Maak 13:6 - EBƆRƐ BE KAWƆL

⁶ Ŋkpal manɛ so, basa damta beeŋ ba kaa kɔ ma ketre a na a kaŋɛ: ‘Ma e la mo!’ Nseŋ fule basa damta.

Maak 13:6 ပူးပေါင်းရင်းမြစ်များ

Jɛremaya 14:14

Ama kusɔ nɛ Enyɛnpe Ebɔrɛ na kaŋɛ nde: “Efɛ nɛ anebiana na bee ku a deŋi ma. Ma ere maŋ shuŋi bumo ŋko m malga kamalga koŋwule gba n sa bumo. Ebɔrɛdare nɛ baa malga amo be asheŋ na maŋ shi ma kutɔ nɛ asheŋ nɛ baa wu a kaŋɛ na la asheŋ fuloŋ nna. Bumo gbagba be nfɛra to nɛ baa nya amo.

Matiu 24:11

Nɛ anebi fɛpoana damta e lar n fule basa damta.

Matiu 24:5

Ŋkpal manɛ so, basa damta beeŋ ba kaa kɔ ma ketre a na a kaŋɛ le: ‘Ma e la Ebɔrɛ be esa laraso Kristo na,’ nseŋ fule basa damta.

Maak 13:22

Ŋkpal manɛ so, befɛpo nɛ baa tre bumo be amu Kristo na nɛ anebi fɛpoana beeŋ lar n wora eleŋ be etɔɔnɛsheŋ nɛ emamachisheŋ damta n fule Ebɔrɛ be basa laraso nɛ baaŋ tiŋ nna na.

Maak 13:5

Nɛ Yesu fara a ŋini bumo: Men baa da so, nɛ esa kikɛ e sa maŋ fule menyi.

Maak 13:7

Nɛ men kaŋ ba kaa nu fanɛ basa bee kɔ abar ana nseŋ naa nu fanɛ basa beeŋ kɔ abar ana, men sa maŋ shin nɛ menyi be ŋgbene e baa ku menyi, ŋkpal manɛ so, a daga loŋ be asheŋ na ka wora, ama lalaloge be jemanɛ na maŋ naŋ fo pɔɛŋ.

Baru lela nɛ Jɔn kute na 5:43

N Tuto be ketre nɛ n ta m ba nɛ men kini ma na, ama nɛ esa pɔtɛ ko baŋ ta mo gbagba be eleŋ m ba, menyeeŋ sɔ amodoŋwura na.

Baru lela nɛ Jɔn kute na 8:24

Amoso nɛ ŋ kaŋɛ menyi fanɛ menyeeŋ wu menyi be alubi to na. Menyi alɛ baa maŋ yirda fanɛ ma e la esa nɛ ŋ kaŋɛ fanɛ n la ere, menyeeŋ wu menyi be alubi to.”

Baru lela nɛ Jɔn kute na 8:28

Amoso, le nɛ Yesu daŋ kaŋɛ bumo: “Men kaŋ maŋ ma, Nyiŋgbasa Pibinyɛn so m mata kedibi so na, menyeeŋ pin esa nɛ ŋ kaŋɛ fanɛ n la ere, kumo alɛ be saŋɛ na so nɛ menyeeŋ pin fanɛ m maa wora shɛŋ ma kumu so, asɔ nɛ Etuto na bee ŋini ma nawule nɛ mee malga.

1 Jɔn 4:1

N teri shasoana, men sa maa yirda basa kama nɛ baa kaŋɛ fanɛ Ebɔrɛ be Kiyoyu wɔ bumo to. Men baa wora bumo a keni ŋko ayoyu mo nɛ b kɔ na shi Ebɔrɛ kutɔ nna ŋko a maŋ shi mo kutɔ, ŋkpal manɛ so, anebi fɛpo damtaana lar n luri durnya to.