Maak 14:35 - EBƆRƐ BE KAWƆL

³⁵ Ndoŋ nna nɛ e yɔ anishito gbrɛbi n ya gbir kasawule nseŋ kule Ebɔrɛ fanɛ, nɛ ekpa wɔtɔ, Ebɔrɛ e ta awurfoŋ na ashi mo so.

Maak 14:35 ပူးပေါင်းရင်းမြစ်များ

Jɛnesis 17:3

Ndoŋ nna nɛ Eebram gbir ŋ kurgi kumu n yuu. E ka wora loŋ na nɛ Ebɔrɛ kaŋɛ le:

2 Kronikɛls 7:3

Israɛlebi na kikɛ ka wu edɛ na ka shi esoso m ba sɔ bɔrɛlambu na kikɛ to na, nɛ b gbir m bunyaŋ Ebɔrɛ a di mo epaŋ ŋkpal mbe kelela nɛ mbe kasha nɛ k wɔtɔ mbaanaayɔ so.

Matiu 26:39

Ndoŋ nna nɛ e yɔ anishito gbrɛbi n ya gbir n kur kumu n yuu nseŋ kule Ebɔrɛ ŋ kaŋɛ le: “N Tuto, nɛ ekpa wɔtɔ, fo ta awurfoŋ ere ashi ma so, ama mannɛ ma keparso, shin nɛ k baa la feya.”

Matiu 26:45

Kumo be kaman nɛ e naŋ bɛta n yɔ bebɛsopo na kutɔ n ya bishi bumo le: “Men kraa di nna a wushi a? Men keni, saŋɛ na taga to nɛ b debɔr ma, Nyiŋgbasa Pibinyɛn na n ta ma m bɔɔ alubiworapoana enɔ.

Maak 14:41

E ka naŋ bɛta m ba kela sasopo to nɛ e bishi bumo le: “Men kraa di nna a wushi a? A kukwe, saŋɛ na fo nɛ b debɔr ma, Nyiŋgbasa Pibinyɛn na n ta ma m bɔɔ alubiworapoana enɔ.

Luuk 22:41

Ndoŋ nɛ e yige bumo nseŋ yɔ anishito gbrɛ n ya gbir ŋ kule Ebɔrɛ ŋ kaŋɛ le:

Baru lela nɛ Jɔn kute na 12:23

Nɛ Yesu kaŋɛ bumo le: “Naniere bre jemanɛ nɛ ma, Nyiŋgbasa Pibinyɛn beeŋ nya kemaŋkura na fo.

Ditɛronɔmi 9:18

Ndoŋ nna nɛ n ta enɔ m buu anishi so ŋ kurgi kumu n yuu to nseŋ kule Enyɛnpe Ebɔrɛ na. Nchɛ adena nɛ nnyɛ adena nɛ m maa ji ŋko a nuu. Ma alɛ daŋ wora le nna ŋkpal men nananyɛnana ka wora kulubi n da Enyɛnpe Ebɔrɛ na so nɛ e nya agbo na so.

Hibruwebi 5:7

Yesu ka daa wɔ ŋkpa to durnya ere to na e daa ta kushu nɛ anishichubi nna a wɔ kabɔrɛkule to nseŋ daa kaŋɛ Ebɔrɛ nɛ e daa beeŋ tiŋ m mɔlga mo ashi luwu to na mbe asheŋ tirso. Ebɔrɛ malɛ daŋ nu mbe kekule na ŋkpal mbe kabɔrɛŋana so.

Kelaraŋŋini 4:10

Bejuŋkparpo adunyɔ nɛ ana na bee jɔŋɛ esa nɛ e tase kuwurputi so na nna nseŋ bunyaŋ mo koŋwule nɛ e wɔ ŋkpa to mbaanaayɔ na. Baa bugi bumo be nwurwuro nna a nase kuwurputi na be anishito nsaa kaŋɛ le:

Kelaraŋŋini 5:14

Ndoŋ nna nɛ asɔbɔya keniso ana na kikɛ shuli ŋ kaŋɛ: “Amɛn.” Nɛ bejuŋkparpoana na gbir n dese kasawule m maŋ mo so.