Maak 12:3 - EBƆRƐ BE KAWƆL

³ Nɛ paawuraana na nyaŋ kenya na m bri mo nseŋ bɛta mo n yɔ nɛ enɔfuloŋ.

Maak 12:3 ပူးပေါင်းရင်းမြစ်များ

1 Bewura 18:13

Fo maŋ nu fanɛ Jɛzebel bee mɔ Enyɛnpe Ebɔrɛ be anebiana na nna a? Ma e daŋ barga bumo be basa kalfa to basa adununu n ya ŋana abeelaŋ to nsaa yɛr ajibi nɛ nchu n ya ka sa bumo na.

1 Bewura 18:4

amoso Jɛzebel ka daa mɔ Enyɛnpe Ebɔrɛ be anebiana na, Obadaya e daŋ ta bumo be basa kalfa n ya ŋana abeelaŋ anyɔ to nsaa sa bumo ajibi nɛ nchu ndoŋ. E daŋ barga bumo to basa adununu nna n wɔtɔ kebeelaŋ kama to.

1 Bewura 19:10

Nɛ Elaija kaŋɛ le: “Enyɛnpetale Ebɔrɛ, fo nawule nɛ mee shuŋ saŋkikɛ. Ama Israɛlebi na bre ku kɔnɔkoŋwule be ŋkre nɛ fo nɛ bumo kɔ na to nna nseŋ da fo bɔrɛsureana n lɛ, m mɔ fo anebiana kikɛ. Naniere n nawule e ka nɛ baa sha kemɔ ma alɛ gba.”

1 Bewura 19:14

Nɛ Elaija naŋ kaŋɛ le: “Enyɛnpetale Ebɔrɛ, fo nawule nɛ mee shuŋ saŋkikɛ. Ama Israɛlebi na bre ku kɔnɔkoŋwule be ŋkre nɛ fo nɛ bumo kɔ na to nna nseŋ da fo ebɔrɛsureana n lɛ m mɔ fo anebiana kikɛ. Naniere n nawule e ka nɛ baa sha kemɔ ma alɛ gba.”

1 Bewura 22:27

n ya kaŋɛ bumo fanɛ b ti mo ebu n sa maŋ kaŋ sa mo ajibi kikɛ ama bodobodo nɛ nchu nawule hale nɛ n ya shi kena na to m bɛta m ba nɛ alenfia pɔɛŋ.”

2 Kronikɛls 16:10

Ewura Asa ka nu loŋ nɛ e nya agbo n wɔtɔ anebi na n shin nɛ b pɛ mo n ya ti ebu. Loŋ be jemanɛ na so nɛ ewura Asa fara a mɛaŋ basa na be beko.

2 Kronikɛls 36:16

Ama b daŋ kplaŋ Enyɛnpe Ebɔrɛ be kamalga so nna nsaa wora mbe mbɔ nɛ e daa shuŋi bumo kutɔ na amɔmɔshiasheŋ nsaa mushe mbe anebiana na, hale nɛ Enyɛnpe Ebɔrɛ be agbo kaa alegaiso nɛ shɛŋ maŋ naa wɔtɔ nɛ k sɔ basa na.

Nehemaya 9:26

Ade kikɛ be kaman b kraŋ lar fo kaman nseŋ kini kewora fo mbra kasonu. B daŋ mɔ fo anebiana nɛ b daŋ kpele bumo kusoe fanɛ b bɛta m ba fo kutɔ na nna. Kumo be kaman nɛ b shoduu fo ketre.

Jɛremaya 2:30

N daŋ gberge menyi kusoe, ama men kini kebɛta m ba ma kutɔ nseŋ diewu m mɔ ma anebiana fanɛ ebuluŋ ka diewu na.

Jɛremaya 20:2

nɛ e shin nɛ b pɛ ma m bri nseŋ ta ŋgbɛlɛbi ŋ kre ma n nase ashi bɔrɛlambu na be kabunagboŋ nɛ baa tre Bɛnjamin be Kabunagboŋ na ase.

Jɛremaya 29:26

“Bɔrɛmatapo Jehowada ka wu, fo nɛ Enyɛnpe Ebɔrɛ na lara nɛ fo ki bɔrɛmatapowura a keni bɔrɛlambu na to be bekumpo so. Fo kushuŋ e la fanɛ fo ka beeŋ shin nɛ b pɛ esa kama nɛ mbe kumu maa shuŋ nɛ e ta mbe kumu fanɛ anebi nseŋ wɔtɔ mo ŋgbɛlɛbi mbe enɔana nɛ aya nɛ kubɔ to.

Jɛremaya 44:16

“An kini kenu kusɔ nɛ fo kaŋɛ anyi ashi Enyɛnpe Ebɔrɛ na be ketre to nna.

Matiu 15:22

Ndoŋ nɛ Keenan be efuli so be kache ko nɛ e daa tase efuli na so na ba boŋ to n tre Yesu ŋ kaŋɛ mo le: “Enyɛnpe, Ewura Deevid mo Nanabi, wu ma kuwɔr. M pibiche e kɔ kiyoyu lubi mo to nɛ k bee tɔrɔ mo ga.”

Maak 12:2

Asɔrso na be kechuge be jemanɛ ka ya fo nɛ e shuŋi kenya ko paawuraana na kutɔ fanɛ e ya sɔ mbe kudɔ na to be asɔrso na be ako m bar mo.

Maak 12:4

Nɛ kudɔ na wura naŋ shuŋi kenya ko nɛ paawuraana na ya doro mbe kumu nseŋ wora mo amɔmɔshiasheŋ.

Ashuŋ Shunso 7:52

Anebi mo nɛ men nanaana maŋ tɔrɔ! B mɔ Ebɔrɛ be mbɔ nɛ b daŋ wu ŋ kaŋɛ dra na kikɛ fanɛ Ebɔrɛ be Kenya cheembi beeŋ ba na. Kabre menyi alɛ debɔr mo nseŋ mɔ mo.

1 Tɛsalɔnikaebi 2:15

Juwebi koŋwule na e mɔ Enyɛnpe Yesu nɛ anebiana na nseŋ tɔrɔ anyi alɛ. Bumo be asheŋ maa par Ebɔrɛ kikɛ. Bumo nɛ basa kikɛ malɛ maŋ wɔ ebel.