Maak 12:11 - EBƆRƐ BE KAWƆL

¹¹ Enyɛnpe e daŋ wora le be kesheŋ, kumo alɛ be kananɛ k kɔ mamachi anyi to’ a?”

Maak 12:11 ပူးပေါင်းရင်းမြစ်များ

Jɛnesis 24:50

Ndoŋ nna nɛ Leeban nɛ Bɛtuwɛl kaŋɛ: “Asheŋ na kikɛ shi Ebɔrɛ kutɔ nna, amoso anyi ere maŋ naa kɔ shɛŋ nɛ an kaŋɛ.

Nshɛ 118:22

Kejembu nɛ bepɔrpo kini n lɛ na e ki ebu na be kebonfu to be gbaltɔlase be kejembu lela na.

Nshɛ 118:23

Enyɛnpe Ebɔrɛ na e wora loŋ; anyi alɛ wu kumo fanɛ k la mamachi be kesheŋ nna.

Habakuk 1:5

Ndoŋ nna nɛ Enyɛnpe Ebɔrɛ na kaŋɛ mbe basa le: “Men dara efuli pɔtɛana nɛ a kulti menyi na ŋ keni. Kusɔ nɛ menyeeŋ wu na beeŋ mɔ menyi kɔnɔ alegaiso. Meeŋ wora kusɔ ko menyi be jemanɛ to, nɛ men nu kumo gba menyi maaŋ yirda.

Nɔmbɛs 23:23

Kudur ŋko kegbaya be eleŋ kikɛ maŋ wɔtɔ nɛ k beeŋ tiŋ ŋ kɔ m pɔɔ Israɛl be efuli ere so, Basa beeŋ ji Israɛl be asheŋ be shɛda ŋ kaŋɛ le: ‘Men keni kusɔ nɛ Ebɔrɛ wora n sa mbe basa!’

Matiu 21:42

Nɛ Yesu naŋ bishi bumo: “Men maŋ naŋ kraŋ abɔrɛsibɛ nɛ a bee kaŋɛ le na nna; a yɛ: ‘Kejembu mo nɛ bepɔrpo kini na e ba ki ebu na be kebonfu be gbaltɔlase lela na. Enyɛnpe e daŋ wora le be kesheŋ. Kumo alɛ be kananɛ k kɔ mamachi anyi to’ a?

Ashuŋ Shunso 2:12

K daŋ wul bumo kikɛ to ga nɛ b wɔtɔ a bishi abar: “Kede be kifito e la nuso?”

Kɔlɔsiebi 1:27

Ŋkpal manɛ so, Ebɔrɛ daa sha keŋini bumo kananɛ e ŋini mbe wulo be eleŋgboŋ basa kikɛ to nna, kumo e la fanɛ, Yesu Kristo wɔ menyi to, kumo so nɛ men kɔ tama fanɛ menyeeŋ nu Ebɔrɛ be kemaŋkura na be ebel na.

1 Timoti 3:16

Kashenteŋto, esa kikɛ maaŋ tiŋ ŋ kaŋɛ anyi be keŋini ere nɛ Ebɔrɛ lara ŋ ŋini ere maŋ la keŋinigboŋ, ŋkpal manɛ so, k bee ŋini esa nɛ e ta nyiŋgbasa be eyur nna n shi ebɔrɛso m ba durnya to be asheŋ. Mo nɛ Kiyoyu Cheeŋ na daŋ kaŋɛ anyi fanɛ e maŋ kɔ kulubi na, emalaika daŋ wu mo nɛ basa bɔ mbe kubɔya nnyamase to nɛ durnya to be basa yirda mo. Mo koŋwule na nɛ Ebɔrɛ daŋ shin nɛ e luri to n yɔ kemaŋkura be ŋkpa na to.