Maak 14:21 - EBƆRƐ BE KAWƆL

²¹ Ma, Nyiŋgbasa Pibinyɛn beeŋ yɔ luwu to fanɛ kananɛ b sibɛ n nase abɔrɛsibɛ na to na, ama asheŋ maaŋ nyalɛ n sa emo nɛ e beeŋ debɔr ma, Nyiŋgbasa Pibinyɛn na kikɛ. Nɛ b daa maŋ kurge loŋ be esa gba, k daa beeŋ baa bɔ mo so.”

Maak 14:21 ပူးပေါင်းရင်းမြစ်များ

Jɛnesis 3:15

Ma alɛ beeŋ ta kedoŋ n wɔtɔ fo nɛ eche na be nferinto nseŋ naŋ ta kedoŋ n wɔtɔ fo pibi nɛ eche na be kebia to. Eche na be kebia na beeŋ baa bɛa fo kumu to nɛ fo alɛ e baa duŋ mbe kenaŋkuŋ.”

Nshɛ 55:15

Alubi e naa ji bekama nɛ b kishi ma na so eleŋ. Amoso shin nɛ luwu e purgi bumo nɛ b yɔ nchaŋ to nɛ b kraa keni.

Aizaaya 52:14

Basa damta nɛ b wu mo be nnɔ daŋ mɔ bumo nna. Mbe kayurwule daŋ chɛrga nna ŋkpal awurfoŋ nɛ e ji so; e daŋ maŋ naŋ duli dimɛdi gba kuraa.

Danɛl 9:24

Nfɛ adushushunu be ntuŋ shunu e naŋ fo pɔɛŋ nɛ Ebɔrɛ e mɔlga fo basa nɛ kadegboŋ cheembi na ashi kulubi to. Baaŋ nya alubi be ketampaŋ nsaa ji asheŋ nɛ amo be ekpa so mbaanaayɔ; saŋɛ na so bɔrɛdare na nɛ kewuŋkaŋɛ na beeŋ bɔlɔ so kashenteŋto nɛ b naŋ laŋɛ n ta bɔrɛlambu cheembi na m bɔɔ Ebɔrɛ enɔ.

Danɛl 9:26

Loŋ be saŋɛ na kaŋ ya ka fo ekar, baaŋ mɔ Ebɔrɛ be ejuŋkparpo laraso na. Ejuŋkparpo lempo ko be benapo nɛ baa kɔ a sɔ nde na beeŋ ba mur kadegboŋ na nɛ bɔrɛlambu na kikɛ fanɛ kananɛ nchu bee bɔlɔ a mur kusɔ kama na. Kena malɛ nɛ asɔ be kejija beeŋ baa wɔtɔ nna hale n ya fo Ebɔrɛ be kepar be saŋɛ.

Zakareya 13:7

Kede be kaman nɛ Enyɛnpetale Ebɔrɛ na kaŋɛ: “Tokobi, koso ŋ kɔ mbolpɔkpapo nɛ e bee shuŋ a sa ma na m mɔ mo nɛ mbolpɔ na e yeŋ to m pesaŋ to. Saŋɛ na so meeŋ nya ŋ kɔ ma basa.

Matiu 26:54

Ama nɛ loŋ wora, nuso nɛ k beeŋ wora nɛ abɔrɛsibɛ nɛ a bee kaŋɛ fanɛ asheŋ ere e wora le na e bɔla ekpa?”

Matiu 26:56

Ama asheŋ ere kikɛ wora nna nɛ kusɔ nɛ anebiana na sibɛ na e bɔlɔ so.” Ndoŋ nna nɛ bebɛsopo na kikɛ shile ŋ ka mo.

Maak 14:20

Nɛ Yesu kaŋɛ: “K la menyi kuduanyɔ ere to be eko nna, emo nɛ ma nɛ mo bee ta bodobodo a bɔ enɔ a wɔtɔ kawie koŋwule to a ji ere.

Maak 14:22

B ka bee ji na nɛ Yesu ta bodobodo na n nɛfa kumo nseŋ bu kumo to n ta n sa mbe bebɛsopo nseŋ kaŋɛ: “Men ta n we, ma eyur nna na.”

Maak 14:49

Ama a daga fanɛ abɔrɛsibɛ na ka bɔla.”

Luuk 22:22

Ma, Nyiŋgbasa Pibinyɛn bee yɔ luwu to fanɛ kananɛ b nase kumo abɔrɛsibɛ na to na, ama asheŋ maaŋ nyalɛ n sa emo nɛ e beeŋ debɔr ma na kikɛ.”

Luuk 24:44

Kumo be kaman nɛ e kaŋɛ bumo le: “Asheŋ ere kikɛ nɛ n daŋ kaŋɛ menyi saŋɛ nɛ ma nɛ menyi daŋ kraa wɔtɔ na fanɛ ma asheŋ nɛ a wɔ Mosis be abɔrɛsibɛ to nɛ anebiana na kikɛ peyaana to nɛ Nshɛ to na kikɛ daga kebɔla ekpa na.”

Baru lela nɛ Jɔn kute na 19:28

Asheŋ ere kikɛ ka wora n choŋ nɛ Yesu pin loŋ nsaa sha fanɛ abɔrɛsibɛ na e bɔlɔ so nɛ e kaŋɛ le: “Achukoŋ kɔ ma.”

Ashuŋ Shunso 1:25

nɛ e baa la fo eshuŋipo a shuŋ kushuŋ nɛ Judas daa shuŋ nseŋ yige kumo n yɔ kakpa nɛ k daga mo na.”

Ashuŋ Shunso 2:23

Ebɔrɛ gbagba be kasha nɛ kashennyi so nɛ e daŋ yili kumo saŋɛ na kikɛ fanɛ baaŋ ta Yesu m bɔɔ menyi enɔ. Menyi shin nɛ basa lubi gbir mo m mata kedibi largato so m mɔ.

Ashuŋ Shunso 4:27

Kumo alɛ kashenteŋ nna, ŋkpal manɛ so, Hɛrɔd nɛ Pɔnshes Pailat nɛ nnyamase nɛ Israɛlebi daŋ shɛr kadegboŋ ere to ŋ kre Yesu nɛ e la fo Ebɔrɛ be Kenya cheembi nseŋ naa la emo nɛ fo lara fanɛ e baa la Kristo na be nia.