Maak 16:1 - EBƆRƐ BE KAWƆL

¹ Kewushiachɛ na be jemanɛ ka baŋ choŋ nɛ Mɛɛri Magdalin nɛ Jeems mo nio Mɛɛri nɛ Salomi tɔ etulale nɛ b ya gbiti Yesu.

Maak 16:1 ပူးပေါင်းရင်းမြစ်များ

Jɛnesis 50:2

Kumo be kaman nɛ Josɛf sa basa nɛ baa mɛa bubuni to a puli na ekpa fanɛ b gbiti mo tuto Jeekɔb be eyur kudur, nɛ k sa maŋ bɛ.

2 Kronikɛls 16:14

nɛ b ta mo n ya puli mo gbagba be kejembu laŋ be nchaŋ nɛ e shin nɛ b kur n nase mo ashi Jerusalɛm nɛ k wɔ Ewura Deevid be kade to na to. B daŋ ta efɛa belbelso be duwu nna nɛ etulale be ŋkuana n ya gbiti mbe kebuni pɔɛŋ n ta mo m puli, nseŋ puga edɛgboŋ mbe keelibuna n shu mbe keeli bunyanso.

Maak 14:3

Yesu ka daa wɔ Bɛtani a tase Saimɔn botipo pe a ji nɛ kache ko keta amansherbi damta be tulale dufɛso ko be kɔlba lelabi m ba luri. Ndoŋ nna nɛ e bure kɔlbabi na n chulgi tulale na n wurge Yesu be kumu so.

Maak 14:8

Kusɔ nɛ e beeŋ tiŋ nɛ e wora na. E chulgi tulale na nna n wurge ma eyur so nɛ e lɔŋɛ kumo n yili kepuliachɛ.

Maak 15:40

Beche ko gba daa yil ekarso a keni. Bumo to be beko e daa la Mɛɛri Magdalin nɛ Mɛɛri, Jeems kekarkarso nɛ Josɛf bumo nio nɛ Salomi.

Maak 15:42

Kaase ka fo, nɛ Arimatiya be Josɛf ba. E daa la Juwebi be nshɛrwuraana na to be ebunyampo nna nɛ mo alɛ daa jo Ebɔrɛ be kuwura na be keba.

Maak 15:47

Mɛɛri Magdalin nɛ Josɛf mo nio Mɛɛri daŋ pɛshɛ n wu kakpa nɛ b nase Yesu na.

Maak 16:2

Bɔkwe na be kachɛ juŋkparso e daa la. Chipurdidi, saŋɛ nɛ epeŋi bee pete na nɛ b daŋ yɔ nchaŋ na ase.

Maak 16:8

Nɛ beche na shile n lar nchaŋ na to manaŋ, ŋkpal manɛ so, kufu nɛ keyeŋiyeŋi daŋ pɛ bumo, amoso, b daa maŋ kaŋɛ esa kama shɛŋ ŋkpal kufu na so. [

Luuk 23:54

Kebelaseachɛ e daa la nɛ Kewushiachɛ na daa fara.

Luuk 23:56

Kumo be kaman nɛ b bɛta n yɔ epe n ya wora ŋku dufɛso nɛ etulale n yili. Kewushiachɛ ka fo nɛ b wushi m bɛ kusɔ nɛ mbra na bee kaŋɛ na so.

Luuk 24:1

Kewushiachɛ na ka ji ŋ klade be bɔkwe na be kachɛ juŋkparso be chipurdidi nɛ beche na ta ŋku dufɛsoana nɛ etulale nɛ b daŋ wora na n yɔ nchaŋ na akpa.

Baru lela nɛ Jɔn kute na 19:25

Yesu mo nio nɛ mo niokar nɛ Mɛɛri nɛ e daa la Kliopas be eche na nɛ Mɛɛri Magdalin daŋ ba yili nna n taga kedibi largato na to.

Baru lela nɛ Jɔn kute na 19:31

Kumo be kachɛ na daa la Kebelaseachɛ nna nɛ kumo be ŋklade malɛ daa la Kewushiachɛgboŋ ko. Ŋkpal Juwebi na malɛ ka daa maa sha basa nɛ b daŋ gbir m mata ndibi na so be eyurana na ka shir a wɔ ndibi largatoana na so ŋkpal kewushiachɛ na so, b daŋ ya kaŋɛ Pailat nna fanɛ e shin nɛ b buri m buri basa na be aya nseŋ lara n lara bumo be eyurana na ndibi largatoana na so.