Maak 14:72 - EBƆRƐ BE KAWƆL

⁷² Epul na to nɛ koshinyɛn boŋ kela nyɔsopo. Ndoŋ nna nɛ Pita nyiŋi kusɔ nɛ Yesu kaŋɛ fanɛ: “Pɔɛŋ nɛ koshinyɛn e boŋ ale anyɔ, feeŋ chɛ ale asa ŋ kaŋɛ fanɛ fo maŋ nyi ma na.” Nɛ e fara a shu.

Maak 14:72 ပူးပေါင်းရင်းမြစ်များ

2 Samuɛl 24:10

Ewura Deevid ka pin basa na b kananɛ b sa na nɛ mbe nfɛra fara a wɔl mo to nɛ e fɛ fanɛ e wora kulubi ŋ gbiti Ebɔrɛ nseŋ kaŋɛ le: “Kusɔ nɛ n wora ere bee ŋini nna fanɛ n wora kulubi gboŋgboŋi. Amoso ta m paŋ ma ŋkpal manɛ so n wora kawulisheŋ ga.”

Ezikɛl 16:63

Meeŋ ta fo alubi m paŋ fo, ama feeŋ baa nyiŋi amo nɛ nyɔmɔ e pɛ fo nɛ fo maaŋ naŋ tiŋ m bugi kɔnɔ. Ma, Enyɛnpetale Ebɔrɛ e kaŋɛ na.”

Ezikɛl 36:31

Ade kikɛ be kaman, menyeeŋ nyiŋi menyi be asheŋ woraso lubi nɛ a shin nɛ men gbagba e kishi menyi be amu ŋkpal kusɔ nɛ men wora so.

Ezikɛl 7:16

Bekama nɛ baaŋ ji efute na malɛ beeŋ shile n yɔ abee so fanɛ kufu ka pɛ elepɔ nɛ a firgi n shi ketaŋɛ to n yɔ kebee so na. Ndoŋ nɛ baaŋ ya shu ŋkpal bumo be alubi so.

Matiu 26:34

Nɛ Yesu kaŋɛ mo le: “Kashenteŋ nɛ mee kaŋɛ fo na fanɛ pɔɛŋ nɛ koshinyɛn e boŋ kanyɛ ere feeŋ chɛ ale asa ŋ kaŋɛ fanɛ fo maŋ nyi ma.”

Maak 14:30

Nɛ Yesu kaŋɛ mo le: “Kashenteŋ nɛ mee kaŋɛ fo na fanɛ pɔɛŋ nɛ koshinyɛn e boŋ ale anyɔ kanyɛ ere, feeŋ chɛ ale asa ŋ kaŋɛ fanɛ fo maŋ nyi ma.”

Maak 14:68

Nɛ Pita chɛ kumo ŋ kaŋɛ: “Ma ere maŋ nyi ŋko m pin fo kamalga ere be kifito.” Kumo be kaman nɛ e koso n yɔ laŋ na be kabuna to. Epul na to nɛ koshi boŋ.

Maak 14:71

Ndoŋ nna nɛ Pita bɔ ntaŋ n deŋi mbe kumu nseŋ kaŋɛ: “M maŋ nyi kanyɛn mo nɛ menyee malga mbe asheŋ ere kuraa.”

Luuk 22:60

Nɛ Pita kaŋɛ le: “Kanyɛn manɛ, ma ere maŋ pin kusɔ nɛ fee malga ere gba to.” E kraa malga nna nɛ koshinyɛn boŋ epul na to.

Luuk 22:62

Ndoŋ nna nɛ e lar kowu n ya shu ga.

2 Kɔrintebi 7:10

Ŋkpal manɛ so, kagbenejija mo nɛ k bee par Ebɔrɛ bee bar kagbenechɛrga nna a yɛr esa kumɔlga to, k maa bar ‘n daa nyi’. Ama durnya ere to be kagbenejija bre bee bar luwu nna.