Maak 12:37 - EBƆRƐ BE KAWƆL

³⁷ Deevid gbagba daŋ tre mo mo Nyɛnpe. Nɛ nuso nɛ Kristo na beeŋ wora a la mo nanabi?” Jimaŋ damta ko daŋ nu mbe kamalga na nɛ bumo be ŋgbene fuli bumo.

Maak 12:37 ပူးပေါင်းရင်းမြစ်များ

Matiu 1:23

E yɛ: “Kasuŋgurbia nɛ e maŋ nyi enyɛn beeŋ di kedampo ŋ kurge ebinyɛn nɛ b nase mo ketre Emanuɛl. Kumo be kifito e la fanɛ Ebɔrɛ wɔ anyi kutɔ.”

Matiu 11:25

Jemanɛ na so nɛ Yesu kaŋɛ le: “Etuto nɛ fo la ebɔrɛso nɛ kasawule so be Enyɛnpe, mee chɔrɔ fo ga ŋkpal fo ka ta asɔ nɛ fo ta ŋ ŋana benyiashempo nɛ bekoyapo so nseŋ bugi amo be wulo n sa bebɔlpo so.

Matiu 11:5

Mee shin nɛ betanpo bee wu nɛ ebobi bee nite nɛ bebotipo bee nyalɛ so nɛ ekpawu bee nu nɛ bubuni bee tiŋi luwu to nɛ bebɔlpo malɛ bee nya a nu baru lela na be asheŋ.

Matiu 21:45

Bɔrɛmatapowuraana na nɛ Efarisiana na ka nu Yesu be aŋasa na nɛ b pin fanɛ bumo be asheŋ nɛ e daa malga na

Matiu 21:46

nɛ b wora ania a fin kananɛ baaŋ wora m pɛ mo, ama bumo alɛ daa ŋana jimaŋ na nna, ŋkpal manɛ so, basa na kikɛ daŋ yirda fanɛ e la anebi nna.

Luuk 19:48

Ama bumo alɛ daa maŋ tiŋ n nya shɛŋ n wora ŋkpal kananɛ basa daŋ baa wɔtɔ a nu mbe kamalga na so.

Luuk 21:38

Chipurdidi basa na kikɛ daa ba mo kutɔ bɔrɛlambu na to nna m ba kaa nu mbe mmalga.

Baru lela nɛ Jɔn kute na 12:9

Asheŋ ere ka bee wora ere nɛ Juwebi na be bedamta nu fanɛ Yesu ba Bɛtani nseŋ ba nɛ b ba keni mo. Mannɛ Yesu malɛ gba nawule so nɛ b daŋ ba, b daŋ ba nna nɛ b ba keni Lazɔrɔs nɛ Yesu tiŋi luwu to na.

Romebi 9:5

B shi benananyɛngboŋana na be kanaŋ to nna. Dimɛdi malɛ be kaplɛa so Kristo na shi bumo to nna. Epaŋ be kedi e baa la Ebɔrɛ nɛ e chɔ kusɔ kama kuwura na peya. Amɛn.

1 Timoti 3:16

Kashenteŋto, esa kikɛ maaŋ tiŋ ŋ kaŋɛ anyi be keŋini ere nɛ Ebɔrɛ lara ŋ ŋini ere maŋ la keŋinigboŋ, ŋkpal manɛ so, k bee ŋini esa nɛ e ta nyiŋgbasa be eyur nna n shi ebɔrɛso m ba durnya to be asheŋ. Mo nɛ Kiyoyu Cheeŋ na daŋ kaŋɛ anyi fanɛ e maŋ kɔ kulubi na, emalaika daŋ wu mo nɛ basa bɔ mbe kubɔya nnyamase to nɛ durnya to be basa yirda mo. Mo koŋwule na nɛ Ebɔrɛ daŋ shin nɛ e luri to n yɔ kemaŋkura be ŋkpa na to.

Jeems 2:5

Ŋ kurgepo shasoana, men baa nyi fanɛ basa nɛ b maŋ kɔ shɛŋ basa be anishito na nɛ Ebɔrɛ lara fanɛ b yirda Yesu Kristo nseŋ ki damawuraana ashi Ebɔrɛ be anishito nseŋ nya n luri mbe kuwura mo nɛ e nase kɔnɔ fanɛ e beeŋ sa basa nɛ baa sha mo na to.

Kelaraŋŋini 22:16

Ma Yesu e shuŋi ma malaika nɛ e ba ta le be shɛda be kubɔya ere m bɔ n sa asɔriana na. N la Ewura Deevid be kanaŋ to be Ejuŋkparpo nna nseŋ naa la mo Nanabi nɛ kachipurso be Nyanwuleji fuliso parr nna.”