nna nɛ menyee fɛ le be nfɛra?

Maak 2:8 ပူးပေါင်းရင်းမြစ်များ

1 Kronikɛls 29:17

N nyi fo ka nyi ekama be kagbene. Ma nɛ ma basa nɛ b wɔ nfe ere kikɛ bugi ŋgbene kagbenefuliso nna m bar asɔ ere kikɛ m ba sa fo.

Nshɛ 139:2

Fo nyi jemanɛ nɛ mee wushi ŋko a shuŋ; n wɔ kufɔ a maŋ taga fo to gba fo nyi, fo nyi kusɔ nɛ k wɔ ma nfɛra to kikɛ.

Aŋasa 15:26

Enyɛnpe Ebɔrɛ na kishi nfɛra lubi ga, kamalga lela e naa fuli mo kagbene.

Aŋasa 24:9

Ewulpo be nfɛra fɛso kikɛ maŋ walɛ. Basa kishi ewulpo nɛ e bee wora basa eyur to ga.

Aizaaya 55:7

Kumu kpakpasowuraana, men lar menyi be asheŋ lubi to nseŋ chɛrga menyi be nfɛra lubi nɛ menyee fɛ na. Men bɛta m ba Enyɛnpe anyi be Ebɔrɛ na kutɔ, mo e la ewɔrwupo nsaa nya manaŋ a ta alubi a paŋ na.

Ezikɛl 38:10

Kusɔ nɛ Enyɛnpetale Ebɔrɛ na bee kaŋɛ Gɔg nde: “Jemanɛ na kaŋ fo, feeŋ fara a fɛ ŋkre lubi.

Matiu 12:15

Yesu ka pin bumo be jina na be asheŋ nɛ e lar ndoŋ nɛ basa damta ko bɛ mo so nɛ e chɛ bumo to be belɔpo kikɛ,

Matiu 16:7

Ndoŋ nna nɛ b fara a malga kumo be asheŋ a sa abar: “An ka maŋ bar bodobodo so nɛ e bee malga loŋ na.”

Matiu 9:4

Ndoŋ nna nɛ Yesu pin bumo be nfɛra na nseŋ bishi bumo:

Maak 2:7

“Manɛ e ba nɛ kanyɛn ere bee malga a gbiti Ebɔrɛ le? Nyiŋgbasa kikɛ maaŋ tiŋ n ta alubi m paŋ ama Ebɔrɛ nawule.”

Maak 2:9

Ma ketiŋ ŋ kaŋɛ eyurwusowura ere: ‘N ta fo alubi m paŋ fo,’ e du ma so kpakpa ŋko ma ketiŋ ŋ kaŋɛ: ‘Koso n ta fo kekpata n nite,’ e du ma so kpakpa?

Maak 7:21

ŋkpal manɛ so, esa be kagbene to nɛ nfɛra lubi nɛ a bee shin nɛ e bee luri kusɔ jigaya be kanyɛnsha nɛ kachesha to bee shi a lar.

Luuk 24:38

Nɛ e bishi bumo le: “Manɛ be kufu e kɔ menyi loŋ? Nɛ manɛ malɛ be nfɛra nɛ menyee fɛ menyi be ŋgbene to ere?

Luuk 5:22

Ndoŋ nna nɛ Yesu pin bumo be nfɛra na nseŋ bishi bumo: “Manɛ nna nɛ menyee fɛ le be nfɛra?

Luuk 6:8

Ama Yesu daa nyi bumo be nfɛra nseŋ kaŋɛ enɔwusowura na: “Koso m ba anishito nfe.” Nɛ kanyɛn na koso n yɔ ndoŋ.

Baru lela nɛ Jɔn kute na 21:17

Kela sasopo nɛ Yesu naŋ bishi Pita: “Saimɔn, Jɔn pibinyɛn fee sha ma a?” Ndoŋ nna nɛ Pita be kagbene jija mo, ŋkpal Yesu ka bishi kela sasopo fanɛ: “Fee sha ma?” Amoso, le nɛ e daŋ kaŋɛ Yesu: “Enyɛnpe, fo nyi kusɔ kama, fo nyi ŋ ka bee sha fo.” Nɛ Yesu kaŋɛ mo: “Baa keni ma mbolpɔ so.”

Baru lela nɛ Jɔn kute na 6:64

Ama menyi to be beko maŋ yirda.” Yesu daŋ kaŋɛ loŋ nna, ŋkpal manɛ so, sososo na kikɛ e daa nyi bumo nɛ b maŋ yirda nɛ emo nɛ e beeŋ debɔr mo.

Ashuŋ Shunso 5:3

Nɛ Pita bishi mo: “Ananiyas, manɛ e ba nɛ fo shin nɛ Setani ba fo kagbene to m ba shin nɛ fo lara fo kudɔ na be amansherbi nɛ fo nya na so nseŋ ta ade m ba nɛ fo ba fule Kiyoyu Cheeŋ na?

Ashuŋ Shunso 8:22

Amoso, lar le be nfɛra lubi ere to nseŋ kule Enyɛnpe na nɛ e ta fo nfɛra fɛso lubi ere m paŋ fo.

Hibruwebi 4:13

Kusɔ toso kikɛ maŋ wɔtɔ a ŋana Ebɔrɛ so. Kusɔ kikɛ nyam dii efuli nna n dese mbe anishito, mo alɛ nɛ anyi kikɛ beeŋ yili mbe anishito ŋ kaŋɛ mo ashuŋ nɛ an wora kikɛ nɛ kusɔ nɛ k ba nɛ an wora amo.

Kelaraŋŋini 2:23

Ma alɛ beeŋ naŋ shin nɛ mbe mbia e wu n wu nɛ asɔriana na kikɛ to ebi e pin fanɛ ma e la esa nɛ e bee mige ŋgbene nɛ nfɛraana to a wu amo to na. Ma alɛ beeŋ ka ekama be kusɔ nɛ e wora kikɛ be kukɔ.