Maak 15:3 - EBƆRƐ BE KAWƆL

³ Nɛ bɔrɛmatapowuraana na ji asheŋ damta n deŋi Yesu.

Maak 15:3 ပူးပေါင်းရင်းမြစ်များ

Nshɛ 38:14

Ŋ ki kpawu nna nɛ ma kɔnɔ maaŋ naŋ tiŋ n tuge shɛŋ.

Aizaaya 53:7

Awurfoŋ nɛ ebesa damta daŋ ba mo so, ama e daŋ lo to boeŋ nna, a maŋ fubel. E daŋ lo to fanɛ kpakpafɔlbi nɛ b gberge a yɔ nɛ b ya mɔ nna. Mo alɛ nseŋ daa du fanɛ kubolpɔ nɛ baa kuya kumo be afuibi nɛ k dese boeŋ nna, e maŋ wora shɛŋ.

Matiu 27:12

Ama bɔrɛmatapowuraana na nɛ benimuana na ka daa ji asheŋ a deŋi mo na bre, e daa maŋ tuge bumo.

Maak 15:2

Nɛ Pailat bishi mo: “Fo e la Juwebi be Ewura na a?” Nɛ Yesu shuli so ŋ kaŋɛ: “Loŋ gbagba nɛ fo yɛ na.”

Maak 15:4

Nɛ Pailat naŋ lɔŋɛ m bishi mo: “Fo maŋ kɔ shɛŋ a kaŋɛ nna a? Keni asheŋ damta nɛ baa ji a deŋi fo loŋ.”

Maak 15:5

Ama Yesu daa maŋ kaŋɛ mo shɛŋ. Nɛ k chinchiŋ Pailat ga.

Baru lela nɛ Jɔn kute na 19:12

Pailat ka nu kesheŋ na nɛ e wora ania nɛ e shin nɛ Yesu e nya mbe kumu a yɔ, ama Juwebi na daa maŋ shuli nsaa ponte a kaŋɛ le: “Fo baŋ shin nɛ kanyɛn ere nya mbe kumu n yɔ jiga, kumo ere mannɛ fo teri e la Ewurgboŋ Siza, ŋkpal manɛ so, esa kama nɛ e bee tre mbe kumu ewura bee kɔ Ewurgboŋ Siza be eleŋ nna na.”