Maak 12:6 - EBƆRƐ BE KAWƆL

⁶ Emo nɛ e daŋ ka nɛ e shuŋi e daa la mo pibi shaso gbagba. Kachako nɛ e ba shuŋi mo pibinyɛn na paawuraana na kutɔ nseŋ kaŋɛ mbe kumu: ‘M pibinyɛn ere bre, baaŋ bunyaŋ mo.’

Maak 12:6 ပူးပေါင်းရင်းမြစ်များ

Jɛnesis 22:12

Nɛ malaika na kaŋɛ: “Sa maŋ kaŋ mɔ kebia na. Naniere m pin fo ka bee sha ma Ebɔrɛ, ŋkpal manɛ so, fo maŋ mɔn ma fo pibinyɛn koŋwule nɛ fee sha ga na.”

Jɛnesis 22:2

Nɛ Ebɔrɛ kaŋɛ mo: “Ta fo pibinyɛn koŋwule Aizek nɛ fee sha ga na n yɔ Moriya be kasawule so n ya mɔ mo n chɔɔ n lara sarga n sa ma ashi abee na be kumo nɛ meeŋ ŋini fo na so.”

Jɛnesis 37:3

Jeekɔb malɛ daa sha Josɛf nna ga a chɔ mbe mbia na be ekama ŋkpal e ka daa la mbe mbel to be kebia so. Amoso e daŋ baa piŋi tenteŋ muchɛr muchɛr nna n sa Josɛf.

Jɛnesis 44:20

Nɛ an shuli ŋ kaŋɛ fo: ‘An kɔ etuto nɛ e bel a kɔ kebinyɛnsobi nɛ e kurge mbe mbel to. Kebia na mo da wu nɛ e ki mo nawule ashi mo nio be mbia to nɛ mo tuto bee sha mo ga.’

Nshɛ 2:12

Men baa jɔŋɛ a bunyaŋ mo pibi na, nɛ mannɛ aloŋ e beeŋ nya agbo epul to m mur menyi. E bee nɛfa nsaa kuŋ bekama nɛ baa shile a yɔ mo kutɔ na nna.”

Nshɛ 2:7

Nɛ ewura na kaŋɛ le: “Meeŋ bɔ kɔnɔ nɛ Enyɛnpe Ebɔrɛ na nase n sa ma na be kubɔya.” E yɛ: “Fo e la m pibinyɛn na; kabre, ŋ ki fo tuto.

Aizaaya 42:1

Enyɛnpe Ebɔrɛ na yɛ: “Ma kenya nde, ma e naa sa mo eleŋ. Mo e la esa nɛ n lara, nɛ ma kagbene bee fuli mo so. N ta ma Kiyoyu nna n sa mo, nɛ e bar keji asheŋ nɛ amo be ekpa so ashi efuliana so.

Matiu 1:23

E yɛ: “Kasuŋgurbia nɛ e maŋ nyi enyɛn beeŋ di kedampo ŋ kurge ebinyɛn nɛ b nase mo ketre Emanuɛl. Kumo be kifito e la fanɛ Ebɔrɛ wɔ anyi kutɔ.”

Matiu 11:27

Kede be kaman nɛ Yesu naŋ kaŋɛ le: “N Tuto ta kusɔ kama nna m bɔɔ ma enɔ. Esa kama maŋ nyi esa nɛ e la Ebinyɛn na she Etuto na, esa kikɛ malɛ maŋ naa nyi Etuto na she Ebinyɛn na nɛ bumo nɛ Ebinyɛn na bee sha keta Etuto na ŋ ŋini na nawule.

Matiu 17:5

E kraa malga nna nɛ kuwɔlpa nyɛkpɛso ko lar nɛ kumo be kiyoyul ba buu bumo so nɛ ebɔl shi kuwɔlpa na to ŋ kaŋɛ: “M Pibinyɛn shaso nɛ ma kagbene fuli mo so ga nde. Men baa nu mbe kɔnɔ.”

Matiu 26:63

Ama Yesu daŋ la to nna a yil. Nɛ bɔrɛmatapo nimuso na kaŋɛ mo le: “Ebɔrɛ nɛ e wɔ ŋkpa to ere so, kaŋɛ anyi, fo e la Kristo, Ebɔrɛ Pibinyɛn na a?”

