Maak 2:20 - EBƆRƐ BE KAWƆL

²⁰ Ama jemanɛ ko bee ba nɛ b lara kejafɔ mo kul na bumo to. Saŋɛ na so nawule nɛ baaŋ kishi.”

Maak 2:20 ပူးပေါင်းရင်းမြစ်များ

Nshɛ 45:11

Fo kela e shin nɛ ewura be kagbene pɛ fo ga na. Amoso baa sa mo bunyaŋ nsaa wora kusɔ kama nɛ e bee sha a sa mo.

Sɔlɔmɔn 3:11

Zayɔn be beche, men lar m ba keni ewura Sɔlɔmɔn ka buu kuwurwuro; kuwurwuro nɛ mo nio daŋ ta m buu mo mbe kejafɔ achɛ nɛ k shin nɛ mbe kagbene fuli mo ga na.

Aizaaya 54:5

Ŋkpal manɛ so menyi be etopo na beeŋ baa la fanɛ ekul n sa menyi. Mo e la Enyɛnpetale, Israɛl be Ebɔrɛ cheembi na. E beeŋ mɔlga menyi. Mo e naa ji kuwura durnya kikɛ so na.

Aizaaya 62:5

Kananɛ kabrantiɛbia bee wora kasuŋgurbia nɛ e maŋ nyi enyɛn kejafɔ a ta mo a ki mbe eche na nɛ Ebɔrɛ nɛ e to fo na gba beeŋ kre fo kejafɔ nɛ fo ki mbe eche. Kananɛ kejafɔ mo kul be kagbene bee fuli mbe kejafɔ so na, nɛ Ebɔrɛ gba be kagbene beeŋ baa fuli fo so.

Zakareya 13:7

Kede be kaman nɛ Enyɛnpetale Ebɔrɛ na kaŋɛ: “Tokobi, koso ŋ kɔ mbolpɔkpapo nɛ e bee shuŋ a sa ma na m mɔ mo nɛ mbolpɔ na e yeŋ to m pesaŋ to. Saŋɛ na so meeŋ nya ŋ kɔ ma basa.

Matiu 26:31

Nɛ Yesu kaŋɛ bumo le: “Kanyɛ ere menyi kikɛ beeŋ shile ŋ ŋana ŋkpal ma so, ŋkpal manɛ so, abɔrɛsibɛ na bee kaŋɛ fanɛ Ebɔrɛ kaŋɛ: ‘Meeŋ mɔ mbolpɔkpapo na nɛ mbe mbolpɔ na kikɛ e yeŋ to m pesaŋ to.’

Matiu 9:15

Nɛ Yesu bishi bumo: “Menyee sha fanɛ kejafɔ to be befɔ ka chena nɛ kagbenejija nna a? Akai, loŋ maŋ daga, ŋkpal manɛ so, kejafɔ mo kul wɔtɔ nna. Ama jemanɛ ko bee ba nɛ b lara kejafɔ mo kul na bumo to, saŋɛ na so nawule nɛ baaŋ kishi.”

Maak 2:19

Nɛ Yesu bishi bumo: “Menyee sha kejafɔ to be befɔ ka chena akoŋ nna a? Loŋ maŋ daga. Ŋkpal kejafɔ mo kul na so, akoŋ maaŋ mɔ bumo kikɛ.

Maak 2:21

Nɛ e naŋ kaŋɛ bumo le: “Basa maa kaa ku kechɛbi popɔr a tɛ kusɔbuuso dra. Nɛ b wora loŋ, kakpa nɛ b tɛ na beeŋ kpɛa to n lar kusɔbuuso dra na to n shin nɛ kemaŋ na e naaŋ kpalga to n ti so.

Luuk 17:22

Ndoŋ nna nɛ e kaŋɛ mbe bebɛsopo na le: “Kachako menyeeŋ yɛlga ma, Nyiŋgbasa Pibinyɛn be nchɛ be kukoŋwule, ama menyi alɛ maaŋ nya kumo n wu.

Luuk 5:35

Ama jemanɛ ko bee ba nɛ b lara kejafɔ mo kul na bumo to, saŋɛ na so nawule nɛ baaŋ kishi.”

Baru lela nɛ Jɔn kute na 12:8

Saŋkama menyi nɛ betirpo e naaŋ baa la, ama ma ere nɛ menyi maaŋ baa la saŋkama.”

Baru lela nɛ Jɔn kute na 13:33

Ma mbia, m maaŋ baa wɔ menyi kutɔ n chɛr. Menyeeŋ fin ma, ama fanɛ kananɛ ŋ kaŋɛ Juwebi na nɛ mee kaŋɛ menyi alɛ gba na fanɛ kakpa nɛ mee yɔ na, men maaŋ tiŋ m ba ndoŋ.

Baru lela nɛ Jɔn kute na 16:28

N Tuto na kutɔ nɛ n shi m ba durnya ere to, ma alɛ nseŋ naa lar durnya ere to a yɔ Etuto na kutɔ.”

