Maak 2:22 - EBƆRƐ BE KAWƆL

²² Ekama malɛ maaŋ shuli n chulgi nsa popɔr n wɔtɔ nsa be asɔ dra to. Nɛ e wora loŋ, nsa na beeŋ shin nɛ asɔ na e pante nɛ amo kikɛ e jija. Kashenteŋto, nsa popɔr daga keluri asɔ popɔr to nna.”

Maak 2:22 ပူးပေါင်းရင်းမြစ်များ

Job be kawɔl 32:19

Nɛ m maŋ nya ekpa m malga, meeŋ pante fanɛ kasapuya nɛ k bɔlɔ nsa m pante na.

Nshɛ 119:80

Shin nɛ m baa sa fo mbraana bunyaŋ kashenteŋto, saŋɛ na so, m maaŋ ji anishinyɔr.

Nshɛ 119:83

M maaŋ naa kɔ tɔnɔ fanɛ yabra be kapuya bureso; ama ma alɛ kraa maŋ teŋ fo mbraana so.

Matiu 9:17

Ekama malɛ maaŋ shuli n chulgi nsa popɔr n wɔtɔ nsa be asɔ dra to. Nɛ e wora loŋ, asɔ na beeŋ pante n jija nɛ nsa na e wurge. Kashenteŋto, nsa popɔr daga asɔ popɔr to be keluri nna, saŋɛ na so asɔ na nɛ nsa na kikɛ maaŋ jija.”

Maak 2:21

Nɛ e naŋ kaŋɛ bumo le: “Basa maa kaa ku kechɛbi popɔr a tɛ kusɔbuuso dra. Nɛ b wora loŋ, kakpa nɛ b tɛ na beeŋ kpɛa to n lar kusɔbuuso dra na to n shin nɛ kemaŋ na e naaŋ kpalga to n ti so.

Maak 2:23

Ewushiachɛ ko Yesu nɛ mbe bebɛsopo ka na adurbi be ndɔ to a choŋ nɛ mbe bebɛsopo na fara a buri adurbi na be ako.

Joshuwa 9:13

Nsaturbi ere daa la apopɔr nna, ama naniere men keni kananɛ a ki adra. Anyi be asɔbuuso nɛ asɛbta gba kpɛa to nna ŋkpal an ka nite ekpa tenteŋ so.”

Joshuwa 9:4

nɛ b kre fanɛ baaŋ fule mo. Ndoŋ nna nɛ b ya fin ajibi n wɔtɔ ebɔtɛ kpɛatoso to ŋ kre n deŋi ekurma so nseŋ ta nsaturbi nɛ a bure nɛ b baa amo n ti so.