Maak 2:18 - EBƆRƐ BE KAWƆL

¹⁸ Jɔn kabɔrɛbɛrpo be bebɛsopo nɛ Efarisiana ka daa kishi nɛ basa ko ba Yesu kutɔ m ba bishi mo: “Manɛ e ba nɛ Jɔn kabɔrɛbɛrpo be bebɛsopo nɛ Efarisiana be bebɛsopo bee kaa kishi, nɛ fo ere be bebɛsopo maa kishi ere bre?”

Maak 2:18 ပူးပေါင်းရင်းမြစ်များ

Matiu 23:5

Bumo be asheŋ woraso kama to, basa nɛ baa sha fanɛ b wu bumo. Men keni kananɛ baa shin nɛ bumo be kabɔrɛkule be awulbi bee kpalga to loŋ nsaa shin nɛ bumo be nle malɛ be nnɔ bee shi a du jolijoli.

Matiu 6:16

Nɛ men baa kishi, men sa maa gbir kenishi to fanɛ kananɛ kebirkɔnshiwuraana na bee wora na, ŋkpal manɛ so, baa kaa chɛrga bumo be anishiakpaana nna nɛ basa e wu b ka bee kishi. Kashenteŋ nɛ mee kaŋɛ menyi na fanɛ b teŋ nya bumo be kechɔrɔ kikɛ.

Matiu 6:18

Saŋɛ na so basa maaŋ wu fanɛ men kishi she men Tuto nɛ basa maa wu na nawule, nɛ men Tuto Ebɔrɛ nɛ e bee wu kusɔ nɛ basa bee wora wulo to na e chɔrɔ menyi.

Maak 2:19

Nɛ Yesu bishi bumo: “Menyee sha kejafɔ to be befɔ ka chena akoŋ nna a? Loŋ maŋ daga. Ŋkpal kejafɔ mo kul na so, akoŋ maaŋ mɔ bumo kikɛ.

Luuk 18:12

Ela anyɔ nɛ mee kishi bɔkwe kama to nsaa lara ma kpanjawu to be kusɔ kama be kudukudusopo a ba bɔrɛlambu ere to.’

Romebi 10:3

Ŋkpal manɛ so, b maa pin ekpa nɛ Ebɔrɛ bee sha fanɛ b bɔla so na to nɛ bumo nɛ mo e nyalɛ nsaa wɔtɔ a bɔla bumo gbagba be aworbi be ekpaana so. Loŋ malɛ e naa ŋini fanɛ b maŋ ta bumo be amu m bɔɔ Ebɔrɛ enɔ nɛ e shin nɛ mo nɛ bumo e nyalɛ.