Baru lela nɛ Jɔn kute na 16:7

Kashenteŋ malɛ nɛ mee kaŋɛ menyi na fanɛ menyi be kechɛto so nɛ mee yɔ na, ŋkpal manɛ so, nɛ m baa maŋ yɔ, Echɛtopo na maaŋ ba menyi kutɔ. Ama nɛ m baŋ yɔ bre, meeŋ shuŋi mo nɛ e ba menyi kutɔ.

Baru lela nɛ Jɔn kute na 17:11

To, naniere mee ba fo kutɔ nna na, a ka gbrɛbi nɛ n lar durnya to, ama bumo ere kraa wɔ durnya to nna. Etuto cheembi, ta fo ketre be eleŋ na a keni bumo so, ketre mo nɛ fo sa ma na nɛ n de na, saŋɛ na so baaŋ baa la kukoŋwule fanɛ kananɛ ma nɛ fo la kukoŋwule na.

Baru lela nɛ Jɔn kute na 17:13

Naniere mee ba fo kutɔ nna na, ama ma alɛ kraa wɔ durnya ere to nna nsaa kaŋɛ asheŋ ere kikɛ na, saŋɛ na so baaŋ nya kagbenefuli nɛ mee sa na m baŋ so.

Baru lela nɛ Jɔn kute na 3:29

Kejafɔ mo kul e wɔ eche nɛ baa kre kejafɔ na. Kejafɔ mo teri na bre bee kaa yil nna nseŋ kaŋ kusoe a jo saŋɛ nɛ e beeŋ nu mo teri kejafɔ mo kul na be ebɔl nɛ mbe kagbene e fuli mo ga. Le e naa shin nɛ kagbenefuli bee bɔlɔ ma alɛ gba to.

Ashuŋ Shunso 1:9

Yesu ka malga kesheŋ ere n loge nɛ Ebɔrɛ shin nɛ e fara a yɔ ebɔrɛso nɛ baa keni mo hale nɛ kuwɔlpa ko ya buu mo so nɛ b maŋ naŋ wu mo.

Ashuŋ Shunso 14:23

Asɔri kama to, b daa lara benimu nna a sa kumo to be basa nseŋ daa ta kabɔrɛkule nɛ ekishi a ta basa na kikɛ a bɔɔ Enyɛnpe nɛ bumo be yirda daa wɔ so na enɔ.

Ashuŋ Shunso 3:21

Ama e beeŋ baa wɔ ebɔrɛso hale nɛ saŋɛ nɛ Ebɔrɛ beeŋ shin nɛ asɔ kikɛ e ki apopɔr fanɛ kananɛ e shin nɛ mbe dra na be anebi cheembiana na kikɛ wu mbe asheŋ ŋ kaŋɛ fanɛ loŋ beeŋ wora na be jemanɛ e fo.

1 Kɔrintebi 7:5

Amoso, men sa maŋ kaa mɔn abar keche nɛ kenyɛn be kedi ashi men be kebaawɔtɔ to ama men baŋ yili kumo nna fanɛ men maaŋ ba abar so yili saŋko n ya fo saŋko ŋkpal men ka bee sha keta men be nfɛra n wɔtɔ kabɔrɛkule to so. Ama kumo be loŋ be kaman men naŋ ba abar so nɛ Setani e sa maŋ kaŋ nya ekpa n fule menyi nɛ men tɔr mbe kechɔŋkeni to ŋkpal men ka maaŋ tiŋ n nyiti so.

2 Kɔrintebi 11:2

Kashenteŋto, kasha be kayurbesa nɛ k du fanɛ Ebɔrɛ peya na nɛ ŋ kɔ a keni menyi so, ŋkpal manɛ so, men du fanɛ kasuŋgurbia nna nɛ n ta menyi n sa enyɛn mo nɛ e la Kristo na nɛ kachako nɛ n ta menyi cheembi m bɔɔ ekul koŋwule na enɔ.

2 Kɔrintebi 11:27

Saŋkikɛ ma nɛ kegben nɛ kebaawɔtɔ kpakpaso e wɔtɔ. Saŋɛ damta ma nɛ kadigal nna, akoŋ mɔ ma nɛ achukoŋ pɛ ma. Saŋɛ damta m maŋ kɔ ajibi nɛ n ji saŋko nɛ n dese awo to saŋko m maaŋ ba kɔ asɔbuuso.

2 Kɔrintebi 6:5

B daŋ kebri anyi n ti anyi ebu n shɛr agboso ŋ kulti anyi, an shuŋ m baŋ anyi be amu so ŋ gal edi nseŋ di akoŋ malɛ gba.

Kelaraŋŋini 19:7

Men shin nɛ anyi be ŋgbene e fuli anyi n dese nɛ an sa mo kemaŋkura. Ŋkpal manɛ so, Kpakpafɔlbi be kejafɔachɛ na fo nɛ mbe kejafɔ malɛ gba bela ase n loge.

Kelaraŋŋini 21:9

Ndoŋ nna nɛ emalaika ashunu mo nɛ b daa kɔ ntishaŋ ashunu nɛ a daŋ bɔlɔ lalaloge be etɔrɔ ashunu na be eko ba ŋ kutɔ m ba kaŋɛ ma le: “Ba nɛ ŋ ŋini fo kejafɔ na, Kpakpafɔlbi na be eche na.”