Maak 13:11 - EBƆRƐ BE KAWƆL

¹¹ Nɛ b baa yɛr menyi demujikpa nɛ b ya bɔɔ demujipo enɔ, men sa maŋ fara a fɔŋ kusɔ nɛ menyeeŋ ya kaŋɛ so. Ama kumo be jemanɛ na ya fo, men kaŋɛ kusɔ nɛ k ba menyi be nnɔ to, ŋkpal manɛ so, mmalga nɛ menyeeŋ nya na maaŋ baa la menyeya, a beeŋ baa shi Kiyoyu Cheeŋ na kutɔ nna.

Maak 13:11 ပူးပေါင်းရင်းမြစ်များ

2 Samuɛl 23:2

Enyɛnpe Ebɔrɛ be kiyoyu na e naa kaŋɛ ma kusɔ nɛ meeŋ malga.

Aizaaya 50:4

Enyɛnpetale Ebɔrɛ na e ŋini ma kusɔ nɛ meeŋ kaŋɛ n leŋ esa nɛ e gben a chul to nsaa maaŋ naŋ tiŋ n wora shɛŋ na to. Mo e naa shin nɛ mee yɛla kenishi to kachipurso kikɛ a fin kenu kusɔ nɛ e kɔ nɛ e ŋini ma na.

Matiu 10:17

Men baa de edimɛdi so, ŋkpal manɛ so, baaŋ pɛ menyi n yɔ demujikpa n ya kuya menyi so ashi bumo be nshɛrbuana to.

Maak 13:12

Basa beeŋ ta bumo niopibiana gbagba n sa nɛ b mɔ nɛ betuto e wora bumo be bibi loŋ, mbia beeŋ wu bumo nioana nɛ bumo tutoana kedoŋ n ta bumo n sa nɛ b mɔ.

Maak 13:9

Men baa de menyi be amu so, ŋkpal manɛ so, basa beeŋ pɛ menyi n yɔ demujikpa n ya kuya menyi so ashi nshɛrbuana to. Baaŋ shin nɛ men yili bewurbi nɛ bewurgboŋ be anishito ŋkpal ma so nɛ men ji ma asheŋ be shɛda n sa bumo.

Luuk 21:12

Ama pɔɛŋ nɛ le be asheŋ malɛ kikɛ e wora, basa beeŋ pɛ menyi n tɔrɔ menyi a ta menyi a bɔɔ nshɛrbuana to be benimuana enɔ nsaa ti menyi ebuana. Basa beeŋ kpal ma ketre so n yɛr menyi bewurgboŋana nɛ egomena be anishito.

Baru lela nɛ Jɔn kute na 3:27

Nɛ Jɔn kaŋɛ bumo: “Nyiŋgbasa maaŋ tiŋ n nya shɛŋ mo gbagba be kumu so ama Ebɔrɛ e baŋ sa mo kumo.

Ashuŋ Shunso 2:4

Nɛ Kiyoyu Cheeŋ na ba bɔlɔ bumo kikɛ to nɛ b fara a gbar ŋgbar nɛ bumo gbagba maa nu kanaŋkamaso nɛ Kiyoyu na daŋ shin nɛ b malga.

Ashuŋ Shunso 3:13

An nananyɛnana Eebraham nɛ Aizek nɛ Jeekɔb nɛ anyi be kanaŋ to ebi kikɛ be Ebɔrɛ na e sa mbe Kenya Yesu kemaŋkura. Mo nɛ men daŋ ta m bɔɔ belempo enɔ nseŋ kini mo Pailat be anishito, saŋɛ nɛ Pailat gbagba daa sha keyige mo na.

Ashuŋ Shunso 4:31

B ka loge bumo be kabɔrɛkule na nɛ bumo be nshɛrkpa na kikɛ fara a gbuŋgbuŋ to nɛ Kiyoyu Cheeŋ na luri m bɔlɔ bumo kikɛ to nɛ b fara a bɔ Ebɔrɛ be kubɔya na kenyɛnso a sa basa.

Ashuŋ Shunso 6:10

Ama b daa maŋ tiŋ n ji m bri mo ŋkpal eleŋgboŋ nɛ Kiyoyu Cheeŋ na daŋ sa mo nɛ e malga so.

Ashuŋ Shunso 6:15

Nshɛrwuraana nɛ b daa tase nshɛr na to na kikɛ daŋ ta bumo be anishi nna n yuu Stiven so n wu mbe anishiakpa ka du fanɛ malaika peya.

Ashuŋ Shunso 7:55

Nɛ Kiyoyu Cheeŋ na luri m bɔlɔ Stiven to nɛ e maŋ kumu so ŋ keni ebɔrɛso n wu Ebɔrɛ be kemaŋkura nɛ Yesu yil Ebɔrɛ be jisoso, ebunyampo be kakpa.

1 Kɔrintebi 2:13

Amoso, anyi maa malga mmalga mo nɛ edimɛdi ta bumo be kanyiasheŋ ŋ ŋini. Mmalga mo nɛ Kiyoyu na ŋini nɛ an kɔ a bugi Kiyoyu na to be nshenteŋ a sa basa nɛ b kɔ Kiyoyu na.

Ɛfesesebi 3:5

Saŋɛ na be esa kikɛ daa maŋ nyi le be wulo be kesheŋ nɛ e bɔla Kiyoyu na to m bugi to ŋ ŋini mbe beshuŋipo cheembiana nɛ mbe anebiana ere.

Jeems 1:5

Ama menyi to be ekama nɛ e maŋ kɔ kanyiasheŋ nsaa pin kusɔ nɛ e beeŋ wora a gben, amodoŋwura e kule Ebɔrɛ nɛ e chɛ mo to, ŋkpal manɛ so, Ebɔrɛ e naa bugi kagbene a sa basa asɔ nsaa maa bishi bumo nnɔ. Amoso, fo kama nɛ fo kule mo kanyiasheŋ, fo maaŋ paŋ kumo.

1 Pita 1:12

Ebɔrɛ daŋ lara nna ŋ ŋini anebiana na fanɛ mannɛ bumo gbagba so nɛ b daa shuŋ, ama menyi so nɛ b daŋ shuŋ fanɛ kananɛ b daŋ malga asheŋ nɛ naniere menyee nu Baru Lela na be mbɔ ka kɔ Kiyoyu Cheeŋ nɛ b shi ebɔrɛso n shuŋi na be eleŋ a bɔ kubɔya na. Le be asheŋ ere la asɔ nɛ emalaika gba daa beeŋ baa sha kepinto nna.