Maak 14:65 - EBƆRƐ BE KAWƆL

⁶⁵ Nɛ bumo be beko fara a tuu echɔl a fea Yesu n wora mo kebuumbuuanishi nsaa ŋmɛa mo a kaŋɛ: “Pin esa nɛ e ŋmɛa fo ere.” Nɛ bekumpo na pɛ mo ŋ kpa mo etaŋ.

Maak 14:65 ပူးပေါင်းရင်းမြစ်များ

2 Kronikɛls 18:23

Ndoŋ nna nɛ Anebi Zɛdikaya yɔ Mikaya kutɔ n ya kpa mo etaŋ anishito m bishi mo le: “Saŋɛ mo nɛ Enyɛnpe Ebɔrɛ be kiyoyu yige ma n ya malga fo kutɔ?”

Ɛsta 7:8

Ewura na ka shi kelɔnɛ na so m bɛta a ba ebu na to nɛ e wu Heman ka jɔŋɛ ŋ gbasa Ɛsta be kuwurputi a kule mo kenishipereso fanɛ e chɛ mo to. Ewura na ka wu loŋ nɛ e ponte ŋ kaŋɛ le: “Kanyɛn ere bee sha kepur ma eche ere ma anishito nna ashi ewurkpa nfe a?” Ewura na maŋ naŋ malga n loge gba nɛ mbe nyɛrbi ba nyaŋ Heman ŋ gberge mo ashi ewurche na kutɔ.

Job be kawɔl 30:10

B ta ma fanɛ kejijɛ be esa nna, a fɛ fanɛ b walɛ so nna a chɔ ma. Baa kaa yili ma anishito a tu echɔl gba nna.

Aizaaya 50:6

Ŋ kilgi ma kaman nna n sa basa, nɛ baa beri, nseŋ kilgi ma ketaya n sa bumo, nɛ baa tia ma katɔl be afuibi. Ma alɛ maŋ kaŋɛ basa nɛ baa tege ma nsaa tu echɔl a wɔtɔ ma anishi to na fanɛ b yige.

Aizaaya 52:14

Basa damta nɛ b wu mo be nnɔ daŋ mɔ bumo nna. Mbe kayurwule daŋ chɛrga nna ŋkpal awurfoŋ nɛ e ji so; e daŋ maŋ naŋ duli dimɛdi gba kuraa.

Aizaaya 53:3

Ekama daŋ keni mo jiga nna nseŋ kini mo n lɛ. Kagbenejija nɛ ebesa damta e daŋ bɔlɔ mo to, nɛ mo alɛ ji kanyiti nseŋ sɔ amo kikɛ n deŋi mbe kumu so. Ekama daa maa sha kewu mo kenishiso gba. B daŋ wu mo nna fanɛ esa jiga.

Maika 5:1

Jerusalɛmebi, men gama men be benapo abar so n wora shiriya, ŋkpal manɛ so, bedoŋ kulti anyi nna n wɔtɔ! Baa fin kekɔ Israɛlebi be ewura kena ŋ ŋe mbe ketaya kedibi nna.

Nɔmbɛs 12:14

Ndoŋ nna nɛ Enyɛnpe Ebɔrɛ kaŋɛ Mosis le: “Nɛ fanɛ mo tuto e daŋ n tuu echɔl n fɛa mbe anishito, nchɛ ashunu nɛ kumo be anishinyɔr maŋ kraa kɔ mo a? Amoso, ju mo ashi keeyi na to n ya fo nchɛ ashunu pɔɛŋ nɛ e naŋ bɛta m ba ndoŋ.”

Matiu 27:30

Kumo be kaman nɛ b tuu echɔl n fea mo nseŋ ta kekpabi ŋ ŋmɛa mbe kumu.

Maak 10:34

nseŋ kilgi n ta ma m bɔɔ nnyamase enɔ. Nɛ bumo alɛ e wora ma eyurto n tuu echɔl n fea ma ŋ kuya ma so nseŋ mɔ ma. Ama kumo be nchɛ asa to meeŋ tiŋi luwu na to.”

Maak 15:19

Nɛ b ta kedibi ŋ ŋmɛa mbe kumu n tuu echɔl n fea mo nseŋ gbir mbe anishito m bunyaŋ mo.

Baru lela nɛ Jɔn kute na 18:22

Yesu ka malga le ere n loge nɛ bekumpo nɛ b daa yil ndoŋ na be eko kpa mo etaŋ nseŋ bishi mo le: “Le nɛ baa malga bɔrɛmatapo nimuso kutɔ a?”

Baru lela nɛ Jɔn kute na 19:3

nsaa yɔ a yɔ mo kutɔ n ya kaa kaŋɛ mo le: “Ebɔrɛ e sa Juwebi be Ewura na ŋkpa tenteŋ,” nseŋ kpa ŋ kpa mo etaŋ.

Ashuŋ Shunso 23:2

Ndoŋ nna nɛ bɔrɛmatapo nimuso Ananiyas shin nɛ basa nɛ b daŋ yili n taga to Pɔɔl na ŋmɛa Pɔɔl be kɔnɔ.

Hibruwebi 12:2

Men shin nɛ an ta anyi be anishi n yuu Yesu nɛ e la anyi be yirda ere be ejuŋkparpo nɛ esa nɛ e bee shin nɛ yirda bee yili to nɛnɛ a fo kumo be ekar na so. Mo e daŋ kpal kachako so be kagbenefuli mo nɛ k jo mo na so a maŋ ta kewu kedibi largato so be luwu na n tre shɛŋ nseŋ ji kumo nseŋ ya kaa tase Ebɔrɛ be kuwurputi be jisoso na.