Maak 12:15 - EBƆRƐ BE KAWƆL

¹⁵ Ama Yesu wu bumo be kebirkɔnshi nseŋ bishi: “Manɛ e ba nɛ menyee sha kenu ma kɔnɔ? Men bar ma kemansherbi nɛ ŋ keni.”

Maak 12:15 ပူးပေါင်းရင်းမြစ်များ

Ezikɛl 17:2

“Dimɛdi pibi, Ezikɛl, bɔ Israɛl be basa na keŋasa

Matiu 20:2

E ka nya bumo nɛ mo nɛ bumo ji n yili fanɛ e ka bumo lebra be kachɛ koŋwule be kakɔka. Kumo be kaman nɛ e yɛr bumo mbe ndibi be kudɔ na to.

Matiu 22:18

Ama Yesu daŋ pin bumo be nfɛra lubi na nseŋ bishi bumo:

Maak 10:2

Ndoŋ nna nɛ Efarisiana ko ba mo kutɔ nɛ b ba wora mo ŋ keni m ba bishi mo: “Mbra na bee shuli fanɛ enyɛn e kini mbe eche a?”

Maak 12:14

Nɛ b ba mo kutɔ m ba kaŋɛ: “Eŋinipo, an nyi fo ka la kashenteŋjipo. Fo shɛŋ maŋ wɔ kananɛ basa bee fɛ fo asheŋ to, ŋkpal manɛ so, fo maa keni kananɛ basa du, kashenteŋ nawule nɛ fo kɔ a ŋini basa Ebɔrɛ be ekpa. Kaŋɛ anyi, anyi be mbra na to k wɔtɔ fanɛ an baa ka lampo a sa Romebi be ewurgboŋ Siza ŋko k maŋ wɔtɔ loŋ? An ka ŋko an sa maŋ ka?”

Maak 12:16

Ndoŋ nna nɛ b bar mo kemansherbi na nɛ e bishi bumo: “Esa mo be foto nɛ wanɛ be ketre e deŋ kumo so ere?” Nɛ basa na kaŋɛ mo: “Ewurgboŋ Siza peya.”

Luuk 20:23

Ama Yesu daŋ pin bumo be kɔnɔnu be kebishi na nseŋ kaŋɛ bumo le: “Men sa ma kemansherbi nɛ ŋ keni.”

Baru lela nɛ Jɔn kute na 21:17

Kela sasopo nɛ Yesu naŋ bishi Pita: “Saimɔn, Jɔn pibinyɛn fee sha ma a?” Ndoŋ nna nɛ Pita be kagbene jija mo, ŋkpal Yesu ka bishi kela sasopo fanɛ: “Fee sha ma?” Amoso, le nɛ e daŋ kaŋɛ Yesu: “Enyɛnpe, fo nyi kusɔ kama, fo nyi ŋ ka bee sha fo.” Nɛ Yesu kaŋɛ mo: “Baa keni ma mbolpɔ so.”

Baru lela nɛ Jɔn kute na 8:6

B daŋ bar le be kesheŋ bishiso ere nna nɛ b ba lute mo kɔnɔ n nya kusɔ ko n yili so n wu mo kulubi. Ama Yesu daŋ kilgi nna m murgi n ta mbe keshilbi n fara a sibɛ kasawule so.

Ashuŋ Shunso 5:9

Nɛ Pita bishi mo: “Manɛ e ba nɛ fo nɛ fo kul wora kɔnɔkoŋwule a sha kewora Enyɛnpe be Kiyoyu na ŋ keni? Basa nɛ b puli fo kul e wɔ kabuna to na, bumo alɛ beeŋ ta fo alɛ gba loŋ.”

1 Kɔrintebi 10:9

A maŋ daga fanɛ an wora Enyɛnpe na ŋ keni fanɛ kananɛ bumo be beko daŋ wora nɛ awɔ daŋ duŋ n duŋ bumo m mɔ na.

Hibruwebi 4:13

Kusɔ toso kikɛ maŋ wɔtɔ a ŋana Ebɔrɛ so. Kusɔ kikɛ nyam dii efuli nna n dese mbe anishito, mo alɛ nɛ anyi kikɛ beeŋ yili mbe anishito ŋ kaŋɛ mo ashuŋ nɛ an wora kikɛ nɛ kusɔ nɛ k ba nɛ an wora amo.

Kelaraŋŋini 2:23

Ma alɛ beeŋ naŋ shin nɛ mbe mbia e wu n wu nɛ asɔriana na kikɛ to ebi e pin fanɛ ma e la esa nɛ e bee mige ŋgbene nɛ nfɛraana to a wu amo to na. Ma alɛ beeŋ ka ekama be kusɔ nɛ e wora kikɛ be kukɔ.