Maak 12:38 - EBƆRƐ BE KAWƆL

³⁸ Yesu be keŋini na to nɛ e kaŋɛ bumo: “Men baa de mbraŋinipoana so. Bumo e naa sha kebaabuu epiŋi tenteŋ a nite a kilgi to nɛ b baa chɔrɔ bumo bunyanso na.

Maak 12:38 ပူးပေါင်းရင်းမြစ်များ

Matiu 10:17

Men baa de edimɛdi so, ŋkpal manɛ so, baaŋ pɛ menyi n yɔ demujikpa n ya kuya menyi so ashi bumo be nshɛrbuana to.

Matiu 6:5

Nɛ men baa kule Ebɔrɛ, men sa maa kule fanɛ kananɛ kebirkɔnshiwuraana bee kule na. Ŋkpal manɛ so, bumo ere bee kaa sha fanɛ b baa yil nshɛrbuana to nɛ ŋkpancheriana to nna a kule Ebɔrɛ nɛ basa e wu bumo. Kashenteŋ nɛ mee kaŋɛ menyi na, b teŋ nya bumo be kechɔrɔ kikɛ.

Maak 12:39

Bumo e naa sha kebaachena bunyanso be mbɛ so ashi nshɛrbuana to nseŋ naa sha kejigboŋ to be bunyanso be echenakpaana na.

Maak 4:2

Ndoŋ nna nɛ e ta aŋasa ŋ ŋini bumo asɔ damta ŋ kaŋɛ:

Luuk 11:43

Farisiebi, asheŋ maaŋ nyalɛ n sa menyi nɛ menyee sha kebaachena bunyanso be mbɛ so ashi nshɛrbuana to nseŋ naa sha nɛ basa e baa tu menyi kebɛ to a chɔrɔ menyi bunyanso na.

3 Jɔn 1:9

N sibɛ kusɔ ko n shoŋi asɔriebi na, ama Dayɔtrefis nɛ e baa sha kejuŋkpar ga ashi bumo to na maa sha kenu n sa anyi.