Matiu 3:17

Kumo be kaman nɛ ebɔl shi esoso ŋ kaŋɛ le: “M Pibinyɛn shaso nɛ ma kagbene bee fuli mo so ga nde.”

Maak 1:11

Nɛ ebɔl shi esoso ŋ kaŋɛ le: “Fo e la m Pibinyɛn shaso na. Ma kagbene fuli fo so ga.”

Maak 12:5

Nɛ e naŋ bɛta n shuŋi kenya ko nɛ b ya mɔ mo. Loŋ koŋwule nɛ b wora bekama nɛ b yɔ ndoŋ, a bri beko nsaa mɔ beko malɛ.

Maak 12:7

Ama paawuraana na ya kaŋɛ abar: ‘Men keni, kudɔ ere wura be kapetɛjipo nde. Men ba nɛ an mɔ mo nɛ asɔ na e ki anyeya.’

Maak 9:7

Nɛ kuwɔlpa ko lar nɛ kumo be kiyoyul ba buu bumo so nɛ ebɔl shi kuwɔlpa na to ŋ kaŋɛ: “M Pibinyɛn shaso nde, men baa nu mbe kɔnɔ.”

Luuk 3:22

nɛ Kiyoyu Cheeŋ na gbelge m ba mo so fanɛ lepɔ gbagba nɛ ebɔl shi ebɔrɛso ŋ kaŋɛ le: “Fo e la m Pibinyɛn shaso na. Ma kagbene fuli fo so ga.”

Luuk 9:35

Ndoŋ nna nɛ ebɔl shi kuwɔlpa na to ŋ kaŋɛ: “M Pibinyɛn nɛ n lara na nde, men baa nu mbe kɔnɔ!”

Baru lela nɛ Jɔn kute na 1:14

Esa nɛ baa tre Kamalga na daŋ ki dimɛdi nna m ba kaa wɔ anyi to. An wu mbe kemaŋkura nɛ kuwɔr be kakɛ nɛ kashenteŋ bɔlɔ kemaŋkura na to. Le be kemaŋkura ere la mo peya nna ŋkpal e ka la Ebɔrɛ Pibinyɛn koŋwule na so.

Baru lela nɛ Jɔn kute na 1:18

Esa kama maŋ naŋ wu Ebɔrɛ kenishiso. Ebinyɛn koŋwule, nɛ e tase m mata Ebɔrɛ na, nawule e ŋini basa kananɛ Ebɔrɛ du.

Baru lela nɛ Jɔn kute na 1:34

Ma alɛ wu nsaa ji shɛda fanɛ mo e la Ebɔrɛ Pibinyɛn na.”

Baru lela nɛ Jɔn kute na 1:49

Nɛ Nataniɛl kaŋɛ mo le: “Rabai, kashenteŋto, fo e la Ebɔrɛ Pibinyɛn na. Fo e la Israɛl be efuli so be Ewura na.”

Baru lela nɛ Jɔn kute na 3:35

Amodoŋwura e la Ebinyɛn na nɛ Etuto na malɛ bee sha mo, amoso, e ta kusɔ kama nna m bɔɔ mo enɔ.

Baru lela nɛ Jɔn kute na 5:23

saŋɛ na so, ekama beeŋ bunyaŋ ma, Ebinyɛn na fanɛ kananɛ baa bunyaŋ Etuto na. Ekama malɛ nɛ e maa bunyaŋ ma, Ebinyɛn na maa bunyaŋ Etuto nɛ e shuŋi ma na gba nna na.

Hibruwebi 1:6

Ade be kaman, Ebɔrɛ ka daa sha kebar mo Pibinyɛn juŋkparso na durnya to na, le nɛ e daŋ kaŋɛ: “A daga fanɛ Ebɔrɛ be emalaika kikɛ ka bunyaŋ mo.”

1 Jɔn 4:9

Kananɛ Ebɔrɛ ŋini anyi mbe kasha nde: E shuŋi mo Pibinyɛn koŋwule nna durnya ere to fanɛ an bɔla mo so n nya ŋkpa.

3 Jɔn 1:1

Kawɔl ere shi ma nɛ baa tre Enimu na kutɔ nna a yɔ n teri kpakpaso Gayes nɛ mee sha kashenteŋto ga na kutɔ.