Maak 12:40 - EBƆRƐ BE KAWƆL

⁴⁰ Bumo e naa puni bekulpocheana a suge bumo be nwu nsaa ta kabɔrɛkule tenteŋ kebirkɔnshiso a kule Ebɔrɛ na. Ŋkpal le be asheŋ ere kikɛ so bumo be kasogberge beeŋ baa shi ga a chɔ ekama peya.”

Maak 12:40 ပူးပေါင်းရင်းမြစ်များ

Ezikɛl 22:25

Bumo be bejuŋkparpoana ŋko anebiana du fanɛ ebuluŋ nɛ a pɛ kusɔbɔya a kpɛa to a we nsaa munto nna. Baa mɔ basa na nna nseŋ suge amansherbi nɛ mpetɛsɔ kikɛ nɛ baaŋ tiŋ n nya n sɔ. Bumo alɛ bee mɔ bekulana nna nɛ beche damta e ki bekulpoche.

Maika 2:2

B baa sha nsawule ŋko nwu kama, baa suge amo eleŋso nna. Baa puni nna a suge basa be nwu ŋko mpetɛsɔ.

Matiu 23:13

Asheŋ maaŋ nyalɛ n sa menyi mbraŋinipoana nɛ Efarisiana ere kikɛ, kebirkɔnshiwuraana ere, ŋkpal men ka bee kuŋ basa ashi Ebɔrɛ be kuwura na to be keluri na to so. Men gbagba maa luri ebɔrɛso be kuwura na to, menyi alɛ nseŋ naa shin nɛ basa nɛ b daa beeŋ baa sha keluri bee paŋ kumo to be keluri.

Matiu 23:14

[Mbraŋinipoana nɛ Efarisiana, asheŋ maaŋ nyalɛ n sa menyi kikɛ, kebirkɔnshiwuraana ere. Menyee puni bekulpocheana nsaa suge bumo be nwu nsaa ta kabɔrɛkule tenteŋ kebirkɔnshiso a kule Ebɔrɛ. Ŋkpal le be asheŋ ere kikɛ so, men be kasogberge beeŋ baa shi ga a chɔ ekama peya.]

Matiu 23:33

Awɔ ere, awɔ lubi be mbia ere, nuso nɛ menyeeŋ wora nɛ b maaŋ gberge menyi kusoe n yɛr menyi Setani be edɛ to?

Matiu 6:7

Nɛ menyi alɛ naa kule Ebɔrɛ, men sa maa bela mmalga fuloŋ a deŋi abar so fanɛ kananɛ nnyamase bee wora na. Ŋkpal manɛ so, baa tama fanɛ mmalga damta na so Ebɔrɛ beeŋ nu bumo be kabɔrɛkule.

Maak 12:39

Bumo e naa sha kebaachena bunyanso be mbɛ so ashi nshɛrbuana to nseŋ naa sha kejigboŋ to be bunyanso be echenakpaana na.

Luuk 20:47

Bumo e naa puni bekulpocheana a suge bumo be nwu nsaa ta kabɔrɛkule tenteŋ kebirkɔnshiso a kule Ebɔrɛ na. Ŋkpal loŋ be asheŋ ere kikɛ so, bumo be kasogberge beeŋ baa shi a chɔ ekama peya.”

2 Kɔrintebi 11:20

Kashenteŋto, menyee tiŋ a nyiti ekama nɛ e bee ta menyi fanɛ anya ŋko ekama nɛ e bee ji menyi so ŋko emo nɛ e bee dese kasawule a nya menyi ŋko emo nɛ e bee keni menyi a bɔl ŋko emo nɛ e bee kpa menyi etaŋ.

2 Timoti 3:6

Bumo to be beko e naa ŋana a luri basa peana a pɔɔ beche nɛ b maa tiŋ a keta bumo be amu so na. Loŋ be beche, alubi e nyaŋ bumo ŋ keta nɛ ayɛlgasɔ be yiri kikɛ kɔ bumo to a wora kusɔ kama.